Դրամը շարունակում է դանդաղորեն ամրապնդել դոլարի նկատմամբ, արագորեն արժեզրկվելով եվրոյի նկատմամբ

Արմինֆո. Հայաստանի արժույթի միջբանկային շուկայում սեպտեմբերին 4-8-ը ծավալներն աճել են 8,7%, նախորդ շաբաթ տեղի ունեցած եռակի աճից հետո: Դրան զուգահեռ, ներբանկային արժութային շուկայում ակտիվացավ դոլարի գնումը, իսկ վաճառքը պասիվացավ, ինչպես նաև եվրոյով և ռուբլիով գործարքներում: Բորսայական արժութային հարթակը շարունակում է մնալ դատարկ:

Արդյունքում, դրամը շարունակում է ամրապնդել դոլարի նկատմամբ`478,5-ից մինչև 478 դրամ / $ 1, եվրոյի նկատմամբ թուլանալով`569-ից մինչև 577 դրամ /եվրո, իսկ ռուբլու նկատմամբ`8.3-ից մինչև 8.4 դրամ/ռուբլի: Մեկ տարի առաջ, 2016-ի սեպտեմբերի 8-ին դրամի փոխարժեքը դոլարի նկատմամբ կազմել էր 475 դրամ / $ 1, եվրոյի նկատմամբ`534 դրամ / եվրո, իսկ ռուբլու`7,4 դրամ/ռուբլի, ինչը ցույցէ տալիս ՀՀ դրամի տարեկան արժեզրկումն այդ արժույթների նկատմամբ:

Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, ՆԱՍԴԱՔ ՕԷՄԷՔՍ Արմենիա բորսայական հարթակը 4 ամիս շարունակ դատարկ է: Իսկ արժույթի միջբանկային շուկայում սեպտեմբերի 4-8-ը գործարքների ծավբալը կազմել է $ 13,8 մլն, 478.31 դրամ / $ 1 միջին փոխարժեքով (նախորդ շաբաթ` 478.56): Դրան զուգահեռ, արժույթի ներբանկային շուկայում դոլարի առքի դինամիկան 0.7% անկումից հետո արձանագարեց 0.4% աճ, իսկ վաճառքի գծով`16.3% աճից մինչև 16.5% անկում, եվրոյի գնման գծով`3% աճից մինչև 8.9% անկում, իսկ վաճառքի գծով` 14,4% աճից դանդաղելով մինչև 5.6% աճ: Ռուբլու առք / վաճառքի գծով 4,3-22% աճը փոխարինվեց 12,2- 3.3% անկումով: Արդյունքում, գնվել է $ 69.3 մլն, 477,51 դրամ / $ 1 միջին փոխարժեքով, 9.2 մլն. եվրո, 568.12 դրամ / եվրո միջին փոխարժեքով և 1.2 միլիարդ ռուբլի,  8.26 դրամ/ռուբլի միջին կշռված փոխարժեքով: Իսկ վաճառվել է $ 77,5 մլն, 478.85 դրամ / $ 1 միջին փոխարժեքով, 11.8 մլն. եվրո 571.69 դրամ / 1EUR միջին փոխարժեքով, և 506,3 մլն ռուբլի, 8.35 դր / ռուբլի միջին հաշվով:

Ըստ աղբյուրի, նախորդ շաբաթվա (օգոստոսի 28-ից սեպտեմբերի 2-ը) Հայաստանի բանկերը տրամադրել են 39.5 մլրդ. Դրամի դրամային վարկեր և $ 81 մլն-ի դոլարով վարկեր: Նախորդ ժամանակահատվածի (օգոստոսի 21-26-ը) համեմատ տրամադրված վարկերի դինամիկան հետևյալն է`դրամով վարկերի տրենդը 8,7% անկումից հետո արձանագրել է 1,8% աճ, իսկ դոլարով վարկերի ծավալների 6% աճն արագացել է մինչև 88.4%:

Նշենք, որ 2017 թվականի առաջին կիսամյակում արժույթի բորսայական հարթակում ընդհանուր առմամբ կատարվել է $ 3,3 մլն-ի գործարք, մասնավորապես, $ 600 հազար-ական ծավալներով գֆործարքներ են կատարվել հունվար և փետրվար ամիսներին,  համապատասխանաբար`486,79 դրամ / $ 1 և 487,08 դրամ / $ 1 փոխարժեքներով, $ 1.5 մլն-ի գործարք տեղի է ունեցել մարտին, 485,55 դրամ / $ 1 փոխարժեքով, և $ 600 հազարի գործարք`մայիսին 482.80 դրամ / $ 1 փոխարչժեքով: Ընթացիկ տարվա ապրիլին և հունիսին բորսայական շուկայում գործարքներ չեն կատարվել, ընդհանրապես: Կենտրոնական բանկը 2017-ի I կիսամյակում գործարքներ էր կատարում արժութային շուկայում, ընդ որում, միայն հունվարին և հունիսին, մասնավորապես հունիսին արձանագրվել է $ 15 մլն ծավալով վաճառք, 485.84 դրամ/ $ 1 փոխարժեքով, իսկ հունիսին`$ 11.5 մլն ծավալով առք, 480.73 դրամ / $ 1 փոխարժեքով: