ՎՏԲ-Հայաստան Բանկ. Mastercard-ի հետ համատեղ #երբշահումես ակցիայի արդյունքում գրանցվել է անկանխիկ վճարումների կրկնակի աճ

Արմինֆո. ՎՏԲ–Հայաստան Բանկը և Mastercard միջազգային վճարային համակարգը ամփոփեցին #երբշահումես համատեղ ակցիայի արդյունքները և պարգևատրեցին հաղթողներին: Ակցիան անցկացվել է 10.06.2017թ. - 10.09.2017թ. ժամանակահատվածում ՎՏԲ-Հայաստան Բանկի բոլոր Mastercard  քարտապանների համար:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,

համաձայն ակցիայի պայմանների`ակցիայի ավարտին 100 ամենաակտիվ Mastercard քարտապանները, ովքեր ակցիայի ընթացքում կատարել են 300,000 ՀՀ դրամ և ավելի գումարի անկանխիկ վճարումներ` ՀՀ և արտերկրի առևտրի և սպասարկման կետերում և ինտերնետ միջավայրում` մասնակցեցին 100 000 ՀՀ դրամ արժողությամբ  կենցաղային տեխնիկայի ձեռքբերման 10 սերտիֆիկատների, ինչպես նաև գլխավոր մրցանակի՝ Hyundai Solaris ավտոմեքենայի խաղարկությանը:

Խաղարկությունը տեղի ունեցավ Երևան մոլլ առևտրային կենտրոնի ատրիումում` խաղարկության մասնակիցների ներկայությամբ և ուղիղ եթերով հեռարձակվեց ՎՏԲ-Հայաստան Բանկի Facebook սոցիալական ցանցի էջում:

Հաղթողները որոշվեցին պատահականության սկզբունքով: 100 000 ՀՀ դրամ արժողությամբ  կենցաղային տեխնիկայի ձեռքբերման 10 սերտիֆիկատների երջանիկ հաղթողներ դարձան Բանկի քարտապաններ`Գայանե Դանիելյանը, Վարդան Կարապետյանը, Առուշան Ղազարյանը, Գուրգեն Մուրադյանը, Հրաչ Վարդանյանը, Ֆաթիմա Գրիգորյանը, Դավիթ Կարապետյանը, Ռիմա Հարությունյանը, Անուշ Խառատյանը և Կամո Թովմասյանը: 

Իսկ գլխավոր մրցանակի՝ Hyundai Solaris ավտոմեքենայի երջանիկ հաղթող դարձավ Բանկի աշխատավաձային նախագծի աշխատակից՝ բժիշկ-վիրաբույժ Լևոն Գրիգորյանը, ով միաժամանակ հանդիսանում է “Գործի մարդիկ” փաթեթային ծրագրի մասնակից` մշակված առողջապահության, կրթության, պետ. hաստատությունների, կապի և հեռահաղորդակցության որորտի աշխատակիցների համար:

ՎՏԲ-Հայաստան Բանկը մշտապես անցկացնում է անկանխիկ վճարումների խթանմանն ուղղված ակցիաներ, որոնց նպատակն է Բանկի քարտապանների շրջանում ավելացնել քարտերով վճարումներ կատարելու հանդեպ հետաքրքրությունը` հատկապես հաշվի առնելով, որ ՎՏԲ- Հայաստան Բանկի կողմից թողարկվող բոլոր Mastercard քարտերն արդեն հագեցած են առանց շփմա տեխնոլոգիայով, որն էապես հեշտացնում է անկանխիկ վճարումների գործընթացը:

#երբ շահում ես ակցիայի արդյունքում նախորդ տարվա նույն  ժամանակահատվածի համեմատ գրանցվել է անկանխիկ վճարումների կրկնակի աճ, իսկ մեկ քարտին բաժին հասնող անկանխիկ շրջանառությունն աճել է ռեկորդային՝ 40%-ով, ինչը վկայում է անկանխիկ գործարքների և Բանկի կողմից անցկացվող ակցիաների հանդեպ քարտապանների աճող հետաքրքրության մասին:

Ըստ ԱրմԻնֆո գործակալության`«Հայաստանի բանկերի քարտային բիզնեսում» 15-րդ վերլուծական թողարկման ՎՏԲ-Հայաստան Բանկը պլաստիկ քարտերով հանդիսանում է  շուկայի առաջատարը, ընդ որում, ոչ միայն ակտիվ քարտերի քանակով (Visa և MasterCard քարտերով առանձին առանձին), այլ նաև գործարքների, ինչպես նաև բանկոմատներով գործարքների ծավալներով: Այնպես որ, 2017-ի ապրիլի 1-ին բանկն ուներ մոտ 313 հազար քարտ, որից ավելի քան 56%-ը կամ 175,6 հազարը - Visa, իսկ մնացածը`մոտ 44%-ը կամ 137.4 հազարը - MasterCard: Բանկը MasterCard- ի քանակը տարեկան կտրվածքով ավելացրել է 75.3% կամ 59 հազարով: Բանկի պլաստիկ քարտերով գործարքների ծավալը 2016-ին գերազանցել է 222 մլրդ դրամը (տարեկան աճը`5.7%), որից մոտ 205 մլրդ դրամ կազմել են բանկոմատով գործարքները (տարեկան աճը`7,4%): 2017 թվականի ապրիլի 1-ի դրությամբ բանկն ունեցել է 333 սեփական POS տերմինալ և 157 բանկոմատ: Մինչև 2013 թ., ՎՏԲ-Հայաստան Բանկը թողարկում և սպասարկվում էր միայն միջազգային VISA քարտեր, իսկ նույն տարվա սեպտեմբերից, դառնալով MasterCard Worldwide միջազգային վճարային համակարգի լիիրավ անդամ, սկսել է թողարկել և սպասարկել նաև Cirrus/Maestro և MasterCard քարտեր: ՎՏԲ-Հայաստան Բանկը ունի իր սեփական պրոցեսինգը:

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը:  Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ՝ իր ներկայությունն ապահովելով ոչ միայն մայրաքաղաքում, այլև մարզերում: