Կարեն Կարապետյան. 1 մլրդ դոլարի ներդրումը կստացվի «Ներդրողների ակումբից՚

Արմինֆո. Այն 1 մլրդ դոլարի ներդրումները, որոնց մասին օրերս հիշատակել է նախագահ Սերժ Սարգսյանը, կստացվեն «Ներդրողների ակումբից՚: Նախօրեին մամուլի ասուլիսում այդ մասին հայտարարել է վարչապետ Կարեն Կարապետյանը: «Այդ ներդրումների մասին կհայտարարվի առաջիկա 10-12 օրվա ընթացքում, իսկ դուք ինձ պաշտոնավարմանս  առաջին իսկ օրերից կշտամբում էիք ներդրումների բացակայության համար՚, - կատակել է վարչապետը, ընդսմին չտեղեկացնելով, թե հատկապես որ ընկերություններն են մտադիր ներդնել Հայաստանի տնտեսությունում, և որոշակի ինչ ծրագրերի կուղղորդվեն այդ միջոցները:

Հիշեցնենք, որ օրերս «ՌԻԱ Նովոստիի՚ հետ հարցազրույցում Հայաստանի նախագահ Սերժ Սարգսյանը Այդ մասին հայտարարել էր, որ Մոսկվան ու Երևանը մշակում են ճանապարհային քարտեզ՝ համատեղ ներդրումային հիմնադրամի շրջանակում նախագծերի իրագործման համար: Հայաստանի ղեկավարը, պատասխանելով այն հարցին, թե որ փուլում է հայ-ռուսական ներդրումային հիմնադրամի ձևավորման գործընթացը, որի մասին հայտարարվել է մարտ ամսին, և` թե որ ոլորտներն են առավել հեռանկարային ֆինանսավորման համար, մասնավորապես, հայտարարիել է. «Այո, համաձայնագիրն ստորագրվել է: Ընդ որում, նշեմ, որ ոչ զուգընթաց, սակայն փոքր-ինչ ավելի ուշ մենք Հայաստանում ստեղծել ենք ևս երկու հիմնադրամ. դրանցից մեկը Համահայկական ներդրումային հիմնադրամն է, երկրորդը` «Հայաստանի ներդրողների  ակումբը՚: Նոյեմբերի 13-ին այդ հիմանդրամը մեծ շնորհանդես կանցկացնի այստեղ, Երևանում` ներդրումային ծրագրի մեկնարկի մասին (միլիարդ դոլարից քիչ ավելի):  Դրանք ներդրումներ են, հիմնականում, Հայաստանի էներգետիկ ոլորտում, ինչը ներառում է Հայաստանի էլեկտրական ցանցերի արդիականացում, նոր ՀԷԿ և էներգետիկների համար արտադրույթյան ձեռնարկություն` հայտնի Schneider Electric ֆիրմայի հհետ միասին: Եվ ես կարծում եմ, որ այդ արտադրանքը կգտնի իր սպառողին ռուսական շուկայում՚: Միևնույն ժամանակ, Սարգսյանը չի հրապարակել ռուսական ընկերությունների անվանումները, որոնք կարդիականացնեն Հայաստանի էլեկտրացանցային հզորությունները, և հավաստիացրել է, որ այդ տեղեկատվությունը կներկայացվի նոյեմբերի 13-ին: «Ինչ վերաբերում է ռուս-հայկական հիմնադրամին, ապա մենք շարունակում ենք աշխատանքը: Վերջերս դրա ներկայացուցիչները եղել են Հայաստանում: Եթե խոսենք ներդրումների բնագավառների մասին, ապա, խոսքը վերաբերում է ՏՏ ոլորտին, էներգետիկային, բարձրտեխնոլոգիական արտադրանքին: Այժմ կողմերն  աշխատում են ճանապարհային քարտեզի վրա՚, - ասել է Հայաստանի ղեկավարը: Ընդ որում, նա չի նշել այդ ուղղությամբ աշխատանքի ավարտի ժամկետներ: Սարգսյանի համոզմամբ, նման դեպքերում ավելի լավ է արհեստական ժամկետներ չսահմանել, քանի որ կողմերը պետք է ընտրեն հեռանկարային նախագծեր, իսկ դա ժամանակ է պահանջում:

Ավելի վաղ  ԱրմԻնֆո-ի թղթակցի հետ զրույցում հայ-ռուսական միջկառավարական հանձնաժողովի համանախագահ, ՌԴ տրանսպորտի նախարար Մաքսիմ Սոկոլովը հաղորդել էր, որ հայ-ռուսական համատեղ ներդրումային հիմնադրամի ստեղծմանն ուղղված աշխատանքը շարունակվում է: Նրա ասելով, հիմնադրամն ստեղծում են Ռուսաստանի ուղիղ ներդրումների հիմնադրամը և հայկական «ՄՍՊ ներդրումներ՚ ունիվերսալ վարկային կազմակերպությունը: Այժմ, Ռուսաստանի նախարարի հավաստմամբ, սկսվել է համատեղ հիմնադրամի կապիտալի ձևավորման գործընթացը և այն նախագծերի մշակում, որոնք այն կֆինանսավորի: Նոր համատեղ կառույցի ստեղծման ժամանակացույց առայժմ չկա: «Այդ նախագիծը քննարկումների առարկա կդառնա հայ-ռուսական միջկառավարական հանձնաժողովի առաջիիկա նիստում՚, - ասել է Սոկոլովը:

Հիշեցնենք, որ մարտի 15-ին Հայաստանի և Ռուսաստանի նախագահներ Սերժ Սարգսյանն ու Վլադինմիր Պուտինը ստորագրել էին համաձայնագիր տվյալ հիմնադրամի ստեղծման շուրջ, որը պետք է նվազեցնի երկրում պետական կառավարման հատվածի կոնսոլիդացված բյուջեի բեռը: Հիմնադրամը կոչված է բարձրացնելու երկրի տնտեսության մրցունակությունը` օտար պետությունների, միջազգային կազմակերպությունների և զարգացման բանկերի միջոցների ներգրավմամբ: Ենթադրվում է, որ հիմնադրամի միջոցներից կֆինանսավորվեն այնպիսի ճյույղեր, ինչպես գյուղատնտեսությունը, արդյունաբերական արտադրությունը, տրանսպորտային-լոգիստիկ ենթակառույցը և բարձր տեխնոլոգիաները: Հիմնադրամի գործունեությունը կնպաստի առևտրատնտեսական և ներդրումային համագործակցության խորացմանը ԵԱՏՄ շրջանակում:

Ավելի վաղ ՀՀ տնտեսական զարգացման և ներդրումների նախարար Սուրեն Կարայանն ԱրմԻնֆո-ին հաղորդել էր, որ ստեղծվող հիմանդրամի կանոնադրական կապիտալը կակզմի 100 մլն դոլար` 50-ական մլն դոլար յուրաքանչյուր կողմից: