Ֆիննախ. 2018 թվականին Հայաստանի բյուջեի եկամուտները կաճեն 97.3 մլրդ դրամով

Արմինֆո. Հայաստանի պետբյուջեի եկամուտները 2018-ին կաճեն 97.3 մլրդ դրամով, մինչև 1,307.3 մլրդ դրամ (առանց միջբյուջետային մուտքերի): Հարկերը կաճեն 112 մլրդ դրամով: Այս մասին հոկտեմբերի 30-ին, ԱԺ ֆինանսավարկային և բյուջետային հարցերի մշտական հանձնաժողովում կայացած`2018 թվականի պետբյուջեի քննարկումների ընթացքում հայտարարել է ՀՀ ֆինանսների նախարար Վարդան Արամյանը:

2018 թվականի բյուջեի նախագծի համաձայն, ակնկալվող եկամուտների 95,5% -ը կկազմեն հարկային եկամուտները`1 247,9 մլրդ դրամ: Տարվա արդյունքներով ընթացիկ եկամուտնբերը կկազմեն 1.210 տրլն դրամ: Ճշգրտված հարկեր / ՀՆԱ հարաբերակցությունը 2018 թվականին կկազմի 21.3%: Հաջորդ տարի պետական ​​գանձարանը չի ստանա 395 միլիարդ դրամ ԱԱՀ-ի, եկամտահարկի և շահութահարկի գծով: Այնուամենայնիվ, հարկային վարչարարության բարելավման արդյունքում ակնկալվում է 30,8 մլրդ դրամի չափով հարկեր:

2018 թվականին միջազգային կառույցներից և օտարերկրյա պետություններից նախատեսում է ներգրավել 35,6 մլրդ դրամի պաշտոնական դրամաշնորհներ: Հաջորդ տարում բյուջեի այլ եկամուտները կկազմեն 23,8 մլրդ դրամ:

Դեֆիցիտը / ՀՆԱ հարաբերակցությունը տարվա վերջում կկազմի 2.7%, որի 77.1 մլրդ դրամը ֆինանսավորվելու է ներքին ռեսուրսներից, այդ թվում`ներքին պարտքի աճի հաշվին: Չնայած ներքին պարտքի բարձր գնին, Վարդան Արամյանը պարզաբանել է, որ միջոցները կուղղվեն Հայաստանի բնակչության գրպանին, երկրի տնտեսության մեջ պահովելով մուլտիպլիկատիվ արդյունք: Արտաքինից կներգրավվի 79,8 մլրդ դրամ կամ 166 մլն դոլար: Բացի այդ, ինչպես նշել է երկրի գլխավոր ֆինանսիստը, ներքին պարտքի ավելացումը սպառնալիք չի ներկայացնում երկրի ֆինանսական համակարգին:

Չնայած ներդրումների գծով բավականին հավակնոտ հայտարարությանը, 2018 թվականին ներդրումների հարաբերակցությունը ՀՆԱ-ին խոստանում է վերադառնալ 2016 թվականի` 18,4% մակարդակին: Ինչպես բացատրել է ֆինանսների նախարարը, ներդրումները չեն կարող անմիջապես վերածվել երկրի տնտեսական աճի: Կան նաև ներդրումներ, օրինակ, բնակարանաշինությանը, որոնք դրական ազդեցություն կունենան երկրի այս տարվա ՀՆԱ աճի վրա: Բացի այդ, ներդրողն ավանդաբար ակնկալում է դրական գործողություներ և ներդրումային միջովայրի բարելավում, որից հետո արձագանքում է: «Տարբեր ուսումնասիրություններ ցույց են տալիս, որ տեղական ներդրողի դրական լիցքը և համարժեք արձագանքը վերափոխվում են 1,5-2 տարվա ընթացքում: Իսկ արտաքին ներդրողի դրական արձագանքի դրական տեղաշարժերն ավելի երկար ժամանակահատված են պահանջում», - ասել է նախարարը: