Արմինֆո. Դեպի ԵՄ երկրների շուկաներ հայկական ձկների արտահանման վերաբերյալ եվրոպական գործընկերների հետ բանակցությունների երեք փուլն արդեն ավարտվել են: Այս մասին դեկտեմբերի 25-ի մամուլի ասուլիսում հայտարարել է ՀՀ գյուղատնտեսության նախարարության Սննդի անվտանգության պետական ծառայության պետ Իշխան Կարապետյանը:
«Ներկայումս Հայաստանի ձկան շուկան աուդիտ է անցկացնում, որի արդյունքում ակնկալվում են դրական արդյունքներ: Դրանից հետո Հայաստանը կկարողանա սկսել ձուկ արտահանել դեպի Եվրոպա», - բացատրել է նա: Այս առումով, Ի. Կարապետյանն անդրադարձել է 2017-ին ՍԱՊԾ կառուցվածքում բացված Միջազգային համագործակցության գործունեությանը: Մասնավորապես, նա հայտարարել է Չինաստանի հետ մի շարք նախնական համաձայնագրերի ստորագրման և դեպի Չինաստան հայկական մեղրի արտահանման մասին, ինչպես նաև ԱՄԷ-ի հետ հայկական մսի արտահանման բանակցությունների վերջնական փուլի մասին:
ՀՀ Ազգային վիճակագրական ծառայության տվյալներով, Հայաստանում ձկնաբուծության համախառն արտադրանքի ծավալը 2017 թվականի հունվար-հոկտեմբերին կազմել է 20.9 մլրդ դրամ`տարեկան 0.1% աճով: Ըստ ՀՀ մաքսային ծառայության տվյալների, 2017 թվականի առաջին կեսին Հայաստանն արտահանել է 66.6 տոննա կենդանի ձուկ, տարեկան 20.9% աճով, այդ թվում, թարմ - 1165.4 տոննա, աճը`59% և սառեցված` 32.2 տոննա` տարեկան 35.5% անկումով: Արտահանման գրեթե ամբողջ ծավալը բաժին է ընկել ռուսաստանյան շուկային:
