Չորեքշաբթի, 11 Սեպտեմբերի 2019 18:56

Արմինֆո. <Վերին Լարս> անցակետով ԵԱՏՄ երկրների շուկաներ հայկական ապրանքների անարգել տեղափոխման հարցը Հայաստանի իշխանությունները պետք է բարձրացնեն հոկտեմբերի 1-ին Երեւանում կայանալիք ԵԱՏՄ գագաթնաժողովի ընթացքում: Այս մասին ԱրմԻնֆո-ի թղթակցի հետ զրույցում ասել է "Էքսպորտ Արմենիա" (Export Armenia) փորձագետների ասոցիացիայի ղեկավար Էմիլ Ստեփանյանը ։

 

Այդ առնչությամբ նա ընդգծել է Հայաստանից բեռների համար <Վերին Լարս> անցակետ տանող <առանձին միջանցքի> պահպանման  և թանկարժեք մաքսային զննման բացառման անհրաժեշտությունը, որի գինը տատանվում է բեռնաթափման համար $ 800 - $ 1000 սահմաններում, ինչը, փորձագետի կարծիքով, այնքան էլ հիմնավորված չէ:

 

<ԵԱՏՄ ոչ մի երկիր նման խնդիր չունի, բացի Հայաստանից։ Իսկ դա նշանակում է, որ մենք պետք է հասնենք ԵԱՏՄ մյուս երկրների հետ լոգիստիկայի հավասար պայմանների։ Հետևաբար՝ Հայաստանից բեռները չպետք է ենթարկվեն մաքսային հսկողության, ինչպես չեն ենթարկվում Բելառուսի, Ղրղզստանի, Ղազախստանի և Ռուսաստանի բեռները միմյանց սահմանները հատելիս>,- ընդգծել է Ստեփանյանը։

 

Այս առնչությամբ Export Armenia-ի ղեկավարը նշել է, որ հարցը կարելի է լուծել ԵԱՏՄ Մաքսային օրենսգրքում փոփոխություններ կատարելու միջոցով, որից հետո <Վերին Լարս> անցակետը չի համարվի մաքսային սահման Հայաստանից կնքված բեռների համար:

 

<Մենք բոլորս պետք է գիտակցենք, որ <Վերին Լարս> անցակետի հետ կապված խնդրի շտկմամբ կկրճատվեն արտահանողների լոգիստիկայի ծախսերը, դեպի ԵԱՏՄ երկրներ փոխադրման ժամանակը, ինչն իր հերթին կհանգեցնի հայկական արտահանման մրցունակության բարձրացմանը>, - ասել է նա:

 

Դրա հետ մեկտեղ Ստեփանյանը նկատել է, որ հայկական արտահանման համար <կանաչ միջանցքի> հարցի լուծմամբ երկրի իշխանություններն ինքնաբերաբար կբարձրացնեն Հայաստանից արտահանման գրավչությունը վարչական գործողություններով, ինչը բացառում է ՀՀ պետբյուջեից լրացուցիչ հատկացումները:

 

Նշենք, որ ըստ ՀՀ Վիճակագրական կոմիտեի տվյալների ՝ ԵԱՏՄ երկրների հետ Հայաստանի արտաքին առևտրի ծավալն աճել է 2019թ. առաջին կիսամյակում 5,3% - ով (նախորդ տարվա 20,4% աճի փոխարեն) ՝ մինչև 982.2 մլն դոլար:  Ընդ որում, հայկական ապրանքների արտահանումը ԵԱՏՄ երկրներ աճել է 5,7% - ով (նախորդ տարվա 28,5% աճի փոխարեն) ՝ մինչև 322 մլն դոլար՝ ներմուծման 5,1% աճի դեպքում (նախորդ տարվա 16,9% աճի փոխարեն) ՝ մինչև 660.2 մլն դոլար: ԵԱՏՄ երկրների թվում արտաքին առևտրաշրջանառության գծով Ռուսաստանից հետո հաջորդում են Բելառուսը ՝ 31.3 մլն դոլար (տարեկան աճի արագացում ՝ 24% - ից մինչև 31.3%), Ղազախստանը ՝ 3.3 մլն դոլար (2,5 անգամ աճից մինչև 43,5% անկում) և Ղրղզստանը ՝ 1.5 մլն դոլար (տարեկան աճի արագացում 0,1% - ից մինչև 3,4 անգամ) ։  Հայկական ապրանքների արտահանումը Բելառուս աճել է 30,5% - ով ՝ ներմուծման 31,5% աճի դեպքում, իսկ Ղազախստանի ուղղությամբ արտահանումը և ներմուծումը նվազել են ՝ 49,5% - ով և 31,4% - ով ։  Իսկ Ղրղզստանի ուղղությամբ Էական աճ է գրանցվել արտահանման գծով ՝ 4,3 անգամ: