Արմինֆո. Պարտադիր բժշկական ապահովագրության (ՊԲԱ) պոլիսը Հայաստանի աշխատող և պետական ծառայող չհանդիսացող քաղաքացիների վրա, որոնք «Փարոս» ծրագրում չկան, ամսական կնստի 6 հազար դրամ: Այս մասին հոկտեմբերի 6-ին կայացած ամփոփիչ մամուլի ասուլիսում հայտարարել է ՀՀ առողջապահության նախարար Լևոն Ալթունյանը, պատասխանելով ԱրմԻնֆո գործակալության թղթակցի հարցին:
Ըստ նախարարի, առողջապահության հիմնական բարեփոխումը վերաբերվում է բուժման ֆինանսավորմանը: «Այստեղ մենք չենք փորձում հեծանիվ հորինել: Հաշվի առնելով մեր սակավ ռեսուրսները, մենք որոշեցինք վերցնել աշխարհի լավագույն փորձը, իսկ լավագույն համաշխարհային փորձն ապահովագրությանն այլընտրանք չունի», - ասել է նա:
Նախարարության գաղափարախոսությունը, ինչպես բացատրել է Ալթունյանը, կայանում է նրանում, որ հարուստը վճարում է աղքատի, առողջը հիվանդի համար, դրանով իսկ թեթևացնելով բյուջեի ֆինանսական բեռ: Եվ սոցիալապես խոցելի խավերին քիչ ծանրաբեռնելու համար կառավարությունը որոշել է վերցնել այդ բեռը իր վրա, որի շրջանակներում 612 հազար մարդ («Փարոս»-ի անդամ) կստանա ՊԲԱ պոլիս: Ապագայում նրանց թիվը կարող է աճել մինչև 800 հազար, որոնք բոլորն ապահովագրված կլինեն պետական բյուջեի այդ նույն ծրագրով, որով ապահովագրվում են սոցիալական փաթեթի շահառուները`մոտ 88 հազար քաղաքացիական ծառայողներ: Մնացած բոլորը ստիպված կլինեն յուրաքանչյուր ամիս վճարել 6 հազար դրամ: Առողջապահության նախարարը նախկինում ղեկավարել է «ԻՆԳՈ Արմենիա» ապահովագրական ընկերությունը, շտապել է փարատել կեղծ տպավորությունը, որ ապահովագրական ինստիտուտը լրացուցիչ եկամուտներ է նախատեսում է առևտրային ընկերություններին: Առողջապահության նախարարությունը գնաց այն ճանապարհով, երբ ռիսկի գործոնները, գումարի համաքագրումը և ապահովագրական պահուստների կառավարումն իր վրա է վերցնում պետությունը, իսկ ծառայությունների մատուցման գործառույթն իրականացվում է առևտրային ընկերությունների կողմից: «Բիզնեսը մատուցում է ծառայությունը, իսկ պետությունը տնօրինում է գումարները և թելադրում խաղի պայմանները», - պարզաբանել է Ալթունյանը: Նա ընդգծել է, որ ապահովագրական շուկան Հայաստանում ունի հետևյալ բաշխումը`Հայաստանի 2,9 մլն բնակիչները համակարգչային ծրագրով բաշխվում են 6 ապահովագրական ընկերությունների միջև, հաշվի առելով նրանց շուկայական կշիռը, փոխհատուցման գումարները և այլ չափանիշներ, որոնք սահմանված են Կենտրոնական բանկի կողմից և համապատասխանում են ժամանակակից ֆինանսական չափանիշներին:
Լևոն Ալթունյան չի կիսում այն մտահոգությունը, որ պարտադիր բժշկական ապահովագրության ներդրումը կհանդիսանա բնակչությունից գումար կորզելու մի նոր գործիք: Ոլորտում առկա արատավոր երևույթները, ըստ նախարարի, պետք է արմատախիլ արվեն, ապահովագրական ընկերությունների որակյալ մենեջմենտի, նրանց հետևողականության, հատուցման համակարգի, ինչպես նաև պետական վերահսկողության միջոցով:
Պարտադիր առողջության ապահովագրության ներդրման արդյունքում, նշել է Ալթունյանը, առաջիկա 3-5 տարիների ընթացքում Հայաստանում ակնկալվում է ոչ միայն ֆինանսաական կատարյալ համակարգի ստեղծում, այլ նաև կյանքի տևողության ավելացում:
Մինչդեռ, մի քանի օր առաջ Ռուսաստանի Դաշնություն ՀՀ առողջապահության նախարար Վերոնիկա Սկվորցովան հայտարարել էր, որ ԵԱՏՄ երկրներից ժամանած աշխատանքային միգրանտները, մասնավորապես, Հայաստանից, Ռուսաստանում կստանանան լիարժեք բժշկական ապահովագրություն, ինչի համար անհրաժեշտ է ունենալ հայկական կողմի համաձայնությունը: Իսկ Հայաստանում գտնվող ՌԴ քաղաքացիների ՊԲԱ հարցը դեռևս մնում է բաց: Ստացվում է միակողմանի խաղ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները