Հայաստանն ու Իրանը «Մեղրի՚ և «Արաս՚ ԱՏԳ-ներում համագործակցության համատեղ գրասենյակ կբացեն

Արմինֆո. «Արաս» ազատ տնտեսական գոտու գործադիր տնօրեն Մոհսեն Խադեմ Արաբ Բաղին հաղորդել է «Արաս» և «Մեղրի» ազատ տնտեսական գոտիներում համագործակցության համատեղ գրասենյակ բացելու Իրանի և Հայաստանի մտադրության մասին: Ինչպես հաղորդել է ԻՐՆԱ-ն, Մոհսեն Խադեմ Արաբ Բաղին նշել է, որ վերջերս Սյունիքի մարզպետ Վահե Հակոբյանի հետ ձեռք բերված պայմանավորվածության համաձայն և հայ-իրանական համագործակցության զարագացման շրջանակում առաջիկայում կբացվի «Արաս՚ և «Մեղրի՚ ԱՏԳ-ներում համագործակցության համատեղ գրասենյակ: «Ազատ տնտեսական գոտիների ստեղծման եւ զարգացման գործում Իրանի հաջող փորձը կարող է նպաստել երկրի սահմանային գոտում ազատ տնտեսական գոտի ստեղծելու կապակցութեամբ Հայաստանի հետ համագործակցութեան ընդլայնմանը՚, - նշել է Բաղին: Նա նաև համոզմունք է հայտնել, որ երկու կողմերի աջակցության և համագործակցության պայմաններում «Մեղրի՚ ԱՏԳ ստեղծումն ու զարգացումը կնպաստի երկու երկրների ազատ տնտեսական գոտիների բարգավաճմանը: Նրա ասելով, Հայաստանի և Եվրամիության միջև շրջանակային համաձայնագրի ստորագրումը կարող է ավելացնել արտահանման ծավալը «Արաս՚ և «Մեղրի՚ ազատ գոտիներից, ինչը կհանգեցնի երկու կողմերի միջև համագործակցության աճի և, վերջին հաշվով, հիմք կծառայի Իրանի և Հայաստանի զարգացման համար:

Օգոստոսին Իրանի և Հայաստանի միջև համաձայնագր էր ստորագրվել Իրանի «Արաս՚ և Հայաստանի «Մեղրի՚  ազատ տնտեսական գոտիներում համագործակցության շուրջ:

Հոկտեմբերի 18-ին ՀՀ տնտեսական զարգացման և ներդրումների նախարար Սուրեն Կարայանը հաղորդել էր, որ Իրանի հետ սահմանին «Մեղրի» ազատ տնտեսական գոտին կգործարկվի 2017 թ. նոյեմբերի վերջին: Ինչպես նշել էր նախարարը, ներկայումս գոյություն ունի ԱՏԳ ստեղծման 2 նախագիծ՝ Սյունիքի և Մեղրիի: Մոտ ժամանակներս նախատեսվում է միավորել դրանք մեկ մեծ ազատ տնտեսական գոտում: «Մեղրիի ԱՏԳ կառուցման աշխատանքներն արդեն մեկնարկել են, նոյեմբերի վերջին կփորձենք գործարկել այն»,- նշել էր Սուրեն Կարայանը:

Հիշեցնենք, որ օգոստոսի 3-ին ՀՀ կառավարությունը հաստատել է Տնտեսական զարգացման և ներդրումների նախարարության կողմից ներկայացված «Մեղրի՚ ազատ տնտեսական գոտի» փակ բաժնետիրական ընկերություն հիմնադրելու մասին որոշումը:  ԱՏԳ ստեղծումը ենթադրում է փուլային բնույթ. առաջին փուլում նախատեսվում է կառուցապատել Մեղրիի մաքսային կետին հարակից տարածքը՝ ապահովելով հիմնական արտադրական և պահեստային տարածքները, ինչը հնարավորություն կտա անխոչընդոտ մուտք գործել դեպի իրանական շուկա։ Դրան կհաջորդի ԱՏԳ ընկերությունների ներգրավումը և համապատասխան արտոնությունների տրամադրումը: Մեղրի ԱՏԳ կառուցման ընդհանուր արժեքը գնահատվում է 32 մլն դոլար, որից 28 մլն կապիտալ ծախսերն են: Իրանի հետ սահմանին ԱՏԳ կառուցումը ՀՀ կառավարության առաջնային ներդրումային ծրագրերից մեկն է և նախատեսում է 10-15 հա մակերեսով ազատ տնտեսական գոտու ստեղծում` մինչև 45-50 հա հետագա ընդլայնման հնարավորությամբ: Չնայած այն հանգամանքին, որ ԱՏԳ դեռ կառուցված չէ, արդեն տարբեր ընկերություններից ԱՏԳ հետ աշխատանքին մասնակցելու բազմաթիվ հայտեր են ստացվել: Խոսքը վերաբերում է Ռուսաստանի 10-ից ավելի ընկերությունների, կան ընկերություններ Իրանից ու Եվրոպայից: Տնտեսական զարգացման և ներդրումների նախարարության գնահատմամբ, ԱՏԳ շահագործումը թույլ կտա ստեղծել 2,5 հազար աշխատատեղ և 30 տոկոսով ավելացնել արտահանումը Հայաստանից: ԱՏԳ ստեղծման հիմնական նպատակն Իրանի և տարածաշրջանի այլ երկրների հետ առևտրատնտեսական հարաբերությունների զարագցումն է, Սյունիիք մարզի զարգացումը, ինչպես նաև Հայաստանի դիրքավորումը որպես Իրանը ԵԱՏՄ երկրների և Վրաստանի հետ կապող օղակ: Ենթադրվում է, որ այնտեղ կգործի 100-120 ընկերություն, որոնց շահույթը 10 տարում կկազմի 52 մլն դոլար: Արտադրված արտադրանքը նախատեսվում է արտահանել Իրան, ԵԱՏՄ երկրներ, Մերձավոր արևելք, Թուրքմենստան և այլ երկրներ: 10 տարվա ընթացքում բոլոր ընկերությունների ներդրումների ընդհանուր ծավալը նախատեսվում է հասցնել մինչև 350-400 մլն դոլար: ԱՏԳ գոտու գործունեությունն արդեն ամրագրված է ԵԱՏՄ մաքսային օրենսդրությունում: ԵԱՏՄ-ում  duty-free համակարգով կգործի այդպիսի յոթ գոտի: