Երեթշաբթի, 10 Հոկտեմբերի 2017 14:44

Արմինֆո. Մինչև տարեվերջ Հայաստանի մարզերի սեփական եկամուտների ծավալը, չհաշված Երևանը, նախորդ տարվա նույն ժամանակահատվածի համեմատ կավելանա 10 տոկոսով կամ 3,5 մլրդ դրամով: Հոկտեմբերի 10-ին մամուլի ասուլիսում այդ մասին հայտարարել է տարածքային կառավարման և զարգացման նախարար Դավիթ Լոքյանը` ամփոփելով իր գլխավորած գերատեսչության տարեկան գործունեության արդյունքները:

 

Նախարարը հիշեցրել է, որ տարվա ընթացքում հաստատվել են տարածքային զարգացման և համայնքային զարգացման ռազմավարությունները, համայնքների զարգացման հնգամյա ծրագրերի մշակման մեթոդական ձեռնարկը: Դրա հիման վրա արդեն այսօր երկրի բոլոր համայնքներն ունեն առաջիկա հնգամյակի զարգացման հաստատված ծրագրեր: Դրա արդյուքնում սեպտեմբերի 31-ի դրությամբ Հայաստանի համայնքների սեփական եկամուտների մուտքերի ցուցանիշը, 2016 թվականի նույն ժամանակահատվածի համեմատ, ավելացել է 2,161 մլրդ դրամով կամ 9,4 տոկոսով: Դրան զուգընթաց, նրա ասելով, երկրի 200 համայնքներ 20 տոկոսով ավելացրել են իրենց բյուջեները: 2017 թվականի արդյունքներով 100 համայնքներ խոստացել են կառուցել ժամանակակից խաղահրապարակներ:

 

Դավիթ Լոքյանը հաղորդել է, որ վերջերս նախապատրաստվել է մարզերի խոշորացման համար ձեռնարկ` բյուջետային ծրագրավորման անցման գործընթացի ապահովման համար: Նպատակային բյուջետային ծրագրավորման մեխանիզմը նախատեսվում է ներդնել 2018 թվականից:

 

Կառավարությունը մշակել է նաև համայքների համար նոր մոտիվացիոն մեխանիզմ: Արդեն շրջանառվում է հանրապետության համայնքներին սուբվնցիաների տրամադրման նոր կարգ: 2018 թվականից այդ կարգը կխթանի սեփական եկամուտների հավաքումը և կբարձրացնի ողջ երկրի համար լրացուցիչ արժեքների ստեղծման մոտիվացիան: «Մենք համայնքներին առաջարկում ենք համայնքային բյուջեներն ուղղորդել կապիտալ ծախսերին և պատրաստակամություն ենք հայտնում կրկնապատկելու գումարը` կառավարության կողմից զարգացման նշված ծրագրի հաստատման դեպքում՚, - պարզաբանել է նախարարը: Այդ գաղափարախոսության շրջանակում գործադիր իշխանությունը կուղղորդի 5-7 մլրդ դրամ գումարի սուբվենցիաներ` տեղական համայնքների համաչափ ֆինանսական մասնակցության պայմաններում:

 

Այսօրվա դրությամբ, Հայաստանում  խոշորացված համայնքների քանակը հասել է 18-ի, տարվա արդյունքներով նախատեսվում է ևս 34 նման համայնքների ձևավորում: Ընդհանուր առմամ, ինչպես նշել է Դավիթ Լոքյանը, ինքը գոհ է գործընթացից, քանի որ կարծում է, որ դա ոչ թե, պարզապես, դրանց քանակի թվաբանական կրճատում է, այլ` տեղերում կառավարման օպտիմալացում: Խոշորացման արդյունքում, ինչպես նշել է նա, կընտրվեն «լավագույններից լավագույնները՚, և առաջատար համայնքը կստանա 2 մլն դրամի բոնուս` մոտիվացիայի բարձրացման նպատակով: