Արմինֆո.Թեպետ 2018 թվականը նոր է մեկնարկել, սակայն գինեգործության ոլորտում նոր հաջողություններ արդեն գրանցվել են: Մասնավորապես, Հայաստանի խաղողագործության և գինեգործության հիմնադրամի աջակցությամբ 14 գինեգործական ընկերություններ փետրվարի 5-ից 9-ը մասնակցել են Մոսկվայում անցկացվող «ՊրոդԷքսպո» 25-րդ հոբելյանական ցուցահանդեսին:
Ինչպես տեղեկացնում է ՀՀ գյուղնախարարության մամուլի ծառայությունը, Տարածաշրջանի խոշորագույն ամենամյա միջազգային ցուցահանդեսում հայկական ընկերությունները միասնական տաղավարով իրենց արտադրանքն են ներկայացրել երկրորդ անգամ:
«Հանդիպեցինք Գերմանիայի, Կանադայի, Հունգարիայի ներկայացուցիչների հետ, որոնք հետաքրքրված են հայկական գինեգործությամբ: Կարծում եմ, որ հետագայում կունենանք պայմանագրեր արտահանման ուղղությամբ»,- նշել է Հայաստանի խաղողագործության և գինեգործության հիմնադրամի գործադիր տնօրեն Զարուհի Մուրադյանը:
Գինու ոլորտի մասնագետները համոզված են, որ առաջիկայում հայկական գինին իր ուրույն տեղն է զբաղեցնելու աշխարհի գինու քարտեզի վրա: Նրանք նաև հույս ունեն, որ զուգահեռաբար Հայաստանում էլ ավելի կզարգանա գինի խմելու մշակույթը:
ՀՀ Ազգային վիճակագրական ծառայության տվյալներով, Հայաստանում 2017 թվականին արտադրվել է 8,8 մլն լիտր գինի, իսկ արտահանումն ավելացել է 30%: Հայաստանի մաքսային ծառայության վերջին տվյալների համաձայն, 2017 թվականի առաջին կեսին արտահանվել է 1,2 մլն լիտր գինի, տարեկան աճը`61%, իսկ մաքսային արժեքի աճը`84,3%, մինչև 4,7 մլն դոլար: Արտահանման 80% -ից ավելին (1 մլն լիտր) բաժին է ընկնում է ռուսական շուկային: Միևնույն ժամանակ, հաշվետու ժամանակաշրջանում դեպի Ռուսաստան արտահանումն ավելացել է 68.1%:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |