Արմինֆո. Համայնքների խոշորացումը Հայաստանում կհանգեցնի արտագաղթի գործընթացների ինտենսիվացմանը և համայնքների «ծերացմանը»: Այս մասին փետրվարի 12-ի կայացած ասուլիսում հայտարարել է «Ֆերմերային շարժում» ՀԿ նախագահ Սարգիս Սեդրակյանը, պատասխանելով ԱրմԻնֆո-ի հարցին: Փորձագետի կարծիքով, խոշորացումը ոչ մի խնդիր չի լուծում, այլ հակառակը, ստեղծում է նոր պրոբլեմներ:
Գյուղերում երիտասարդներ չեն մնացել, գյուղերն աստիճանաբար դատարկվում են, անաշխատունակ բնակչություն է մնացել, հիմնականում տարեց մարդիկ: Ամեն ինչ գնում է նրան, որ շուտով գյուղերից կմնան միայն բնակավայրերի անվանումները, որոնք միայն կհիշեցնեն գոյություն ունեցած համայնքների մասին», - ասել է նա: Ըստ Ս.Սեդրակյանի, գյուղացիները վախենում են հանդես գալ համայնքների խոշորացման պետական ծրագրին դեմ: «Մենք այլ ընտրություն չունենք», - գյուղացիների խոսքն է մեջբերում Սեդրակյանը:
Փորձագետի կարծիքով ամենահարմարը շրջանների ստեղծումն է ինչպես խորհրդային ժամանակներում», - նշել է նա: Մասնավորապես, Սեդրակյանը նշել է, որ հաստատվել է համայնքների խոշորացման ծրագիրը, չնայած փորձագետների բազմաթիվ քննարկումներին և քննադատություններին: «Եվրոպան և Ամերիկան գումար տվեցին, իսկ մենք չուզեցանք այն կորցնել: Վերցրինք այն, առանց մտածելու, որ արտաքին պարտքի ցուցանիշը հասնում է կրիտիկական սահմանին: Նրանք ասում են, որ ուսումնասիրել են լավագույն միջազգային փորձը, բերում են տարբեր երկրների, այդ թվում` Գերմանիայի, Շվեյցարիայի և այլ երկրների փորձը: Սակայն, ամենայն հավանականությամբ, հայտնի է, որ հնարավոր չէ հայկական գյուղերի վիճակը համեմատել եվրոպականի հետ»,-եզրափակել է նա:
Հիշեցնենք, որ 2017 թվականի արդյունքներով Հայաստանում ստեղծվել է 52 խոշորացված համայնք: Միևնույն ժամանակ, տարածքային կառավարման և զարգացման նախարար Դավիթ Լոքյանը կոչ է արել այդ գործընթացը չանվանել համայնքների կրճատում, այլ միայն օպտիմալացում, ինչպես ծախսերի, այնպես էլ կառավարման առումով: Բացի այդ, ըստ նրա, 2017 թվականին, այդ օպտիմալացման արդյունքում հայ համայնքների սեփական եկամուտները կազմել են 38.545.1 մլն դրամ (100.1% կատարողական), արձանագրելով տարեկան 11.9% աճ:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |