Արմինֆո. ԵԱՏՄ երկրների միագումար ՀՆԱ-ն 2017 թվականի առաջին կիսամյակում ավելացել է 1,8 տոկոսով: Հոկտեմվերի 25-ին Երևանում Եվրասիական միջկառավարական խորհրդի նիստի շրջանակում այդ մասին հայտարարել է Ռուսաստանի վարչապետ Դմիտրի Մեդվեդևը:
«Քննարկումներն արդյունավետ են և, նույնիսկ, հետաքրքիր, հատկապես, հաշվի առնելով հրապարակային մասը, և ստեղծվել է իրոք հարմարավետ աշխատանքային իրադրություն՚, - նշել է ՌԴ վ արչապետը` ամփոփելով միջկառավարական խորհրդի նեղ կազմով քննարկումների արդյունքները: Մեդվեդևի ասելով, ԵԱՏՄ շրջանակում ձևավորվում է ապրանքների, ծառայությունների, կապիտալի և աշխատուժի ազատ տեղաշարժի տարածություն, ինչը դյուրին գործ չէ և պահանջում է տևական և քրտնաջան աշխատանք: «Դա մեր համատեղ երկխոսության և փոխզիջումների, միմյանց լսելու և որոշումներ կայացնելու հնարավորության և ցանկության արդյունք է՚, - նշել է վարչապետը:
Նրա ասելով ընդհանուր շուկան աստիճանաբար բացահայտում է իր հնարավորությունները: ՌԴ վարչապետի հավաստմամբ, ԵԱՏՄ ներսում ապրանքաշրջանառությունն ավելացել է 28 տոկոսով: Երրորդ երկրների հետ առևտրի ծավալն ավելացել է 26 տոկոսով, և աճ է դիտվել բոլոր երկրներում ` առանց բացառության: Նրա ասելով, առավել զգալի է արդյունաբերության, գյուղատնտեսության, բեռնափոխադրումների և ուղևորափոխադրւոմների աճը: «Մարդիկ տեսնում են, որ սպառողական շուկան համալրվում է ԵԱՏՄ-ում թողարկվող արտադրանքի տեսականիով, ինչը, իմ կարծիքով, չափազանց կարևոր է՚, - հայտարարել է նա:
Միևնույն ժամանակ, ինչպես ընդգծել է ՌԴ կառավարության ղեկավարը, հարկավոր է առաջ ընթանալ, շարունակել ԵԱՏՄ իրավական դաշտի կատարելագործումը: Մեդվեդևի համոզմամբ, այդ առումով գլխավոր խնդիրը, նախ, առևտրում բացառումների խոչընդոտի արդյունավետ և հետևողական վերացումն է: «Այսօր մենք քննարկում ենք անցկացրել այդ թեմայի շուրջ, որն արդյունավետ էր, լուրջ , սակայն դրանով իսկ մենք, ըստ էության, զարգացնում ենք բիզնեսի համար մրցակցային պայմանները՚, - ասել է Դմիտրի Մեդվեդևը: Նրա ասելով, միայն այս տարի վերացվել է 14 այդպիսի դիրք, այսօր խնդիր է դրվել վերացնել դրանցից ևս 20-ը: Խոսքը վերաբերում է արդյունաբերությանը, գյուղատնտեսությանը, էներգետիկային, տեխնիկական կարգավորմանը: Երկրորդ. ՌԴ վարչապետը կոչ է արել զարգացնել բուն կարգավորումը: Նա հիշեցրել է, որ հունվարի 1-ից ուժի մեջ է մտնում Մաքսային օրենսգիրքը: «Դա ավելի հասուն և առաջադիմական փաստաթուղթ է` այժմ գործող փաստաղթի համեմատ: Կարծում եմ, որ դա մեր մեծ հաջողությունն է, որ մենք կարողացանք պայմանավորվել, դա բարդագույն թեմա է, հատկապես, եթե նայենք այլ ինտեգրացիոն միավորումների փորձին` ներառյալ ԵՄ և այլն: Այդ փաստաթուղթը պարունակում է մաքսային սահմանով ապրանքների տեղաշարժի սպառիչ կանոններ և վերացնում է նորմատիվային հակասությունները: Հուսով եմ, որ մենք կհետևենք դրան՚, - հայտարարել է նա:
Դմիտրի Մեդվեդևը հաղորդել է, որ միջկառավարական խորհրդի նեղ կազմով նիստի մասնասկիցները քննարկել են գազի, նավթի, նավթամթերքի շուկաների զարգացումը, կան բարդ հարցեր ներքին և համամիութենական սակագների, գնագոյացման հարաբերակցությունում, որոնք պահանջում են լրամշակկում: «Միակ դիտողությունը, որը կցանկանայի անել, անշուշտ, մենք նավթի ու գազի միություն չենք, երկրների մի մասը չունի ոչ նավթ, ոչ գազ, այդ պատճառով նույնիսկ ճիշտ չէ այդպես ձևակերպել՚, - հայտարարել է նա: Թվանշանային օրակարգը, որով զբաղվում են միջկառավարական խորհրդի մասնակիցները, առաջին պլան է մղվել, նշել է նա: «Քննարկվում են էներգիայի նոր աղբյուրներ: Եկեք չնվաստացնենք այն խնդիրների նշագիծը, որոնք կանգնած են մեր ինտեգրացիոն միավորման առջև: Այսօր մենք կկայացնենք որոշում էլեկտրաէներգետիկայի ընդհանուր շուկայի կազմակերպման վերաբերյալ: Մեր երկրները կունենան ինտեգրման համակարգ, որը կաշխատի B2B ձևաչափով և կապահովի ընկերությունների ուղիղ կապ՚, - հայտարարել է Մեդվեդևը:
Ինչպես նշել է ՌԴ վարչապետը, կարևոր է ԵԱՏՄ օրակարգը համալրել նոր հեռանկարային ուղղություններով, որոնք ապահովեն ապագա աճ: Նրա կարծիքով, այստեղ առաջին տեղում է թվանշանային տնտեսություն հասկացությամբ միավորված թեմաների բլոկը` էլեկտրոնային առևտրի զարգացում, նոր տեխնոլոգիաներ արտադրությունում, տվյալների պաշտպանություն և այլն: «Ճիշտ մոտեցման դեպքում այս ամենը կարող է խթան հաղորդել մեր տնտեսություններին, ապահովել առևտրի աճ, կրճատել մեր բացառումները և ծախսերը և, իհրակե` աշխատանքի արտադրողունակությունը: Կարծում եմ, որ մենք պարտավոր ենք այժմ առաջնահերթ ուշադրություն դարձնել դրան, այլ ոչ միայն ածխաջրածնային ոլորտին՚, - հայտարարել է ՌԴ կառավարության ղեկավարը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները