Արմինֆո. Կոնվերս Բանկը Գարնանային տոների կապակցությամբ հայտարարում է ավանդական ակցիաների մեկնարկի մասին, որոնցից առաջինի շրջանակներում, մարտի 1-ից ապրիլի 7-ը կանայք Կոնվերս Բանկի մասնաճյուղերում Woman’s պլաստիկ քարտ կկարողանան ստանալ սպասարկման վճարի 50% նվազեցված գնով /միայն առաջին տարվա համար / և օգտվել վարկային սահմանաչափից:
Ինչպես տեղեկացրել են բանկից, «Կոնվերս Բանկը պարբերաբար հանդես է գալիս Woman’s քարտապանների համար նախատեսված զեղչային և Cashback ակցիաներով: Այս ակցիայի շրջանակներում 36 ամիս ժամկետով և առավելագույնը 1 միլիոն դրամի չափով վարկային սահմանաչափ կարող են ստանալ Բանկի բոլոր Woman’s քարտապանները», - ասացին Բանկում՝ նշելով, որ Woman’s քարտերը իրենց տեսակով եզակի են Հայաստանում և մշակվել են՝ հաշվի առնելով կանանց նախասիրությունները: Մասնավորապես, Woman’s պլաստիկ քարտերը մյուսներից տարբերվում են ոչ միայն յուրօրինակ դիզայնով, այլև քարտապաններին հնարավորություն են տալիս օգտվել պարբերաբար կանանց համար գործարկվող պրոդուկտներից, զեղչային և cashback ակցիաներից:
Կանանց միջազգային օրվան ընդառաջ՝ մարտի 6-ից 8-ը կանցկացվի Կոնվերս Բանկի ավանդական Cashback ակցիան, որից կարող են օգտվել Բանկի բոլոր քարտապանները: Այդ օրերին, կատարելով անկանխիկ գնումներ բանկի գործընկեր խանութներում եւ վաճառակետերում, հաճախորդները կստանան գործարքի կամ գործարքների գումարի աննախադեպ՝ 25%-ի չափով հետվերադարձ:
«Cashback ակցիան իրականացվում է հավատարիմ հաճախորդներին խրախուսելու նպատակով և Կանանց միջազգային օրվա կապակցությամբ բանկի քարտապաններին շահավետ գնումների հնարավորություն է ընձեռում գործընկերների ցանցում, ուր ներառված են օծանելիքի, հագուստի, կոշկեղենի, զարդերի, աքսեսուարների, նվերների, քաղցրավենիքի և այլ խանութ-սրահներ»,- եզրափակել են Բանկում:
Մանրամասները՝ http://benefits.conversebank.am/hy/current-promotions/item/2018/02/22/womanscreditline/
և http://benefits.conversebank.am/hy/current-promotions/item/2018/02/22/cashbackmarch/ հղումներով:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական №16 տեղեկագրի, Կոնվերս բանկն ակտիվ քարտերի, ինչպես նաև Visa և MasterCard քարտերի ընդհանուր թվով գտնվում է Top-5-ում: 2017-ի հոկտեմբերի 1-ի դրությամբ Բանկի քարտերի թիվն ավելացել է 35,1%, մինչև 183.8 հազար քարտ: Քարտերի ընդհանուր թվում Visa քարտերը կազմել են 28.2%, MasterCard - 12,5%: Կոնվերս բանկի պլաստիկ գործարքների ծավալը 2017-ի 9 ամիսների ընթացքում աճել է 62%, մինչև 239.1 մլրդ դրամ, այս ցուցանիշով զբաղեցնելով առաջին տեղը: Բանկը հոկտեմբերի 1-ի դրությամբ ունեցել է 104 բանկոմատ և 753 POS- տերմինալ, որոնց տարեկան աճը համապատասխանաբար կազմել է`3% և 31,6%:
Նշենք, որ Կոնվերս Բանկ ՓԲԸ գործում է 1996 թվականից: Բանկի բաժնետերերն են` «Ըդվանսդ Գլոբալ Ինվեսթմենթս» ԷլԷլՍի (80,94%), «ՀայՓոստ Թրասթ Մենեջմենթ» Բի. ՎԻ. Ընկերություն (14.06%) և Հայաստանյաց Առաքելական Սուրբ Եկեղեցի (5%): Բանկի մասնաճյուղերի ցանցը ներառում է 34 ստորաբաժանում, որոնցից 13-ը գտնվում է Երևանում, 20-ը` Հայաստանի մարզերում, 1-ը` Արցախում: