Արմինֆո. Արփա-Սևանի հիդրոհանգույցի վերականգնման երկրորդ փուլը կավարտվի 2019 թվականին, նախատեսվածից մեկ տարի առաջ: Այս մասին փետրվարի 6-ին լրագրողների հետ հանդիպման ընթացքում հայտարարել է ՀՀ Ջրային տնտեսության պետական կոմիտեի նախագահ Արսեն Հարությունյանը:
Ըստ Հարությունյանի, թունելի բացումը և դեպի Սևանա լիճ անխափան ջրամատակարարումը նախատեսվում է 2019-ի ապրիլ-մայիսին: Ներկայումս ջուրը Սևանա լճին մատակարարվում է ընդհատումներով, տարեկան մոտ 100-110 մլն խոր մետր: «Թունելի կապիտալ վերանորոգումից հետո Արփա և Եղեգից գերերից հիդրոթունելով Սևանա լճին կմատակարարվի տարեկան 250 մլն խոր մետր ջուր», - ասել է Արսեն Հարությունյանը:
Նշենք, որ առաջին փուլի աշխատանքներն ավարտվել են 2016 թ. հոկտեմբերին: Հիդրոթունելի վերականգնման ընդհանուր արժեքը հայտարարվել է`32 մլրդ դրամ: Վերականգման աշխատանքների երկրորդ փուլն սկսվել է 2017 թվականին: Սկզբում նախատեսվում էր, որ այդ աշխատանքը կտևի երեք տարի և կավարտվի 2020 թվականին: Երկրորդ փուլի ներդրումային բյուջեն կազմում է 5 մլրդ դրամ: «Արփա -Սևան» թունելի շինարարությունն սկսվել է 1963 թվականին, Սևանա լճի մակարդակի մասնակի վերականգնման նպատակով, քանի որ լճի ջուրն ինտենսիվորեն օգտագործվում է էներգետիկայի և Արարատյան դաշտավայրի ոռոգման նպատակով: 48.3 կմ երկարությամբ հատվածի հորատանցումն ավարտվել է 1981 թվականին:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |