Ատոմ Մարգարյանը կանխատեսում է, որ ՀՆԱ աճը Հայաստանում 2017 թվականի վերջին կկազմի 6% և ավելի

Արմինֆո. ՀՆԱ աճի վերջնական ցուցանիշը 2017 թվականի արդյունքներով կլինի 5,8-6,2% միջակայքում: Այս մասին ԱրմԻնֆո գործակալության հետ զրույցում հայտարարել է ԵՊՀ Ինովացիոն ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանը: 

Ներկայումս, հիմնվելով այս տարվա հունվար-նոյեմբերի տնտեսական ակտիվության ցուցանիշների վրա, որոնք ՀՀ Ազգային վիճակագրական ծառայության տվյալներով կազմել է 7,3%, տնտեսագետը լիովին իրատեսական է համարում 6% տնտեսական աճի արձանագրումը: Փորձագետի կարծիքով, դա ՀՆԱ աճի հենց այն ցուցանիշն է, որը կարող է դրական ազդեցություն ունենալ Հայաստանի բնակչության կյանքի որակի վրա: Սակայն, ինչպես նշել են Մարգարյանը, հիմնական խնդիրն այսօր ինկլյուզիվ աճի պրոբլեմն է, այդ թվում` թե ինչ ճշտոթյամբ կբաժանվի ստեղծված հավելյալ արժեքը:

Ինչ վերաբերում է հաջորդ տարվա կանխատեսումներին և ՀՆԱ աճի բյուջեով ամրագրված  4.5% ցուցանիշի վերանայման հնարավորությանը, ապա, տնտեսագետի կարծիքով, վաղաժամ է փուլում տալ որևէ գնահատական: «Ցուցանիշի հնարավոր վերանայմանը կարելի է անդրադառնալ միայն առաջին եռամսյակից հետո, եզրակացություններ անելով ոչ միայն Հայաստանի տնտեսության դրական տնտեսական միտումների հիման վրա, այլ նաև համաշխարհային տնտեսության վերլուծության հիման վրա, հիմնականում`Ռուսաստանի», - եզրափակել է նա:

Ավելի վաղ ՀՀ նախագահ Սերժ Սարգսյանը գործարար համայնքի ներկայացուցիչների հետ հանդիպման ժամանակ հայտարարել էր, որ Հայաստանը կարող է 2017 թվականը փակել ՀՆԱ-ի 6% աճով: Դեկտեմբերի 21-ին, պատասխանելով ԱրմԻնֆո գործակալության թղթակցի հարցին, ֆինանսների նախարար Վարդան Արամյանն ասել էր, որ տնտեսական աճը մինչև տարվա վերջ ակնկալվում է ավելի բարձր, քան 3.2%-ը, որը  կանխատեսված է 2017-ի բյուջեով և կլինի 5,5-6% միջակայքում: «Հնարավոր է, որ այդ ցուցանիշը նույնիսկ կգերազանցի», - ասել էր Վարդան Արամյանը: Մինչդեռ, տնտեսական զարգացման և ներդրումների փոխնախարար Տիգրան Խաչատրյանը դեկտեմբերի 21-ին կառավարության նիստից հետո ԱրմԻնֆո-ին հայտարարել էր, որ 2017 թվականը Հայաստանի կփակի տնտեսական ակտիվության 7 տոկոսից ավելի ցուցանիշով:

Հիշեցնենք, որ 2017 թ.-ի հունվար-նոյեմբերին, ըստ վիճակագրության, 2016 թ. նույն ժամանակահատվածի համեմատ աննախադեպ աճ է արձանագրել, Հայաստանում տնտեսական ակտիվության ցուցանիշն աճել էր 7.3%: Աճի առաջատարներն են եղել  առևտրի, ծառայությունների և արդյունաբերական հատվածները`14.4%, 14.2% և 12.3% աճով: Արտահանման ծավալները ենթարկվել է տարեկան 23,5% աճի, հասնելով 971.4 մլրդ դրամի ($ 2013,8 մլն), իսկ ներմուծման ծավալները`28%, մինչև 1.819 տրլն դրամ ($ 3770,4 մլն): Շինարարական հատվածում վերջապես արձանագրվել է աճ, չնայած աննշան`0.3%, մինչև 324.5 մլրդ դրամ: Գյուղատնտեսության ոլորտն այսօրվա դրությամբ մնում է տնտեսության միակ ուղղությունը, որը մնացել է բացասական դինամիկայում, քանի որ գյուղատնտեսության համախառն արտադրանքի ծավալը կրճատվել է 3.9%, կազմելով 811.7 մլրդ դրամ:

Նշենք, որ բյուջե -2017-ը կանխատեսում է ՀՆԱ աճը 3.2% մակարդակում: Այնուամենայնիվ, երրորդ եռամսյակում ՀՀ ֆինանսների նախարարությունը, հիմնվելով Հայաստանի Կենտրոնական բանկի վերլուծության վրա, բարձրացրել է իր ակնկալիքները`մինչև 4,5% կամ ավելի: Միևնույն ժամանակ, 2016 թվականը Հայաստանը փակել էր տնտեսական ակտիվության 0.5% ցուցանիշով, ՀՆԱ-ի աճը կազմել էր 0.2%: Հետագայում, 2018 թ.-ին ՀՆԱ-ի աճը կկազմի 4,5%: