Արմինֆո. Ապրիլի 5-ին ՀՀ ֆինանսների նախարարությունում կայացել է հանդիպում ՀՀ ֆինանսների նախարարության իրավասու ստորաբաժանումների և Տնտեսական զարգացման և հետազոտությունների կենտրոնի (EDRC) ներկայացուցիչների միջև:
Ինչպես տեղեկացրել է նախարարության մամուլի ծառայությունը, հանդիպման ընթացքում կողմերը քննարկել են ՀՀ ֆինանսների նախարարության կողմից մշակված պարզեցված պետական բյուջեի և պարզեցված պետական բյուջեի կատարման մասին հաշվետվության ձևանմուշները և Տնտեսական զարգացման և հետազոտությունների կենտրոնի ու ՕՔՍՖԱՄ-ի հայաստանյան գրասենյակի կողմից նախկինում համատեղ ներկայացված առաջարկությունները: Նշված կառույցների կողմից ողջունվել և մեծապես կարևորվել է նախաձեռնությունը: Միաժամանակ կողմերը պայմանավորվածություն են ձեռք բերել շարունակել համատեղ աշխատանքները վերը նշված փաստաթղթերն առավել մատչելի և հանրության համար առավել հասանելի դարձնելու ուղղությամբ:
Նշենք, որ Տնտեսական զարգացման և հետազոտությունների կենտրոնը (EDRC) անկախ հետազոտական կառույց է, որը հիմնադրվել է 2001 թվականին, Երևանում, սոցիալական զարգացման ոլորտի անկախ հետազոտությունների իրականացման նպատակով:
RUB | 4.17 | -0.05 |
USD | 387.81 | -0.27 |
EUR | 415.62 | -0.67 |
GBP | 485.89 | 0.32 |
CAD | 284.05 | -0.11 |
JPY | 24.88 | 0.13 |
CNY | 53.56 | 0.01 |
CHF | 425.46 | 0.12 |