Արմինֆո.Ալավերդու պղնձաձուլական գործարանի վառարանները հանգած են: «Սա գործարանում արտադրված պղնձի վերջին ձուլումն է: Մեծ ցավով եմ տեղեկացնում, որ այս պահից կանգնել է պղնձաձուլական գործարանի սիրտը», - նախօրեին գրել է ընկերության գործադիր տնօրեն Գարեգին Անթաշյանն իր ֆեյսբուքյան էջում:
Այսօրվա դրությամբ ձեռնարկության շուրջ 650 աշխատակիցներ մնացել են առանց աշխատանքի և կենսապայմանների: Բողոքի ակցիայի ժամանակ նրանք արգելափակեցին միջպետական M6 ճանապարհը, որը տանում է դեպի հայ-վրացական սահման: Ըստ նրանց խոսքերի, այս պահին նրանք չգիտեն, թե ինչու են փակել գործարանը`շրջակա միջավայրի, թե ֆինանսական խնդիրների պատճառով: ԱրմԻնֆո-ին հայտնի է դարձել, որ գործարանի աշխատակիցները գնում են Երևան, որտեղ ժամը 18: 00-ին հանդիպելու են փոխվարչապետ Տիգրան Ավինյանի հետ:
Ընկերության աշխատակիցներն ավելի վաղ բաց նամակ էին հղել ՀՀ վարչապետին, խնդրելով աջակցել խնդրի լուծմանը, նշելով, որ «այլապես ստիպված կլինեն կտրուկ և անկանխատեսելի գործողություններ ձեռնարկել, որոնք կարող են դիտվել որպես կառավարության դեմ ուղղված քայլեր»:
Այս հարցի վերաբերյալ այսօրվա ԱԺ փոխխոսնակ Էդուարդ Շարմազանովը, ով ծնունդով Ալավերդի քաղաքից է, դիմել է կառավարության ղեկավար Նիկոլ Փաշինյանին: Իր ուղերձում նա ընդգծել է գործարանի փակման անթույլատրելիությունը, որը 250 տարվա ընթացքում հանդիսացել է տարածաշրջանի առանցքային ձեռնարկությունը: Նա կոչ է անում անելի հնարավոր ամեն ինչ և անհնարինը, որպեսզի ապահովվի գործարանի բնականոն գործունեությունը: Հակառակ դեպքում, նա նշել է, որ դա կհանգեցնի շրջանից արտագաղթի նոր ալիքի:
Նշենք, որ Ալավերդու պղնձաձուլական կոմբինատը կառուցվել է անցյալ դարի 50-ական թվականներին: Ձեռնարկության արդիականացումը չափազանց բարդ է և անարդյունավետ: Երկրի ներսում պղնձի հումքի վերամշակման խնդրի լուծումներից մեկը միջին հզորության նոր կայանի կառուցումն է, որի նկատմամբ հետաքրքրություն են ցուցաբերում չինացի ներդրողները: Հայաստանի Հանրապետության փոխվարչապետ Տիգրան Ավինյանի որոշմամբ, այս տարվա հուլիսի 12-ին ստեղծվել է աշխատանքային խումբ, ապահովելու համար պետական օժանդակությունը նոր պղնձաձուլական գործարանի կառուցման նախապատրաստական աշխատանքների, «Արմենիան Քափր փրոգրամ» ՓԲԸ շրջանակներում, որը հանդիսանում է «Վալլեքս» խմբի անդամ: Նախնական գնահատականներով, ձեռնարկության ներդրումային արժեքը կկազմի մոտ 80 մլն դոլար, որում ընդգրկված են 4 նախարարությունների ներկայացուցիչներ` տնտեսական զարգացման և ներդրումների, էկոլոգիայի, ֆինանսների, ինչպես նաև էներգետիկ ենթակառուցվածքների և բնական ռեսուրսների նախարարությունները: Ձեռնարկության աշխատանքը թույլ կտա Հայաստանում ստանալ մաքուր պղինձ, որի շնորհիվ երկրում հնարավոր կլինի առնվազն մասամբ վերականգնել տարբեր արտադրատեսակների արտադրությունը:
Նշենք, որ «Վալլեքս Գրուպ» ՓԲԸ (Vallex Group) հիմնադրվել է 1998 թվականին և միավորում է 20 դուստր և փոխկապակցված ընկերություններ: Դրանց թվում են «Թեղուտ» ՓԲԸ-ն, որն ստեղծվել է 2006 թվականին, բաժնետոմսերի լրիվ փաթեթը պատկանում է կիպրոսյան «Թեղուտ Ինվեսթմենթս Լիմիթիդ» ՓԲԸ-ին, որի քվեարկող բաժնետոմսերի 100 տոկոսը պատկանում է «Արմենիան քոփր Փրոգրամ» ՓԲԸ-ին, որի սեփականատերը Վալերի Մեջլումյանն է, ինչպես նաև` «Բեյզ Մեթըլս» ՓԲԸ-ն, որը շահագործում է Արցախի Մարտակերտի շրջանում գտնվող Դրմբոնի պղինձ-ոսկու հանքավայրը, «Armenian Copper Programme» ՓԲԸ (ACP), որը շահագործում է Ալավերդու պղնձաձուլման կոմբինատը, որտեղ արտադրվում է սև պղինձ:-
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին