Մարզպետ. 2018 թ. Տավուշի մարզում ակնկալվող ներդրումները կկազմեն 28,15 մլրդ դրամ

Արմինֆո. 2018 թվականին Տավուշի մարզի տնտեսությունում նախատեսվում է ներդրվել 28.15 մլրդ դրամ, 2017-ի 23.3 մլրդ դրամի փոխարեն: Այս մասին վարչապետ Կարեն Կարապետյանին հայտնել է մարզի ղեկավար Հովիկ Աբովյանը: ՀՀ կառավարության ղեկավարը փետրվարի 24-ին այցելել է Տավուշի մարզ, ծանոթանալու տարբեր ոլորտներում իրականացվող միջոցառումների արդյունքներին, մարզերի 2017 թվականի զարգացման ծրագրերի շրջանակներում, ինչպես նաև ծանոթանալու 2018 թվականի խնդիրներին:

Ինչպես տեղեկացնում է ՀՀ կառավարության մամուլի ծառայությունը, ներկայացնելով Տավուշի մարզի 2017-ի մակրոտնտեսական ցուցանիշները, մարզպետ Հովիկ Աբովյանը, մասնավորապես, նշել է, գյուղատնտեսական հողատարածքնռրը կազմում են 111 հազար հետկատ: Արդյունքում, համայնքների խոշորացման արդյունքում համայնքների թիվը կազմել է 24, ավելի վաղ` 62-ի փոխարեն: 2017-ին համախառն արտադրանքի ծավալը Տավուշի մարզում կազմել է 13,7 մլրդ դրամ, 2016-ի 12 մլրդ դրամի փոխարեն: Միևնույն ժամանակ, համախառն գյուղատնտեսական արտադրանքի ծավալն անցյալ տարվա ընթացքում կազմել է 39,7 մլրդ դրամ, 2016-ի 41,3 մլրդ դրամի փոխարեն: Մարզպետի խոսքերով, անկումը պայմանավորված է 2017-ի կարկուտի և ցրտահարության վնասներով, ինչպես նաև գյուղատնտեսական տարածքների կրճատումով (2016-ի համեմատ կրճատվել է 5 հազար հեկտարով):

Հովիկ Աբովյանի խոսքերով, Տավուշի մարզում վերջին տարիներին գյուղատնտեսության ոլորտում իրականացվել են`ջերմոցային և սառնարանային օբյեկտների, ինչպես նաև այգիների և վերամշակող ձեռնարկությունների ստեղծման ծրագրեր: Վերոհիշյալ տնտեսությունների ընդհանուր թիվը գերազանցում է 350-ը, որոնք ապահովում են ավելի քան 1,400 հիմնական և ժամանակավոր աշխատատեղեր: 2018-ին, ինչպես հայտարարել է մարզպետը, բավական բարձր աճ է սպասվում ոլորտում, եթե 2017-ին գյուղատնտեսության ոլորտում ներդրվել է 2.8 մլրդ դրամ, ապա ընթացիկ տարում ներդրումները կկազմեն 5,6 մլրդ դրամ, ապահովելով 5-7% աճ:

Ապրանքաշրջանառությունը մարզում 2017-ին, ըստ մարզպետի, կազմել է 33,5 մլրդ.դրամ, 2016-ի 29.7 մլրդ դրամի փոխարեն, ծառայությունների ծավալն աճել է 10.7 մլրդ, 2016-ի 14.1 մլրդ դրամի փոխարեն: Շինարարության ծավալը 2017-ին նույնպես ավելացել է`12.5 մլրդ դրամից մինչև 17.3 մլրդ դրամ: Արտահանումը 2016- համեմատ աճել է ավելի քան 2 անգամ, հասնելով 8 մլրդ դրամի: Նույն պատկերն է տիրում ներդրումների գծով`2017-ին ծավալը հասել է 23.3 մլրդ դրամի (800 աշխատատեղ), 2016 թվականի 10.1 մլրդ դրամի փոխարեն (625 աշխատատեղ): 2018 թվականին սպասվող ներդրումների շրջանակներում նախատեսվում է ստեղծել 885 մշտական ​​աշխատատեղ: Մեկ շնչի հաշվով եկամուտը 2017 թվականին կազմել է 25.7%, 2016-ի 22.2% -ի փոխարեն: 2018 թվականին կանխատեսվում է` 30.6%:

Ներկայացնելով զբոսաշրջության զարգացումները, մարզպետը նշել է, որ 2017 թվականին Տավուշ այցելած զբոսաշրջիկների թիվը կազմել է 120 հազար, ինչը 25 հազարով ավելի է,  քան 2016 թվականին: Այս տարի Տավուշի մարզը նախատեսում է ընդունել մինչև 135 հազար զբոսաշրջիկ:

ՀՀ վարչապետը գոհունակություն է հայտնել Տավուշի մարզի գյուղատնտեսության ոլորտի առաջընթացի առումով, նշելով, որ այս տարի, հաշվի առնելով ներկայիս միտումները,  անհրաժեշտ է հավակնել ավելի բարձր աճի, ապահովելով շատ ավելի բարձր երկարաժամկետ աճ: Վարչապետը հորդորել է աշխատել ավելի մեծ էներգիայով: