Արմինֆո.Հայաստանի մարզերում 2021թ. առաջին կիսամյակում կատարվել է անշարժ գույքին առնչվող 63 173 գործարք' տարեկան 29,2 տոկոս աճով: Ընդ որում, ըստ ՀՀ անշարժ գույքի կադաստրի պետական կոմիտեի տվյալների, մարզերում անշարժ գույքի առքուվաճառքի գործարքների թիվն ավելացել է 24,2%-ով' հասնելով 17 387 - ի, իսկ վարձակալությունները' 6,6% - ով' հասնելով 2 824-ի:
Անշարժ գույքի առքուվաճառքի մարզային գործարքների ընդհանուր քանակորմ ամենամեծ տոկոսը (61 տոկոս), ինչպես եւ նախկինում, բաժին է ընկել այն հողերին, որոնց ընդհանուր մակերեսը կազմել է 5926.83 հա, որից 5431.42 հեկտարը գյուղատնտեսական նշանակության հողերն են: Տարեկան կտրվածքով հողի առուվաճառքի մարզային գործարքների թիվն ավելացել է 24,1 տոկոսով ՝ կազմելով 10 608:
Գերիշխող տոկոսը (52,4%) հողին է բաժին է ընկնում նաեւ անշարժ գույքի վարձակալության մարզային գործարքներում: Այսպես, այս տարվա առաջին կիսամյակում վարձակալության է տրվել 3437.35 հա ընդհանուր մակերեսով հող՝ 1 481 գործարքի (31,3% տարեկան աճով) շրջանակներում, որոնցից մեծ մասը ' 75% կամ 1 105 գործարք (36,3% տարեկան աճով) վերաբերում էր 3260,81 հա գյուղատնտեսական հողերին:
Հողերի առուվաճառքի մարզային գործարքների ընդհանուր քանակում առավելագույնը գրանցվել է Կոտայքի մարզում՝ 2902 գործարք կամ ընդհանուր թվի 27,3%-ը, իսկ նվազագույնը՝ Սյունիքի մարզում՝ 251 կամ 2,4% - ը: Սակայն վաճառված հողերի տարածքով առաջատարը Արմավիրի մարզն է ՝ 2214.23 հա: Իսկ մարզերում վարձակալված հողերի մակերեսը կազմել է 3437.35 հա:
Մարզերում երկրորդ տեղում են առանննձնատների առուվաճառքի գործարքները (2 813), որոնց հետեւում են բնակարաններին առնչվող գործարքները՝ փոքր տարբերությամբ (2 437), ապա գալիս են ավտոտնակները (687), հասարակական եւ արտադրական նշանակության շենքերը, համապատասխանաբար, 594 եւ 248 գործարք:
Ըստ աղբյուրի, բնակարանների առքուվաճառքի գործարքների թիվը տարեկան կտրվածքով աճել է 19,1 տոկոսով: Ընդ որում, Հայաստանի մարզերում բնակարանների միջին շուկայական արժեքը նվազել է տարեկան 3,4 տոկոսով ' կազմելով միջինը 95.6 հազար դրամ / 1 քմ:
Ըստ կադաստրային տվյալների ՝ մարզերում բնակարանների ամենաբարձր գներն ավանդաբար պահպանվում են Ծաղկաձոր առողջարանային քաղաքում՝ միջին հաշվով 283 հազար դրամ / 1 քմ՝ տարեկան 0.5 տոկոս անկումով: Այնուհետև հաջորդում է ք. Աբովյանը, որտեղ բնակարանի գինն արձանագրվել է 195.2 հազար դրամ/1քմ-ի սահմաններում՝ տարեկան 5.4% աճով: Առաջատարների եռյակը եզրափակում է Վաղարշապատ քաղաքը՝ 162.3 հազար դրամ/1քմ արժողությամբ, տարեկան 3.9 տոկոս աճով։
Ամենացածր գներն արձանագրվել են Լոռու մարզի Թումանյան քաղաքում' 20 հազար դրամ/1 քմ (տարեկան 16,5% անկումով): Բնակարանների գները մի փոքր բարձր են Գեղարքունիքի մարզի Ճամբարակ քաղաքում՝ 35.6 հազար դրամ/1 քմ (տարեկան 20.2% անկումով) և Ախթալա քաղաքում (Լոռու մարզ)' 36.6 հազար դրամ/1 քմ (տարեկան 5.4% անկում):