Արմինֆո.Նախօրեին "Երևան իմ սեր" հիմնադրամում երկրի գործարար հանրության համար տեղի է ունեցել նոր jobbit նորարարական գործիքի շնորհանդեսը: Գործիքը մշակվել է հայկական Cascade People and Business խորհրդատվական ընկերության կողմից, որը մասնագիտանում է մարդկային ռեսուրսների կառավարման(HRM) լուծումների վրա:
Գործիքը մարդկային ռեսուրսների հաջող կառավարմամբ շահագրգռված ընկերություններին տրամադրում է բոլորովին նոր մոտեցում աշխատավարձի ուսումնասիրության բնագավառում եւ նպատակաուղղված է գործատուին աշխատաշուկայի վերաբերյալ վիճակագրության ակնթարթային տրամադրմանը:
Աշխատատեղերի առանձնահատկությունների ծրագրային հաշվարկը, ինչպես նաեւ գործոնային մոտեցումը եւ ստացված տվյալների մանրակրկիտ վերլուծությունն ապահովում են արդյունքների բարձր ճշգրտություն: Jobbit-ի կիրառումը հնարավորություն կտա ուսումնասիրել աշխատաշուկան եւ պատկերացում կազմել մրցակից ընկերությունների համապատասխան պաշտոններում մասնագետների վարձատրության մակարդակի մասին, ինչպես ըստ ճյուղերի, այնպես էլ՝ պաշտոնեական պարտականությունների: Նման մոտեցումը թույլ կտա ուժեղացնել աշխատանքի արդար վարձատրության համակարգը, կբարձրացնի աշխատակիցների մոտիվացումը եւ նպատակաուղղված է կորպորատիվ կառավարման մշակույթի ամրապնդմանը:
Գործիքի շնորհանդեսին եւ գործարկմանը մասնակցել են գործատուների ներկայացուցիչներ եւ անձնակազմի կառավարման գծով լիազորված մասնագետներ:
Ինչպես նշվել է միջոցառման ժամանակ, jobbit-ի կիրառումը նաեւ հնարավորություն կընձեռի կառուցել աշխատավարձի արդյունավետ սանդղակ եւ, նույնիսկ, սահմանել պարգեւատրման չափը նոր պաշտոնների եւ իրավասությունների համար:
RUB | 4.22 | 0.06 |
USD | 387.63 | -0.37 |
EUR | 414.92 | -1.29 |
GBP | 485.04 | -1.51 |
CAD | 282.47 | -1.03 |
JPY | 25.00 | 0.27 |
CNY | 53.53 | -0.05 |
CHF | 425.22 | -0.50 |