Արդշինբանկը բարելավել է հիփոթեքային վարկավորման պայմանները, այժմ կանխավճարն սկսվում է ընդամենը 5%-ից

Արմինֆո.Արդշինբանկը հայտարարել է հիփոթեքային վարկերի տրամադրման նոր պայմանների մասին, համաձայն որի նվազեցվել է անշարժ գույքի ձեռքբերման վարկերի տոկոսադրույքների շեմը՝ դառնալով 9.5%: Բարելավվել են նաև վարկի տրամադրման պայմանները, որոնց համաձայն այժմ հնարավոր է ստանալ հիփոթեքային վարկ սկսած ընդամենը 5% կանխավճարով: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

«Այսօր շատերի երազանքն է ունենալ սեփական բնակարան կամ առանձնատուն, սակայն բավարար ֆինանսներ չունենալու պատճառով ոչ բոլորի նպատակներն են իրականանում: Հավատարիմ մնալով որդեգրած քաղաքականությանը, Արդշինբանկը շարունակում է բարելավել վարկերի տրամադրման պայմանները՝ ստեղծելով հնարավորություններ բոլորի համար: Մենք հնարավորություն ենք ընձեռում մեր հաճախորդներին բազմաբնակարան բնակելի շենքում անմիջապես կառուցապատողից բնակարան ձեռքբերելու դեպքում ստանալ վարկ մինչև 35 տարի ժամկետով և առավել ցածր տոկոսադրույքներով: Ավելին, վարկի մեծ գումարի դեպքում վարկառուի եկամտի հաշվարկում ներառվում է նաև վարկառուին վերադարձվող եկամտային հարկի գումարը», - նշեց Ռազմավարական զարգացման տնօրեն Արմեն Գասպարյանը:

Հիփոթեքային վարկերի մասին առավել մանրամասն տեղեկատվություն կարելի է ստանալ, այցելելով https://goo.gl/XFi3Ko, կամ զանգահարելով (012) 22 22 22 հեռախոսահամարին, կամ էլ օգտվելով կայքի «Հետզանգի պատվեր» ծառայությունից:

Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, 2017 թվականի հուլիսի 1-ի դրությամբ, Արդշինբանկը հանդիսանում է հիփոթեքային շուկայի առաջատարը - ավելի քան 28 մլրդ դրամ ($ 58.3 մլն), կամ բանկային համակարգի ընդհանուր հիփոթեքային վարկերի 14.3% -ը: Արդշինբանկի վարկային պորտֆելում հիփոթեքի մասնաբաժինը տարեկան կտրվածքով 5% -ից աճել է մինչև 8%: Բանկի հիփոթեքային վարկերի բացարձակ մեծությունն ավելացել է 36.4%, իսկ միայն 2017 թվականի առաջին կիսամյակում`18.1%: Արդշինբանկը TOP-3 կազմում է իր առանցքային հաշվեկշռային ցուցանիշներով: Այդ թվում, բանկի ընդհանուր կապիտալը կազմել է 62.8 մլրդ դրամ (տարեկան աճը`22.4%), ակտիվները` 507.5 մլրդ դրամ (տարեկան աճը`12.1%), վարկային ներդրումները` 361.6 մլրդ դրամ: Արդշինբանկը 2017 թ. Առաջին կիսամյակը եզրափակել է 3.1 մլրդ դրամ զուտ շահույթով, ինչը նախորդ տարվա նույն ժամանակահատվածի համեմատ աճել է 39.3%: Արդշինբանկը մասնաճյուղային ցանցն ամենամեծերից է Հայաստանի բանկային համակարգում – 64 մասնաճյուղ, որոնցից 19-ը գտնվում է Երևանում, 42-ը` մարզերում և 3-ը`ԼՂՀ-ում: Բանկի հիմնական բաժնետերերն են`«Arins Group» (այն վերանվանվեց «Բիզնես ներդրումների կենտրոն» ԱՊԸ-ի) - 70.1145% և «Ռեգիոն» Արդյունաբերական ֆինանսական կորպորացիան - 28.3689%: Նշենք, որ 2016 թ. վերջին դրությամբ Առէկսիմբանկ-Գազպրոմբանկի խումբը միացավ Արդշինբանկին: