«Lydian Armenia» ընկերությունը կանանց սոցիալական զարգացման նպատակով մշակված հատուկ ծրագրերի իրականացնն ուղղել է 83 հազար ԱՄՆ դոլար

Արմինֆո. Lydian Armenia ընկերությունը, որն զբաղված է Ամուլսարի ոսկու հանքի շահագործմամբ, արդեն իրականացրել է սոցիալական զարգացման 55 ծրագրիր, 83 հազար դոլար ընդհանուր ծավալով, որոնք մշակված են հատուկ կանանց համար:

«Lydian Armenia-ն շարունակում է ջանքեր գործադրել ավելի շատ կանանց ներգրավելու համար, քանի որ մենք վստահ ենք, որ դա կնպաստի հանքարդյունաբերության ոլորտի բարելավմանը բոլոր առումներով: Կանանց մեծամասնությունը, ովքեր մասնակցել են մեր ծրագրերին, արդեն համայնքներում ունեն փոքր բիզնես», - ասված է ընկերության պաշտոնական հաղորդագրության մեջ:

Ըստ աղբյուրի, ընկերության աշխատակազմի 31% կանայք են: Ընդ որում, 8 կին զբաղեցնում է ղեկավար պաշտոն: «Մենք նաև խրախուսում ենք մեր կապալառուներին հնարավորության դեպքում աշխատանքի վերցնել կանանց: 2017 թվականին մեր կապալառուների աշխատակիցների 12% կանայք են եղել, որոնցից 130-ը՝ Ամուլսարի հարակից համայնքներից»,-նշում է աղբյուրը:
«Մեր փոքր և միջին բիզնեսների աջակցման ծրագրերը ևս նպատակ ունեն հնարավորություն տալ տարածաշրջանի կանանց այլընտրանքային կենսամիջոցներ ստեղծելու և տարածաշրջանի սոցիալ-տնտեսական զարգացման մեջ առաջատար դերակատարություն ունենալու համար: Մենք իրականացրել ենք 83000 ԱՄՆ դոլար արժողությամբ 55 սոցիալական զարգացման ծրագիր, որոնք հատուկ մշակված են եղել կանանց համար: Կանանց մեծամասնությունը, ովքեր մասնակցել են մեր ծրագրերին, արդեն ունեն փոքր բիզնեսներ համայնքներում»,-նշված է հաղորդագրության մեջ:

Հիշեցնենք, որ Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում: