ԵԱԶԲ-ն Հայաստանին փոխանցել է 100 մլն.դոլար վարկի եզրափակիչ տրանշը

Արմինֆո.  Կայունացման և զարգացման եվրասիական հիմնադրամի (ԿԶԵՀ) Խորհուրդը, որի միջոցները կառավարում է Եվրասիական զարգացման բանկը (ԵԱԶԲ), հաստատել է Հայաստանին ԵՀԿԶ 100 մլն.դոլարի վարկի եզրափակիչ տրանշի տրամադրումը, Հայստանի կողմից տրանշի բոլոր պայմանները կատարելու հիման վրա: Միջոցները կփոխանցվեն ՀՀ Ֆինանսների նախարարության հաշվին, 2017 թ. դեկտեմբերի 6-ին: Հաշվի առնելով նախորդ տրանշերը, ներկայումս երկիրն ստացել է վարկի լրիվ գումարը`300 մլն.դոլարը, որով նախատեսվում է աջակցել Հայաստանում բարեփոխումների իրականացմանը 2015-2017 թվականներին:

Ինչպես ԱրմԻնֆո գործակալությանը տեղեկացվել է ԵԱԶԲ մամուլի ծառայությունից, ֆինանսական վարկի մասին վերջնական զեկույցը կպատրաստվի և կներկայացվի Խորհրդի քննարկմանը 2018 թվականի առաջին եռամասյակում:

Ըստ աղբյուրի, առանցքային բարեփոխումները, որոնք աջակցում են ծրագրով, ուղղված են հանրային ֆինանսների կառավարմանը, ներդրումային միջավայրի բարելավմանը և Հայաստանի էներգետիկ շուկայի ազատականացմանը: Ծրագիրը շրջանակներում շարունակվել է նաև բարեփոխումների իրականացումը տնտեսության ապադոլալիզացման և բանկային համակարգի նկատմամբ վստահության բարձրացման գործում: «Կրճատվել ֆինանսական դոլարիզացիայի մակարդակը և իրականացվել բանկային համակարգի նկատմամբ բնակչության վստահության բարձրացմանն ուղղված միջոցառումներ, ՀՀ ԿԲ կողմից ընդունված օրենսդրական ակտերի արդյունքում փոփոխություն կատարելով նաև «Ավանդների երաշխավորման մասին» օրենքում: Մասնավորապես, բարձրացել է երաշխավորված ավանդի գումարը, պարզեցվել դրա ստացման ընթացակարգը, նախատեսվում է ավանդների պաշտպանությունը`բանկերի միաձուլման ընթացքում: Արտարժույթի մասնաբաժինն ավանդների բազայում 71,6%-ից նվազել է մինչև 62.4% 2017-ի սեպտեմբերի վերջի դրությամբ, վարկերի դոլարիզացիան նվազել է`66.6%-ից մինչև 62,7%, ինչին նպաստել է ՀՀ ԿԲ քաղաքականությունը, որի նպատակն է բարձրացնել դրամային վարկերի հասանելիությունը և ավանդների եկամտաբերությունն`ազգային արժույթով: Դեպոզիտային բազան  2017-ի սեպտեմբերի վերջին տարեկան կտրվածքով աճել է 16.7%, ինչին, մասնավորապես, նպաստել են «Ավանդների երաշխավորման մասին» օրենքի փոփոխությունները:

«Ընթացիկ տարում Հայաստանում դիտվել է բյուջետային էական կոնսոլիդացիա: Առաջին 9 ամիսների ընթացքում պետական ​​բյուջեի պակասուրդը կազմել է ՀՆԱ-ի 2.5%-ը (2016-ին` 4,1%), բացառապես ընթացիկ ծախսերի կրճատման հաշվին: Դրան մեծապես նպաստել է երրորդ տրանշի պայմանների իրականացումը, կապված բյուջեի դեֆիցիտի սահմանափակման հետ, առանց արտաքին վարկերի, որոնք ուղղված են նպատակային ենթակառուցվածքային ծրագրերի ֆինանսավորմանը, ինչը թույլ է տալիս կրճատել այդ դեֆիցիտը մինչև ՀՆԱ-ի 1%-ը, նախորդ տարվա 2.4%-ի փոխարեն: Սպասվող դեֆիցիտը կկազմի ՀՆԱ-ի 3.6%-ը, նախորդ տարվա 5.5% փոխարեն: Ֆիսկալ դիրքի բարելավումը թույլ է տվել դանդաղեցնել պետական պարտքի աճը: Կառավարության պարտքը 9 ամիսներին աճել է 0.4 տոկոսային կետով, մինչև ՀՆԱ-ի 51.8%-ը, 2016-ի 3.3 տոկոսային կետի փոխարեն: «ՀՀ 2018թ.պետբյուջեի մասին» օրենքի նախագծի համաձայն, բյուջեի դեֆիցիտը չպետք է գերազանցի ՀՆԱ-ի 2.7%-ը»,-ասվեծ է ԵԱԶԲ պաշտոնական հաղորդագրութան մեջ:

Մասնավորապես, ԿԶԵՀ ֆինանսական աջակցությամբ վերանայել է 95 նորմատիվ իրավական ակտ: Ըստ ԿԶԵՀ հաշվարկների, նոր Հարկային օրենսգրքի ներդրումը կհանգեցնի հարկային եկամուտների ավելացմանը – տոկոսային կետով, որը կուտակվել է  2017-2021թվականներին: «Դա կնպաստի որոշ հարկերի, այդ թվում`ակցիզային հարկերի և ռոյալթիների տոկոսադրույքների աճին, ինչպես նաև կնվազեցնի հարկային արտոնությունները, կատարելագործելով հարկային վարչարարությունը», - նշել են բանկում:

Նշենք, որ Կայունացման և զարգացման եվրասիական հիմնադրամը (ԿԶԵՀ) հիմնադրվել է 2009 թվականի հունիսի 9-ին, 8,513 մլրդ.դոլար հիմնադրամով, 6 երկրների կառավարությնա կողմից: ԿԶԵՀ խնդիրներն է աջակցել անդամ երկրներին հաղթահարելու համաշխարհային ֆինանսատնտեսական ճգնաժամի հետևանքները, ինչպես նաև ապահովել դրանց տնտեսական և ֆինանսական կայունությունը, և աջակցել ինտեգրացիոն գործընթացներին տարածաշրջանում: Մասնակից պետությունները ԵԱԶԲ-ին են փոխանցել Հիմնադրամի կառավարումը: Եվրասիական զարգացման բանկը (ԵԱԶԲ) 2006 թվականի հունվարին հիմնված Ռուսաստանի և Ղազախստանի կողմից հիմնված միջազգային ֆինանսական հաստատությունն է, խթանելու համար իր անդամ-պետությունների շուկայական տնտեսությանը և դրանց կայուն տնտեսական աճին և փոխադարձ առևտրի և տնտեսական հարաբերությունների զարգացման ընդլայնմանը: ԵԱԶԲ կանոնադրական կապիտալը կազմում է 7 մլրդ.դոլար: Բանկի անդամ երկրներն են` Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:-