Արմինֆո. 2018 թվականի բյուջեի նախագծով ՀՀ կառավարության աշխատակազմի պահպանմանը և տարբեր ծրագրերի իրականացմանը կուղղվի 18,551 մլրդ դրամ, ինչը 4,4 մլրդ-ով ավելի է, քան 2017-ին:
Ինչպես ՀՀ խորհրդարանում կյացած բյուջետային լսումների ընթացքում հայտարարել է կառավարության աշխատակազմի ղեկավարը Վահե Ստեփանյանը, բյուջեն ավելացումը պայմանավորված է միջազգային վարկային ծրագրերի շարունակությամբ, ինչպես նաև նախագահի աշխատակազմի որոշ ծախսերը կառավարությանը փոխանցելու անհրաժեշտոթյամբ: Այդ միջոցներից 5.234 մլրդ դրամ հատկացվել է պետական ապարատի պահպանմանը: Այս միջոցներով նախատեսվում է իրականացնել 33 ծրագիր:
Ինչպես Հայաստանի խորհրդարանում հայտարարել է երկրի գլխավոր գանձապետ Ատոմ Ջանջուղազյանը, Սահմանադրական դատարանի ապարատի պահպանմանը կհատկացվի 590 մլն դրամ, ՀՀ արդարադատության նախարարությանը`13.5 մլրդ դրամ, որով կիրականացվի 17 ծրագիր: Դրանցից 8,1 մլրդ դրամ ուղղվելու է քրեակատարողական համակարգին, իսկ դատական ակտերի կատարմանը հատկացվել է 1,4 մլրդ դրամ:
Գլխավոր դատախազության ապարատի պահպանմանը կհատկացվի 4.4 մլրդ դրամ, քննչական կոմիտեին`5,9 մլրդ, Դատական դեպարտամենտին`8.8 մլրդ.դրամ, Հանրային ծառայության կոմիտեին`471 մլն դրամ, Վերահսկիչ պալատին`1.1 մլրդ.դրամ, ԿԸՀ-ին`1.1 մլդ, իսկ օմբուդսմենի ապարատին`368 մլն դրամ: Ըստ Ջանջուղազյանի, նշված միջոցները բավարար են, որպեսզի այդ կառույցներն արդյունավետորեն կատարեն իրենց առջև դրված խնդիրները:
RUB | 4.16 | -0.01 |
USD | 388.00 | 0.19 |
EUR | 416.21 | 0.59 |
GBP | 486.55 | 0.66 |
CAD | 283.50 | -0.55 |
JPY | 24.73 | -0.15 |
CNY | 53.58 | 0.02 |
CHF | 425.72 | 0.26 |