Արմինֆո. ՀՀ տնտեսական զարգացման և ներդրումների նախարարի առաջին տեղակալ Գարեգին Մելքոնյանը սեպտեմբերի 12-ին ընդունել է ԱՄՆ առևտրի ներկայացուցչի առևտրային քաղաքականության և տնտեսական հարցերով տեղակալ Էդվարդ Գրեսերին և Աշխատանքի դեպարտամենտի առևտրային քաղաքականության և բանակցությունների բաժնի ղեկավար Աննե Զոլներին։
Հանդիպմանը մասնակցել են Հայաստանի Հանրապետությունում ԱՄՆ դեսպանության, ՀՀ տնտեսական զարգացման և ներդրումների նախարարության, ինչպես նաև Հայաստանի զարգացման հիմնադրամի ներկայացուցիչները:
Ինչպես ԱրմԻնֆո-ին հաղորդեցին ՀՀ տնտեսական զարգացման և ներդրումների նախարարության մամուլի ծառայությունից, հանդիպման ընթացքում ներկայացվել և քննարկվել են ԱՄՆ կողմից Հայաստանին տրամադրվող Արտոնությունների ընդհանրացված համակարգ (GSP) արտոնյալ առևտրային ռեժիմին առնչվող մի շարք հարցեր։ Հատկապես կարևորվել են GSP ռեժիմի իրականացման շրջանակներում թափանցիկության ապահովմանը, տեղեկատվության տրամադրմանը և իրազեկության բարձրացմանը նպատակաուղղված միջոցառումները, և այս համատեքստում մասնավորապես կարևորվել է վաղը՝ սեպտեմբերի 13-ին կայանալիք, Հայաստանում Ամերիկյան առևտրի պալատի և Հայաստանի Հանրապետությունում ԱՄՆ դեսպանության կողմից կազմակերպված «Դեպի ԱՄՆ արտահանման ներուժի բացահայտում` արտոնությունների ընդհանրացված համակարգ» թեմայով միջոցառումը:
Հանդիպման ընթացքում կողմերն անդրադարձել են նաև ՀՀ-ԱՄՆ Առևտրի և ներդրումների խորհրդի շրջանակներում իրականացվող աշխատանքների ընթացքին։
Հայաստանն օգտվում է GSP շահառու երկրի կարգավիճակից Կանադայի, Ճապոնիայի, Նորվեգիայի, Շվեյցարիայի և Միացյալ Նահանգների հետ: GSP հաշվին ավելի քան 3500 անվանման հայկական ապրանքներ կարող են արտահանվել զրոյական մաքսատուրքով: 2009 թվականի հունվարի 1-ից Հայաստանը ներառվել է Եվրամիությունից GSP+ ռեժիմ ստացած երկրնեի ցուցակում, որն առնչվում է ավելի քան 6.400 անվանման ապրանքների:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |