Արմինֆո. ՀՀ գյուղատնտեսության նախարարի տեղակալ Ռոբերտ Մակարյանը, ՀՀ կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակե պե¬տա¬կան հիմնարկի գյուղական ֆինանսավորման կառույցի տնօրենի ժամանա¬կավոր պաշտոնակատար Վահե Հարությունյանը և «Կամուրջե ՈՒՎԿ–ի գլխավոր գործադիր տնօրենի տեղակալ Արփինե Արշակյանը ստորագրել են հուշագիր գյուղատնտեսության ոլորտին տրամադրվող վարկերի տոկոսադրույքների սուբսիդավորման ծրագրի իրականացումն ապահովելու նպատակով համագործակցության վերաբերյալ:
«Կամուրջ ՈՒՎԿ-ն թվով 4-րդ ֆինանսական կառույցն է, որը ցանկություն է հայտնել միանալ ծրագրին: Բանակցություններ են ընթանում նաև այլ կազմակերպությունների հետ: Որքան շատ ֆինանսական կառույցներ միանան ծրագրին, այնքան մեծ կլինի մրցակցությունը, և ֆերմերները կկարողանան ընտրել իրենց գործընկեր կառույցինե, – նշել է Ռոբերտ Մակարյանը:
Փոխնախարարը հավելել է, որ մարզերում ակտիվորեն ընթանում են հավաստագրման դասընթացները, 1600 ֆերմերներ հավաստագրվել են, արդեն կան նաև ծրագրից օգտված վարկառուներ:
Վահե Հարությունյանն իր հերթին հավելել է, որ վարկերի շեմի բարձրացումը հնարավորություն է տալիս գյուղացիական տնտեսություններին կապիտալ ծախսեր կատարել և ավելի մեծ թափով զարգացնել իրենց տնտեսությունները, իսկ ծրագրում շատ ֆինանսական կառույցների ներգրավումը հնարավոր է դարձնում աշխարհագրական առումով ընդլայնել տարածքները` գյուղացիական տնտեսությունների համար առավել հասանելի դարձնելով այդ վարկային պրոդուկտը:
Արփինե Արշակյանը նշել է, որ «Կամուրջե ՈՒՎԿ-ն ունի գրասենյակներ հանրապետության բոլոր մարզերում, և հավաստագրեր ստացած գյուղացիական տնտեսություններն արդեն կարող են դիմել սուբսիդավորվող վարկեր ստանալու համար: «Գյուղատնտեսության վարկավորումը մեզ համար նոր քայլ չէ: Միանում ենք նաև այս ծրագրին, որպեսզի կարողանանք էլ ավելի լայն շրջանակների էլ ավելի լավ պայմաններով սպասարկելե,- նշել է «Կամուրջիե ներկայացուցիչը:
Ծրագրի շրջանակում գյուղացիական տնտեսություններին տրամադրվում են 3-10 մլն դրամ գումարի չափով, տարեկան 5 % տոկոսադրույքով վարկեր, սոցիալական աջակցություն ստացող սահմանամերձ համայնքների և գյուղատնտեսական կոոպերատիվների համար տոկոսադրույքը կազմում է ընդամենը 3 %: Պոտենցիալ շահառուները ծրագրից օգտվելու համար պետք է պարտադիր ուսուցում անցնեն Գյուղատնտեսության զարգացման հիմնադրամի մարզային կառույցներում և ստանան հավաստագիր, ինչն էլ իրավունք կտա դիմել ֆինանսական կառույցներին:
