Հինգշաբթի, 8 Փետրվարի 2018 17:12

Արմինֆո. Հայաստանում մանրածախ ապահովագրության պորտֆելի մասնաբաժինը 2017 թվականին կազմել է 56.1% (19.6 մլրդ դրամ), իսկ կորպորատիվինը`43.9% (15.3 մլրդ դրամ): Ընդ որում, մանրածախի աճի տեմպերն արագացել են 4.5%, իսկ կորպորատիվինը դանդաղել է` մինչև 8.5%: Նախքան Հայաստանում ԱՊՊԱ համակարգի, ինչպես նաև պետական ծառայողների պարտադիր բժշկական ապահովագրության ներդրումը կորպորատիվ ապահովագրության մասնաբաժինը գերազանցում էր մանրածախի մասնաբաժինը:

 

Ըստ ԱրմԻնֆո գործակալության`Հայաստանի ապահովագրական ընկերությունների Ռենկինգի, մանրածախ ապահովագրական մասնաբաժինը գերիշխում է բոլոր ապահովագրողների պորտֆելներում, բացառությամբ ԻՆԳՈ Արմենիայի, որտեղ կորպորատիվ ապահովագրություն մասնաբաժինը կազմել է 54,8%: Ամենամեծ անհամաչափությունը գրանսվել է 3 ընկերությունների պորտֆելներում`«ՌԵՍՈ» (70.6% և 29.4%) և «Արմենիա Ինշուրանս» (69.1% և 30.9%):

 

Ապահովագրական հատուցումների կառուցվածքում մանրածախ հաճախորդների մասնաբաժինը կազմել է 71,5% կամ 12,7 մլրդ դրամ, տարեկան աճը`29%, իսկ կորպորատիվի մասնաբաժինը`28.5% կամ 5.1 մլրդ դրամ, տարեկան աճը`15%:

 

Վերաապահովագրությանն ուղղված պրեմիաներիօ ծավալներում կորպորատիվ անվտանգության մասնաբաժինը կազմել է 93,4% կամ 4.4 մլրդ դրամ (տարեկան անկումը`2%), իսկ մանրածախի մասնաբաժինը`6.6%, կամ 312.6 մլն դրամ (տարեկան աճի արագացումը`15%):

 

Հայաստանի ապահովագրողները 2017 թվականի 4-րդ եռամսյակում կնքել են 343154 պայմանագիր, տարեկան աճը`17.8%: Հետևաբար, 2018 թվականի հունվարի 1-ին գործող ապահովագրական պայմանագրերի թիվը կազմել է`693,607 պայմանագիր, տարեկան աճը` 9,5%: Պայմանագրերի թվով առաջատարն է ԱՊՊԱ հատվածը, 4-րդ եռամսյակում`մոտ 231 հազար պայմանագիր, իսկ գործող պայմանագրերի թիվը հունվարի 1-ին գերազանցել է 458 հազարը: Կամավոր տեսակներից առավել պահանջված է դժբախտ պատահարներից ապահովագրությունը, որով IV եռամսյակում կնքվել է 44.6 հազար պայմանագիր, իսկ գործող պայմանագրերի թիվը հունվարի 1-ին հասել է 146.3 հազարի:

 

Պայմանագրերի թվով ԱՊՊԱ հատվածում առաջատարն է «Ռոսգոսստրախ Արմենիան» (116,5 հազար գործող պայմանագիր հունվարի 1-ի դրությամբ, որից 53 հազարը կնքվել է  IV եռամսյակում), այդ ւնլերությունն առաջատարն է նաև առողջության ապահովագրության հատվածում (2.1 հազար հունվարի 1-ին), դժբախտ պատահարներից ապահովագրության և ԿԱՍԿՈ հատվածներում առաջատարն է «Ռեսո»-ն (58.5 հազ. և 3.6 հազ.`հունվարի 1-ին), Գույքի ապահովագրության հատվածում առաջատարն է «ԻՆԳՈ Արմենիան»  (18.1 հազ. պայմանագիր: Արտասահման մեկնողների ապահովագրական գծով առաջաըարներն են` «Ռոսգոսստրախ Արմենիան»`5.6 հազար պայմանագիր և «Ինգո Արմենիան»`5.4 հազար պայմանագիր, իսկ IV եռամսյակում կնքված պայմանագրերի թվով` «ԻՆԳՈ Արմենիա» - 6.3 հազար, «Ռոսգոսստրախ Արմենիա» - 4.6 հազար պայմանագիր:

 

IV եռամսյակում կնքված պայմանագրերի թվով առաջատարն է «ԻՆԳՈ Արմենիան» - 81 հազար պայմանագիր, որին հաջորդում են`«Ռոսգոսստրախ Արմենիա» - 79.8 հազար, Նաիրի Ինշուրանս - 55.7 հազ., ՌԵՍՈ - 48.2 հազար, Սիլ Ինշուրանս - ավելի քան 47 հազար և «Արմենիա Ինշուրանս» - 31.5 հազար պայմանագիր: Բոլոր վեց ընկերությունների պորտֆելներում գերիշխում են ԱՊՊԱ պայմանագրերը, ընդ որում, առավելագույնը`Սիլ Ինշուրանսում (90%), իսկ նվազագույնը`ՌԵՍՈ-ում (45%):

 

Նշենք, որ Հայաստանի ապահովագրական շուկայում ներկայումս գործում է 6 ընկերություն, որոնք աշխատում են ապահովագրական 19 դասերի լիցենզիաներից 17 դասերով, բացառությամբ` երկաթուղային տրանսպորտի և դատական ու արտադատարանական ծախսերի ապահովագրություններից: Ապահովագրական 16 դասերի լիցենզիա ունի «ԻՆԳՈ Արմենիա» ընկերությունը (միակն է, որ զբաղվում է ջրային տրանսպորտի ապահովագրութամբ), որին լիցենզավորման դասերի թվով հաջորդում է «Ռոսգոսստրախ Արմենիա»-ն` ապահովագրության 15 դաս (միակն է վարկային ռիսկերի ապահովագրության ոլորտում): (ՀՀ դրամի միջին հաշվարկային փոխարժեքը 30.06.2017 թ. կազմել է 480.47 դրամ/դոլար):-