Երեթշաբթի, 24 Հոկտեմբերի 2017 19:19

Արմինֆո. Իրանի հետ սահմանին  «Մեղրի՚ ազատ տնտեսական գոտին լավ հարթակ է ռուսական կապիտալի և ռուսական բիզնեսի համար, որոնք հետաքրքրված են իրանական շուկայով: Այդ մասին հայտարարել է Հայաստանի վարչապետ Կարեն Կարապետյանը` հոկտեմբերի 24-ին պաշտոնական այցով Երևան ժամանած Ռուսաստանի կառավարության ղեկավար Դմիտրի Մեդվեդևի հետ համատեղ ճեպազրույցում:

«Ավելին, մենք շատ բաց ենք ու պատրաստ ենք համագործակցել ոչ միայն Ազատ տնտեսական գոտում ռուսական բիզնեսի տեղակայման, այլև համատեղ ներդրումային համագորցակցությամբ: Կարծում եմ, որ առաջիկայում այն բավականին ինտենսիվ բանակցությունները, որոնք տեղի են ունենում, կունենան վերջնական պատրաստի տեսք՝ կիրառման համար՚, - հայտարրաել է  Հայաստանի վարչապետը:

 

Դմիտրի Մեդվեդևն, իր հերթին, հաստատել է Մեղրիի ԱՏԳ շրջանակում համագործակցության պատրաստակամությունը: «Մենք լավ հարաբերություններ ունեք Իրանի հետ, դուր է գալիս դա ոմանց, թե ոչ: Այդ իսկ պատճառով, եթե Եվրասիական տնտեսական միության մեր բարեկամները ու գործընկերները ստեղծում են նման ազատ տնտեսական գոտի Իրանի հետ, մենք պատրաստ ենք մասնակցություն ունենալ դրա զարգացման գործում, այդ թվում նաև՝ այնտեղ հրավիրելով մեր ռուսական բիզնեսը: Գործընկերները մեզ այսօր առաջարկել են համաներդրման այլ ձևաչափեր: Մենք կմտածենք՝ ինչպես այդ ամենն ամբողջականացնել, միգուցե օգտագործելով ռուսական զարգացման ինստիտուտներ, ինչպիսիք են Ուղղակի ներդրումների հիմնադրամը, Վնեշէկոնոմբանկը և Ռոստէքսպորտցենտրը: Կարևորրը, որ դա տա իր պտուղները՚, - հայտարարել է ՌԴ վարչապետը:

 

Հայաստանի վարչապետն ընդգծել է, որ մեր երկրների դաշնակացային հարաբերությունները տարեցտարի դինամիկ կերպով զարգանում են: «Մենք աճ ենք արձանագրել նաև թվերում և միաժամանակ ընդգծել ենք, որ ունենք աճի մեծ հնարավորություններ: Քննարկել ենք համատեղ և՛ ներդրումային, և՛ այլ ծրագրերի իրականացման հնարավորությունները՝ համագործակցության խորացման ուղղությամբ: Այսօր ստորագրվել են փաստաթղթեր, որոնք միանշանակ կնպաստեն մեր համագործակցության հետագա զարգացմանն ու ամրապնդմանը՚, - համոզմունք է հայտնել Հայաստանի վարչապետը:

 

Հավելենք, որ Ռուսաստանի Դաշնության կառավարության ղեկավար Դմիտրի Մեդվեդևի՝ Հայաստան կատարած պաշտոնական այցի շրջանակում այսօր կառավարությունում մի շարք փաստաթղթեր են ստորագրվել, որոնք վերաբերել են կապի և հաղորդակցության, արտակարգ իրավիճակների ոլորտներին, ինչպես նաև երկու երկրների տարածաշրջանների միջև համագործակցությանը: Հայաստանի Հանրապետության և Ռուսաստանի Դաշնության կառավարությունների միջև Միջազգային ավտոմոբիլային հաղորդակցության մասին համաձայնագիրն ստորագրել են ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը և ՌԴ տրանսպորտի նախարար Մաքսիմ Սոկոլովը: ՀՀ տրանսպորտի, կապի և տեղեկատվական տեխնոլոգիաների և ՌԴ տրանսպորտի նախարարությունների միջև ստորագրվել է նաև Հայաստանի Հանրապետության և Ռուսաստանի Դաշնության միջև ռոումինգում միջազգային էլեկտրակապի ծառայության սակագների նվազեցման վերաբերյալ փոխըմբռնման հուշագիրը: Փաստաթուղթը ստորագրել են ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը և Ռուսաստանի կապի և զանգվածային հաղորդակցության նախարար Նիկոլայ Նիկոֆորովը: ՀՀ արտակարգ իրավիճակների նախարարության և ՌԴ Էկոլոգիական, տեխնոլոգիական և ատոմային վերահսկողության դաշնային ծառայության միջև ստորագրվել է Արտադրական անվտանգության կանոնակարգման ոլորտում համագործակցության մասին համաձայնագիրը: Փաստաթուղթն ստորագրել են ՀՀ արտակարգ իրավիճակների նախարար Դավիթ Տոնոյանը և Էկոլոգիական, տեխնոլոգիական և ատոմային վերահսկողության դաշնային ծառայության ղեկավար Ալեքսեյ Ալյոշինը: ՀՀ Գեղարքունիքի մարզպետարանի և ՌԴ Սարատովի մարզի կառավարության միջև մտադրությունների մասին արձանագրությունն ստորագրել են ՀՀ Գեղարքունիքի մարզպետ Կարեն Բոթոյանը և Սարատովի նահանգապետ Վալերի Ռադաևը: