Երեթշաբթի, 19 Սեպտեմբերի 2017 13:25

Արմինֆո. Հայաստանի մարզերում վաճառվող դեղերի մոտ 40-45% -ը կեղծված դեղեր են: Դա հիմնականում պայմանավորված է դեղերի վրա 20% ԱԱՀ առկայությամբ, ի տարբերություն հարևան Վրաստանի: Այս մասին, պատասխանելով ԱրմԻնֆո-ի թղթակցի հարցին, հայտարարել է Հայաստանի Դեղեր արտադրողների և ներմուծողների միության ղեկավար Սամվել Զաքարյանը սեպտեմբերի 19-ին կայացած մամուիլի ասուլիսում:

 

Սամվել Զաքարյանը լուրջ մտահոգություն է հայտնել դեղերի վրա ավելացված արժեքի հարկի վճարումը վերացնելուց ՀՀ կառավարության հրաժարվելու կապակցությամբ: «Մինչև 2005 թ. Հայաստանում դեղորայքի վրա չի եղել ԱԱՀ: Հարկումը ներդրվեց այն նպատակով, որպեսզի դրա արդյունքում ձևավորված գումարն ուղարկվի հատուկ Հիմնադրամին, որտեղից այդ գումարը նախատեսված էր ուղղել առողջապահության խնդիրների լուծմանը: Ինչպես տեսնում ենք, ԱԱՀ-ն ներդրվեց, բայց Հիմնադրամի մասին մոռացվեց», - նշել է նա: Արդյունքում, ինչպես նշել է փորձագետը, ներկայումս Հայաստանում դեղերի գները 2-3 անգամ ավելի թանկ են, քան Ռուսաստանում, էլ չեմ խոսում հարևան Վրաստանի մասին:

 

Նա նշել է, որ վերջին 5 տարիներին իրենք մշտապես դիմել են ԱԱՀ-ն վերացնելու խնդրանքով, քանի որ պետության համար տնտեսական արդյունքն այս հարկատեսակից այնքան էլ էական չէ, բյուջեն տարեկան կտրվածքով կորցնում է մոտ 20 մլն.դոլար, մինչդեռ, սոցիալական արդյունքը հսկայական է: «Սոցիալական պետությունը իրավունք չունի պահպանել 20% ԱԱՀ-ն դեղերի վրա, ինչպես նաև երկրի բյուջեն հաշվին հիվանդների կարիքների համալրել, ինչը մեղմ ասած, սխալ է», - ասել է նա:

 

Նա դիլետանտություն է համարում կառավարության հիմնավորումը, որ եթե դեղերի արժեքից հանվի ԱԱՀ-ն, ապա դա չի նշանակում, որ դեղատներն անմիջապես և համարժեքորեն կիջեցնեն գները: «Չի կարելի հարցը քաղաքականացնել, և անկախ այն բանից, թե ով է այն նախաձեռնել, դա շատ կարևոր է Հայաստանի քաղաքացիների համար: Հաշվի առնելով այս հանգամանքը, մենք մտադիր ենք մեկ անգամ ևս դիմել կառավարությանը, որոշումը վերանայելու խնդրանքով », - ասել է Զաքարյանը:

 

Հիշեցնենք, որ ՀՀ կառավարությունը սեպտեմբերի 14-ի նիստում հավանություն չտվեց «Ելք» դաշինքի նախաձեռնությանը, կապված դեղերի վրայից ԱԱՀ-ն վերացնելու հետ: Ինչպես նշեց Ֆինանսների նախարարի առաջին տեղակալ Ատոմ Ջանջուղազյանը, պատգամավորների առաջարկած արտոնությունը նպատակային չէ, քանի որ դրանից  կարող են օգտվել ինչպես սոցիալապես անապահով, այնպես էլ մնացած բնակչությունը: Նրա խոսքերով, օրենքում պատգամավորների առաջարկած փոփոխությունները չեն նպաստի սոցիալական խնդիրների լուծմանը: Իսկ կառավարության եզրակացության մեջ ասված է, որ այս քայլը ոչ միայն չի ապահովի առաջադրված խնդիրների կատարումը, այլ նաև ալդ ոլորտի տնտեսվարող սուբյեկտներին կընձեռի գերշահույթ ստանալու հնարավորություն:-