Արմինֆո. ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանի գլխավորած պատվիրակությունը Բարսելոնայում մասնակցել է փետրվարի 28-ից մարտի 2-ն անցկացված Շարժական ինդուստրիայի համաշխարհային կոնգրեսին (Mobile World Congress): Կոնգրեսին Հայաստանը ներկայացված է առանձին տաղավարով։
ԲՏԱՆ ֆեյսբուքյան պաշտոնական էջում զետեղված հաղորդագրության համաձայն, մարտի 1-ին դեսպան Սոս Ավետիսյանն այցելել է Կոնգրես, նախարարի տեղակալ Դ. Սահակյանի հետ շրջել Հայաստանի տաղավարով, ծանոթացել հայկական ստարտափ ընկերությունների ծրագրերին և գաղափարներին, քննարկել իսպանական շահագրգիռ կառույցների հետ համագործակցության հեռանկարները։
Նույն օրը նախարարի տեղակալ Դավիթ Սահակյանը և դեսպան Սոս Ավետիսյանը հանդիպում են ունեցել Կատալունիայի արտաքին գործերի և բաց կառավարման նախարար Վիկտորյա Ալսինա Բուրգեսի հետ: Հանդիպմանը քննարկվել է տեղի և հայկական ընկերությունների միջև համագործակցության հաստատման հնարավորությունները։
Հիշեցնենք, որ Mobile World Congress-ը բջջային ինդուստրիայի խոշորագույն ցուցահանդեսներից մեկն է աշխարհում, որին մասնակցում են բջջային կապի օպերատորներ, վաճառողներ եւ կոնտենտի տերեր ամբողջ աշխարհից: Սովորաբար ցուցահանդես այցելում է ավելի քան 100 հազար մարդ։ Կոնգրեսի հիմնական թեմատիկ բաժիններն են. բջջային նորարարություններ, բջջային հավելվածների մշակում, բաց բջջային համակարգեր, բջջային ինտերնետ և բջջային ժամանց։
RUB | 4.22 | 0.06 |
USD | 387.63 | -0.37 |
EUR | 414.92 | -1.29 |
GBP | 485.04 | -1.51 |
CAD | 282.47 | -1.03 |
JPY | 25.00 | 0.27 |
CNY | 53.53 | -0.05 |
CHF | 425.22 | -0.50 |