Արմինֆո. ՀՀ հարկային օրենսգրքի 381-րդ հոդվածի 3-րդ մասի 4-րդ կետի համաձայն՝ հսկիչ դրամարկղային մեքենայի կտրոնը կազմակերպության ներկայացուցչին, անհատ ձեռնարկատիրոջը կամ նրա ներկայացուցչին, նոտարին կամ նրա ներկայացուցչին տրամադրելու դեպքում հսկիչ դրամարկղային մեքենայի կտրոնի վրա պետք է տպագրված լինի նաև համապատասխանաբար ապրանք ձեռք բերող, աշխատանք ընդունող և (կամ) ծառայություն ստացող կազմակերպության, անհատ ձեռնարկատիրոջ կամ նոտարի հարկ վճարողի հաշվառման համարը (ՀՎՀՀ):
Ինչպես նշում է ՊԵԿ մամուլի ծառայությունը, վերոնշյալ պահանջի կիրարկումն ապահովելու նպատակով իրականացվել է համապատասխան ծրագրային փոփոխություն, որի արդյունքում ապրանք ձեռք բերող, աշխատանք ընդունող և (կամ) ծառայություն ստացող կազմակերպության, անհատ ձեռնարկատիրոջ կամ նոտարի ՀՎՀՀ-ի տպագրումը հասանելի է նոր սերնդի հսկիչ-դրամարկղային մեքենաներ կիրառող բոլոր հարկ վճարողների համար։
ՀՀ պետական եկամուտների կոմիտեի պաշտոնական կայքի (www.petekamutner.am) հարկային ծառայության «Էլեկտրոնային ծառայություններ» բաժնի «Նոր սերնդի հսկիչ-դրամարկղային մեքենաներ» ենթաբաժնի «Ինչպես գրանցել և օգտվել նոր սերնդի հսկիչ-դրամարկղային մեքենաներից» հատվածում տեղադրված են ինտեգրացիա կիրառող հարկ վճարողների համար ծրագրավորում իրականացվելու նպատակով անհրաժեշտ բոլոր նյութերը, ինչպես նաև համապատասխան տեսահոլովակները՝ առանց ինտեգրացիայի աշխատող հարկ վճարողների համար, որտեղ մանրամասն ներկայացված է կտրոնի վրա ապրանքներ ձեռք բերող, աշխատանք ընդունող և (կամ) ծառայություն ստացող կազմակերպության, անհատ ձեռնարկատիրոջ կամ նոտարի հարկ վճարողի հաշվառման համարը (ՀՎՀՀ) տպագրելու համար իրականացվող հաջորդական քայլերի իրականացումը:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |