Չորեքշաբթի, 31 Հունվարի 2018 19:28

Արմինֆո. Հայաստանի պետական ​​պարտքի աճը 2017 թվականին հասել է 15.3%-ի, կազմելով $ 6,8 մլրդ (3.3 տրլն դրամ), ինչը պայմանավորված է արտաքին և ներքին պարտքերի աճով:

Ըստ ՀՀ ֆինանսների նախարարության տվյալների, որոնք ԱրմԻնֆո-ին են տրամադրվել ՀՀ Ազգային վիճակագրական ծառայությունից, արտաքին պարտքը 2017-ին ավելացել է14.6%, մինչև $ 5.5 մլրդ (2.7 տրլն դրամ), իսկ ներքին պարտքը`18,2%, մինչև $ 1.3 մլրդ (619.5 մլրդ դրամ): Համեմատության համար նշենք, որ 2016-ին արտաքին պարտքի աճը կազմել էր 11.6%, ներքին պարտքի աճը`49%, իսկ ընդհանուր պարտքը`17%:

Արտաքին պարտքի կառուցվածքում 89,1% կամ $ 4.9 մլրդ, կազմել է կառավարության մասնաբաժինը, իսկ մնացած 10.9%-ը կամ $ 601,5 մլն –ը`ՀՀ Կենտրոնական բանկի մասնաբաժինը: Ավելին, կառավարության արտաքին պարտքը 2017-ին ավելացել է 14%, իսկ Կենտրոնական բանկի պարտքը`19.2%:

Ներքին պարտքի կառուցվածքում գերակշռում են պետական պարտատոմսերը, որոնց մասնաբաժինը 91%-ից նվազել է  մինչև 87.2% ($ 1.1 մլրդ, կամ 540.05 մլրդ դրամ), բացարձակ արժեքի տարեկան աճը`7.9%: Այնուհետև հաջորդում են հայկական եվրապարտատոմսերը`$ 155,1 միլիոն կամ 75.1 մլրդ դրամ, որի մասնաբաժինը 2017-ին աճել է`8,4% -ից մինչև 12,1%, իսկ բացարձակ արժեքի տարեկան աճը կազմել է62,2%: Մնացածը կազմում են երաշխիքները`0.7% ($ 9 մլն), տարեկան աճը`28.6%:

Հայաստանում աճող պետական պարտքը և շարունակվող միգրացիան բնակչության մեկ շնչին ընկնող պարտքի բեռը 2018-ի հունվարի 1-ի դրությամբ արդեն հասցրել են $ 2.3 հազարի, 2016-ի $ 1,8 հազարի համեմատ: Հաշվի առնելով միգրացիայի իրական չափերը, բնակչության մեկ շնչին ընկնող պարտքի բեռը կարող է լինել ավելի բարձր (վիճակագրական տվյալներով, 2018-ի հունվարի 1-ին ՀՀ բնակչության թիվը կազմել է 2,973 մլն, 2016-ի 2.986 մլն-ի և 5 տարի առաջվա 3,274 միլիոնի համեմատ):

Նշենք, որ 2017-ին արտարժութային պահուստների միջոցով արտաքին պարտքի ծածկույթը նվազել է`45.9% -ից մինչև 39,6%: Պետական պարտքի մասնաբաժինը Հայաստանի ՀՆԱ-ում 2016-ի վերջին կազմել էր 56.6%: Իսկ դատելով ակնկալվող աճից, այս ցուցանիշն արդեն հասել է 58%-ի: Ըստ ՀԲ նորացված կանխատեսման, 2018-ի հունվարին Հայաստանի ՀՆԱ-ի աճը կկազմի 3,8%, 2019-ին `4%: Ըստ պաշտոնական վիճակագրության, Հայաստանում տնտեսական ակտիվությունը 2017-ին աճել է 7.7%: Հայաստանի ՀՆԱ-ի աճը 2016-ին դանդաղել էր մինչև 0.2%:

Հիշեցնենք, որ 2017 թվականի հունվարի 1-ին Հայաստանի ընդհանուր պետական ​​պարտքը կազմել է 2.9 մլրդ դրամ, կամ $ 5.9 մլրդ, որի կառուցվածքում արտաքին պարտքը կազմել էր 2,3 տրլն դրամ կամ $ 4.8 մլրդ, իսկ ներքին պարտքը`550 մլրդ դրամ կամ $ 1.1 մլրդ: Ոսկու և արտարժույթով պահուստները 2016-ն աճել են 22.2 %, մինչև $ 2,2 մլրդ: