Չորեքշաբթի, 4 Հոկտեմբերի 2017 19:43

Արմինֆո. ՀՀ գյուղատնտեսության նախարարությունն այսօր գտնվում է թվայնացման առաջին փուլում, և նոր մոտեցումներ արձանագրելու և բարձր տեխնոլոգիաներ օգտագործելու համար երկրի գյուղատնտեսության ոլորտից կպահանջվի դեռ 2-3 տարի: Հոկտեմբերի 4-ին նման կարծիք է հայտնել ՀՀ գյուղատնտեսության նախարարի նախարարի տեղակալ Արմեն Հարությունյանը, Արևելյան գործընկերության Գյուղատնտեսության և գյուղի զարգացման հարթակի հինգերորդ հանդիպման ընթացքում, որն ընթանում է «Տեխնոլոգիաների ազդեցությունն ագրոարդյունաբերական համալիրի վրա» խորագրով:

Իր զեկույցում փոխնախարարը նշել է, որ այն հիմնական տեխնոլոգիական գործիքները, որոնք այսօր կիրառում է Հայաստանը: Մասնավորապես, նա նշել է այն, ինչի կարիքն  այսօր ունի ոլորտը: «Երբ մենք խոսում ենք այն մասին, որ ինտեգրման նոր գործիքներ են անհրաժեշտ գյուղատնտեսության ոլորտում, որպես օրինակ շատ հարմար է բերել մի  հատված «Ալիսան հրաշքների երկրում» ֆիլմից, երբ վազելով ծառի կողմն Ալիսան մնաց նույն տեղում: Իսկ ինչո՞ւ, քանի որ նրան խորհուրդ են տվել վազել ավելի արագ: Հետևաբար, մենք էլ պետք է արագացնենք մեր գործողությունները, զարգացման որոշակի մակարդակի հասնելու համար», - ասել է նա:

Փոխնախարարը նշել է առաջնային ուղղությունները, որոնց պետք է հատուկ ուշադրություն դարձնել: «Առաջինը դա հեռանկարների պլանավորումն է: Այլ կերպ ասած, բոլոր քաղաքագետներն ու ռազմավարները պետք է հաշվի առնեն ոչ միայն ներկայիս միտումները, այլ նաև ապագայի հնարավորությունները: Կանխատեսելիությունն այսօր չի գտնվում բավարար մակարդակի վրա, բայց մենք պետք է գոնե հետևենք տնտեսական զարգացման վեկտորին և պլանավորել մեր աշխատանքը», - նշել է Ա. Հարությունյանը: Նա նաև կարևորել է գրագիտության մակարդակի բարձրացումը գյուղատնտեսության ոլորտում, մասնավորապես, ներդրումները կրթական հատվածում: Այս առումով, նա նշել է, որ վերջերս Եվրոպական միության կողմից Հայաստանին տրամադրված 7 միլիոն եվրո դրամաշնորհի մասին: Բացի այդ, ըստ փոխնախարարի, այսօր հատուկ ուշադրություն պետք է դարձվի փոքր ֆերմերների, որոնց թիվը երկրում գերազանցում է 317 հազարը:

Անհրաժեշտ գործիքների շարքում նա նշել է տեղեկատվական համակարգերի օգտագործումը գեոինֆորմացիոն տեխնոլոգիաների (GIS) հիման վրա, ինչը

գյուղատնտեսական արտադրանքի կառավարման բարելավման առավել հեռանկարային ուղղություններից է: «Արդյունքում, մենք կարող ենք պարբերաբար հավաքել տվյալներ, որոնք հիմնարար են հանրային քաղաքականությունում: Իսկ եթե մենք ունենանք ճիշտ տեղեկատվություն, ապա մեր քաղաքականությունը կլինի ավելի օբյեկտիվ`իրենց գնահատականներում», - ընդգծել է նա:

Փոխնախարարը նմշել է նաև Marketing intelligent system համակարգի ներդրումը, որն օգտագործվում է աշխարհի խոշորագույն ամերիկյան Wal-Mart ընկերությունը, որը կառավարում է մեծածախ և մանրածախ առևտրի մեծ ցանց: «Մենք չպետք է մոռանանք այդ շղթաների հասանելիության մասին մեր երկրներում: Քանի որ հարցը վերաբերվում է ոչ միայն մոնիտորինգին: Այդ համակարգի շրջանակներում կիրականացվի մարկետինգային շղթաների մոնիտորինգ, որը ֆերմերներին ուղղակիորեն կկապի սպառողի հետ», - ասել է փոխնախարարը: Միևնույն ժամանակ, փոխնախարարը նշել է նաև բլոկչեյն տեխնոլոգիան, որը հնարավորություն է տալիս ոչ միայն կարգավորել, այլև պահպանել կառավարման արդյունավետ համակարգը:

Լիագումար նիստի բացման արարողությանը մասնակցել է նաև ՀՀ գյուղատնտեսության նախարար Իգնատի Առաքելյանը: Նշենք, որ հինգերորդ գումարմանը մասնակցել են 20 երկրների գյուղատնտեսական գերատեսչությունների ներկայացուցիչներ: