Արմինֆո. Հայաստանում շենքերի 70 տոկոսը չի համապատասխանում սեյսմիկ նորմերին: Այս մասին փետրվարի 23-ին կայացած մամուլի ասուլիսում հայտարարել է ՀՀ քաղաքաշինության պետական կոմիտեի նախագահ Նարեկ Սարգսյանը: Այս առումով նա ընդգծել է, որ այդ շենքերի ամրացումը կամ վերակառուցումը պետության համար մեծ ֆինանսական բեռ կարող է դառնալ:
Նրա խոսքերով, 2017 թ. կառավարությունն ընդունեց սեյսմիկ անվտանգության միասնական ռազմավարություն, որի համաձայն էլ կկատարվեն համապատասխան աշխատանքներ: «Դա երկար և բարդ գործընթաց է, որի ընթացքում պարբերաբար պետք է կարճաժամկետ և երկարաժամկետ հեռանկարում իրականացվեն շենքերի սեյսմակայունության բարձրացման աշխատանքներ», - եզրափակել է նա:
Մինչդեռ, ըստ «Գոլոս Արմենիի» թերթի, վկայակոչելով ՀՀ Sputnik-ին, «Հայնախագիծ» ինստիտուտի տնօրեն Գրիգոր Ազիզյանը գտնում է, որ բնակելի շենքերի մեծ մասը Երևանում անկայուն է հզոր երկրաշարժերի նկատմամբ: Սակայն, ինչպես նշել է Արտակարգ իրավիճակների նախարարության Սեյսմիկ պաշտպանության ազգային ծառայության սեյսմակայուն շինարարության կենտրոնի ղեկավար Զավեն Խլղաթյանը, բոլոր շենքերը յուրաքանչյուր 10 տարին մեկ պետք է սեյսմակայունության առումով սերտիֆիկացվեն: Մեկ շենքի սերթիֆիկացման արժեքը կազմում է մոտ 300 հազար դրամ, իսկ ավելի խորացված ուսումնասիրությունը` շուրջ մեկ միլիոն դրամ: Միայն Երևանում նման շենքերի թիվը հասնում է մոտ 4800-ի: Ցավոք, այդ միջոցները բյուջեում չկան, ինչը, սակայն, չի վերացնում պրոբլեմը», - ասել է Խլղաթյանը: Հայաստանի համար ամենաբարձր սեյսմակայունությունը 9 բալ է: Բացի այդ, ինչպես նշել է Խլղաթյանը, նշված 4800 մայրաքաղաքային շենքերից 300-ն ունեն III կամ IV աստիճանի վթարայնություն: Վտանգ է ներկայացնում նաև շենքերի խիտ կառուցախատումը Երևանի կենտրոնում:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |