Դրամը տրամադրվել է դոլարի նկատմամբ ամրապնդման՝ սկսելով թուլանալ եվրոյի նկատմամբ

Արմինֆո. Հայաստանի արտարժույթի միջբանկային շուկայում փետրվարի 12-16-ը նախորդ շաբաթվա համեմատ ծավալն աճել է 2 անգամ՝ նախորդ շաբաթվա 13,1% անկումից հետո: Ընդ որում` շաբաթվա ընթացքում ամեն օր գործարքներ են կատարվել, սակայն առավելագույն ծավալով աչքի են ընկել երկուշաբթին և երեքշաբթին՝ շաբաթվա վերջին սահուն «մարմամբ»:

Դրան զուգընթաց, արտարժույթի ներբանկային շուկայում խաղացողները կորցրել են հետաքրքրությունը դոլարի գնման նկատմամբ՝ պահպանելով պասսիվությունը նաև եվրոյով գործառնությունների նկատմամբ՝ միաժամանակ ակտիվացնելով ռուբլու գնումը: Արտարժույթի բորսայական հարթակը դատարկ է մնում: Արդյունքում դրամը տրամադրվել է դոլարի նկատմամբ ամրապնդման՝ 483,5-ից մինչև 481,5 դրամ/$1՝ սկսելով թուլանալ եվրոյի նկատմամբ՝ 593-ից մինչև 604 դրամ/1եվրո և ռուբլու նկատմամբ՝ 8,4-ից մինչև 8,6 դրամ/1ռուբլի: 2017 թ. փետրվարի 16-ին դրամի փոխարժեքը դոլարի նկատմամբ կազմել էր 486,5 դրամ/$1, եվրոյի նկատմամբ՝ 517 դրամ/1եվրո և ռուբլու նկատմամբ՝ 8,5 դրամ/1 ռուբլի, ինչը ներկա փոխարժեքների համեմատ ցույց է տալիս եվրոյի և ռուբլու նկատմամբ դրամի տարեկան արժեզրկում` դոլարի նկատմամբ արժեվորման պայմաններում:  

Ինչպես ԱրմԻնֆո-ին հաղորել են ՀՀ Կենտրոնական բանկի մամուլի ծառայությունից, փետրվարի 12-16-ն արտարժույթի միջբանկային շուկայում գործարքների ծավալները կազմել են $11.4 մլն՝ 481,80 դրամ/$1 միջին կշռված փոխարժեքով (նախորդ շաբաթ՝ 482,87 դրամ/$1), ըստ որում՝ առավելագույն ծավալներն արձանագրվել են երկուշաբթի և երեքշաբթի` $3 մլն և $3.2 մլն: Դրան զուգահեռ արտարժույթի ներբանկային շուկայում դոլարի գնման տրենդի աճը փոխվել է 21% աճից 8,4% անկում՝ վաճառքի դինամիկայի 34,7% անկումից 10,7% աճի պայմաններում, ինչի ֆոնին եվրոյի գնման անկման միտումը դանդաղել է 27,5%-ից մինչև 20,7%՝ վաճառքի դինամիկայի 10,2% անկումից 5,4% աճ փոփոխման պայմաններում: Իսկ արտարժույթի ներբանկային շուկայում ռուբլով գործարքները պահպանել են տարաուղղված միտումը, բայց այս անգամ գնումը

14% անկումից փոխվել է 16,8% աճի, իսկ վաճառքը՝ 48,5% աճից մինչև 1,6% անկում: Արդյունքում գնվել է $96.5 մլն՝ 481,12 դրամ/$1 միջին փոխարժեքով, 6.9

մլն եվրո՝ 594,24 դրամ/1EUR միջին փոխարժեքով և 853.2 մլն ռուբլի՝ 8,34 դրամ/1RUR միջին փոխարժեքով, իսկ վաճառվել է $76.7 մլն՝ 482,79 դրամ/$1 միջին փոխարժեքով, 19.5 մլն եվրո՝ 596,19 դրամ/1EUR միջին փոխարժեքով և 563.3 մլն ռուբլի՝ 8,44 դրամ/1RUR միջին փոխարժեքով:

Աղբյուրի համաձայն, նախորդ շաբաթվա ընթացքում (փետրվարի 5-10) Հայաստանի բանկերի կողմից տրամադրվել են 44.7 մլրդ դրամի և 28.9 մլն դոլարի վարկեր: Դրան նախորդած ժամանակահատվածի համեմատ (հունվարի 29-ից մինչև փետրվարի 3) տրամադրվող վարկերի դինամիկան վատթարացել է. դրամային վարկերի ծավալները՝ 9% աճից 24,7% անկում, իսկ դոլարային վարկերը՝ 53% աճից 66,7% անկում: