Հայաստանի և Ռուսաստանի միջև ապրանքաշրջանառության տեմպերը տարեկան կտրվածքով աճել են`13,4% -ից մինչև 24.1%

Արմինֆո. Հայաստանի և Ռուսաստանի միջև առևտրի շրջանառության տարեկան դինամիկան 2017 թվականի հունվար-հոկտեմբերին արագացրել է 24.1%, նախորդ տարվա`13.4% փոխարեն, կազմելով ավելի քան $ 1,337 մլրդ, որտեղ առաջատարն է Ռուսաստանը, ընդ որում, ինչպես արտահանման, այնպես էլ ներմուծման ցուցանիշներով, որոնք համապատասխանաբար կազմել են`$ 428,1 մլն և $908,6 մլն, մասնավորապես, ներմուծման աճն արագացել է`3.3% -ից մինչև 16.8%, իսկ արտահանման աճը դանդաղել է`52.8% -ից մինչև 43%:

Ըստ ՀՀ Ազգային վիճակագրական ծառայության տվյալների, երկրորդ տեղում է Չինաստանը, 31.2% աճով, ապահովելով $ 475,8 մլն ծավալ: Մասնավորապես, հայկական ապրանքների արտահանումը դեպի Չինաստան աճել է 19.8% մինչև $ 95.4 մլն, իսկ ներմուծումն աճել է 34,5%, մինչև $ 381,4 մլն:

Երրորդ տեղում է Շվեյցարիան`3,3 անգամ աճով, մինչև $ 275,3 մլն: Մասնավորապես, արտահանման ծավալը դեպի Շվեյցարիա աճել է 3,6 անգամ, մինչև $ 209,3 մլն, իսկ ներմուծումն աճել է 97,9%, մինչև $ 65,98 մլն:

Չորրորդ և հինգերորդ տեղերում են Գերմանիան և Բուլղարիան - $ 261,4 մլն և $ 256,1 մլն: Ընդ որում, տարեկան դինամիկան Հայաստանի և Գերմանիայի միջև արձամագրել է 1% աճ, իսկ Բուլղարիայի հետ` 64% աճ: Մասնավորապես, հայկական ապրանքների արտահանումը դեպի Գերմանիա կազմել է $ 104.9 մլն (տարեկան անկումը 4%), իսկ  ներմուծումը կազմել է $ 156,5 մլն (4.7% տարեկան աճ): Իսկ Բուլղարիայի հետ արտահանումը կազմել է $ 225,9 մլն (տարեկան աճը`80,4% ), իսկ ներմուծումը`$ 30.2 մլն (տարեկան անկումը`2.5%):

Արտահանման ծավալներով Ռուսաստանից հետո հունվար-հոկտեմբերին երկրորդ և երրորդ հորիզոնականներում են Բուլղարիան և Շվեյցարիան, իսկ ներմուծման գծով` Չինաստանը և Թուրքիան:

Հունվար-հոկտեմբեր ամիսներին հայկական ապրանքների հիմնական գնորդներն են եղել` Ռուսաստան - 24.5% (արտահանման ծավալի), Բուլղարիա - 12.9%, Շվեյցարիա - 12%, Վրաստան - 7%, Գերմանիա - 6%, Չինաստան - 5.5%, Իրաք - 4.9%, ԱՄԷ - 4.4%, Նիդերլանդներ - 4% և Իրան - 3.8%: Իսկ հիմնական մատակարարներն են եղել` Ռուսաստան - 29.8%, Չինաստան - 10.9%, Գերմանիան - 5.7%, Իրան - 5.1%, Թուրքիան - 4.8%, Իտալիա - 4%, Վրաստան - 3.2%, Ուկրաինա - 3.1%: Տարեկան ամենամեծ անկումը ներմուծման և արտահանման գծով արձանագվրել է Հայաստանի և Ռումինիայի միջև, համապատասխանաբար`48,1% և 99,7%:

Հայկական արտահանման ծավալներոյմ գերիշխում են`պատրաստի պարենային ապրանքների արտահանումը`23,2%, մինչև $ 407,7 մլն, հանքային պրոդուկտները`39.8%, մինչև $ 540,7 մլն, ոչ թանկարժեք մետաղները և դրանից պատրաստված իարերը`22.7%, մինչև $ 217,9 մլն և տեքստիլ արտադրանքը`38%, մինչև $ 106,5 մլն, իսկ անկում է արձանագրվել թանկարժեք և կիսաթանկարժեք քարերի և արտադրանքի գծով`22.2%, մինչև $ 223,7 մլն, բուսական ծագումով ապրանքների գծով`39.2%, մինչև $ 36.2 մլն: Իսկ ներմուծման գծով անկում է արձանագրվել պատրաստի սննդամթերքի գծով` 0,4%, մինչև $273,3 մլն, իսկ ներմուծման մնացած գերիշխող հոդվածներն աճել են`հանքահումքային ոլորտ - 10,9%, մինչև $ 504,9 մլն, տրանսպորտ - 49,2%, մինչև $ 189,3 մլն, թանկարժեք մետաղներ - 45,3%, մինչև $ 182,7 մլն, բազային մետաղ - 32,9%, մինչև $ 237,9 մլն, մեքենաներ/սարքավորումներ - 30.1%, մինչև $ 477,9 մլն, տեքստիլ արտադրանք - 15.5%, մինչև $ 211,9 մլն: Իսկ քիմիական արտադրանքի արտահանման և ներմուծման գծով համապատասխանաբար արձանագրվել է`62.3% և 27% աճ, մինչև $ 22,6 մլն և $ 343,7 մլն:

Ընդհանուր առմամբ, Հայաստանի արտաքին առևտրի շրջանառությունը 2017 թվականի հունվար-հոկտեմբերին աճել է 22.4%, կազմելով 2400,6 մլրդ. դրամ ($ 4979,8 մլն): Այդ վերընթաց տրենդն ապահովվել է արտահանման 19,4% աճի, մինչև 841.4 մլրդ դրամ ($ 1745,4 մլն) և ներմուծման 24% աճի, մինչև 1559,2 մլրդ դրամ ($ 3234,4 մլն) հաշվին: Արդյունքում, Հայաստանի արտաքին առևտրի սալդոն 2017-ի հունվար-հոկտեմբերին տարեկան կտրվածքով աճել է 28.4%, մինչև $ 1,489 մլրդ.: Տնտեսական ակտիվության ցուցանիշը Հայաստանում 2017-ի հունվար-հոկտեմբերին աճել է 7,1%, 2016-ի 0.4%-ի փոխարեն:

ՀՀ դրամի միջին հաշվարկային փոխարժեքը 2017-ի հոկտեմբերին կազմել է 480.74 դրամ/ $ , իսկ հունվար-հոկտեմբերին`482.41 դրամ / $ 1: