Արմինֆո. Վարչապետ Կարեն Կարապետյանն այսօր ընդունել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Իվան Վոլինկինին:
Կարեն Կարապետյանը և Իվան Վոլինկինը մտքեր են փոխանակել հայ-ռուսական տնտեսական հարաբերությունների ընթացիկ օրակարգի և ընդլայնման հեռանկարների շուրջ: Անդրադարձ է կատարվել մոտ ապագայում Երևանում կայանալիք հայ-ռուսական միջկառավարական հանձնաժոովի հերթական նիստի նախապատրաստական աշխատանքներին:
Քննարկվել են նաև Մեղրու ազատ տնտեսական գոտու շրջանակում համագործակցության զարգացման, ինչպես նաև օդային հաղորդակցության, փոքր ավիացիայի, ենթակառուցվածքների, գյուղատնտեսության և զբոսաշրջության ոլորտներում բիզնես կապերի խթանման հնարավորությունները:
Նշենք, որ Ազգային վիճակագրական ծառայության համաձայն, Հայաստանի և Ռուսաստանի միջև արտաքին առևտրաշրջանառության տարեկան դինամիկան 2017 թ. հունվար-դեկտեմբերին արագացրել է տարեկան աճի տեմպերը մինչև 26,1% (2016 թ. 15,1%-աճի փոխարեն՝ գերազանցելով $1.7 մլրդ-ն/: Ռուսաստանը պահպանում է առաջատարությունը ոչ միայն այդ ցուցանիշով, այլ նաև արտահանման և ներմուծման գծով՝ համապատասխանաբար $541.6 մլն և $1.2 մլրդ՝ ներմուծման աճի 5,7%-ից մինչև 19,1% արագացմամբ, արտահանման աճի՝ 51,5%-ից մինչև 44,6% դանդաղմամբ:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |