Չորեքշաբթի, 14 Փետրվարի 2018 17:02

Արմինֆո.Հայաստանում առկա է խոսքից գործին անցնելուխնդիրը: Այս մասին փետրվարի 14-ին լրագրողների հետ հանդիպման ընթացքում հայտարարել է Հայաստանի գործատուների միության նախագահ Գագիկ Մակարյանը, մեկնաբանելով Հայաստանի կառավարության ներդրումային հավակնությունները:

 

Ըստ նրա, ներդրումների աճի համար առաջին հերթին անհրաժեշտ է ձևավորել երկրի բարենպաստ իմիջը, մասնավորապես կոռուպցիայի վերացման և ստվերի կրճատման առումով: «ԵՄ-ը և ԱՄՆ բազմիցս հայտարարել են, որ այդ ուղղությամբ աշխատանքները համարում է առաջնահերթություն, նշելով, որ եվրոպական և ամերիկյան բիզնեսը չի կարող աշխատել կոռումպացված երկրում: Հետևաբար, կոռուպցիայի դեմ պայքարը ինքնաբերաբար դառնում է օտարերկրյա ներդրումների ներգրավման գործոն», - ասել է նա:

 

Մակարյանի խոսքով, խոսելով ներգրավված ներդրումների ծավալների մասին, պետք չէ մոռանալ, որ ազգային օրենսդրությունում դեռևս չկա «ներդրումներ» հասկացության հստակ սահմանումը: «Ինչ ենք մենք հասկանում այդ բառի տակ,- հարցնում է փորձագետը, - ֆինանսական միջոցներ, որոնք մասնավորը ներդրել է տեղական բիզնեսին և կառուցել շենք, որտեղ ստեղծել է արտադրություն և աշխատատեղեր, թե կատարել է այլ նպատակներով ներդրումներ»: Այսպիսով, ըստ փորձագետի, եթե խոսենք միայն օտարերկրյա ներդրումների մասին, ապա թվերը զգալիորեն զիջում են պաշտոնապես հայտարարվածներին:

 

Միևնույն ժամանակ, եթե հավատանք պաշտոնական վիճակագրությանը, ամեն ներդրում պետք է պատշաճ կերպով կառավարվի: Հաշվի առնելով երկրի սոցիալ-տնտեսական իրավիճակը, ըստ Մակարյանի, կառավարությունը պետք է ներդրումները կատարի արդյունավետ և նպատակային ոլորտներին, որոնք կարող են ստեղծել նոր աշխատատեղեր, կրճատել գործազրկությունը, իսկ արդյունքում`նվազեցնել աղքատությունը: Այս համատեքստում, ըստ փորձագետի, կարող են խոստումնալից լինել զբոսաշրջության, տեղեկատվական տեխնոլոգիաների, դեղագործության, գյուղատնտեսության և հագուստի արդյունաբերության ոլորտի ներդրումային ծրագրերը: «Այս փուլում եվրոպական ընկերությունների հետ բանակցություններ են ընթանում հագուստի տեղական արդյունաբերության պատվերների ներգրավման առումով», - ընդգծել է Գագիկ Մակարյանը, հավելելով, որ այդ ոլորտի զարգացումն առաջիկա 2 տարիներին կարող է ապահովել 3-4 հազար աշխատատեղ:

 

Բացի այդ, ինչպես հաղորդում է միության ղեկավարը, այս օրերին Հայաստանում գտնվող բուլղարական պատվիրակության  ներկայացուցիչների հետ երկխոսության արդյունքում, հայտնի դարձավ, որ հայկական այդ երկրի համայնքը պատրաստ է ներդրումներ կատարել Հայաստանում: Այս առումով նրանց կարող է մոտիվացնել ՀՀ քաղաքացիության շնորհումը, այն իմաստով, որ ՀՀ անձնագիրը նրանց համար ազատ տեղաշարժ ապահովի ԵԱՏՄ շրջանակներում:

 

Ըստ Գագիկ Մակարյանի, վերջերս իշխանությունները մշակում են տարբեր Հայեցակարգեր: «Դրանք շատ հաճախ նմանվում են Ժյուլ Վեռնի հերոսների արկածներին, որոնք արտակարգ իրավիճակներում փորձում են լուծել խնդիրներ», - ասել է Մակարյանը: Այդ փաստաթղթերում ամրագրված ցանկությունները, թվերը և ցուցանիշները գայթակղիչ են, բայց հստակ չեն: «Մեզ պետք են հստակ գործողություններ, այլ ոչ թե հայեցակարգեր», եզրափակել է փորձագետը:

 

Փետրվարի 7-ին, ՀՀ Ազգային ժողովում ՀՀ վարչապետ Կարեն Կարապետյանը հայտարարեց, որ կառավարությունը կատարել է իր խոստումը, որ ներդրումների կազմել են 856 մլն.դոլար, որտեղ մասնավոր հատվածի մասնաբաժինը կազմել է 580 մլն.դոլար: Բացի դրանից, հանրապետության մարզերում ծրագրերի իրականացման նպատակով ներդրվել է ևս 190 մլրդ դրամ: Ընդ որում, ներդրումները կատարվում են ոչ միայն Ռուսաստանից, այլև նաև բազմաթիվ այլ երկրներից: Ներդրումները հիմնականում ուղղվում են ջերմոցային և սառնարանային օբյեկտների կառուցմանը, վերամշակող արդյունաբերությանը: Կարեն Կարապետյանը շեշտել էր, որ առաջիկայում կառավարության անդամները կներկայացնեն 2017-ին իրականացված աշխատանքների արդյունքները, նշելով կոնկրետ փաստեր և թվեր: