Հինգշաբթի, 4 Մայիսի 2023 17:09

Արմինֆո.Հայաստանի սպառողական շուկայում 2023թ. ապրիլին տարեկան գնաճը նվազել է մինչև 3,2% (2022թ. ապրիլի տարեկան 8,4%-ից)։ Դա առավելապես պայմանավորված էր սննդամթերքի, փոքր-ինչ պակաս՝ ոչ պարենային ապրանքների շուկայում տարեկան գնաճի զգալի նվազմամբ, ինչին զուգահեռ ծառայությունների սակագները շարունակել են արագ տեմպերով աճել։ Այս մասին են վկայում ՀՀ վիճակագրական կոմիտեի տվյալները։

 

Մասնավորապես, պարենային ապրանքների գների աճը 2023թ. ապրիլին 2022թ. ապրիլի համեմատ դանդաղել է մինչև 1,8% (մեկ տարի առաջվա 13,6% - ից), ոչ պարենային ապրանքներինը՝ 6,1% - ից մինչև 2,7%, իսկ ծառայությունների սակագների աճը, ընդհակառակը, արագացել է 3,8% - ից մինչև 5,2%։

 

2023թ. հունվար-ապրիլին արձանագրվել է 0.9% գնաճ ՝ 2022թ. նույն ժամանակահատվածի 5.8% գնաճի դիմաց: Դա արդյունք էր ոչ պարենային ապրանքների 1% էժանացման (նախորդ տարվա 3.3% թանկացման դիմաց), պարենային ապրանքների գների աճի դանդաղման՝ 9.7%-ից մինչև 1.6%, և ծառայությունների սակագների աննշան բարձրացման ՝ 1.1% (նախորդ տարվա 3% աճի դիմաց):

 

2023թ. հունվար-ապրիլին 2022թ. հունվար-ապրիլի համեմատ սպառողական շուկայում գնաճը նույնպես նվազել է մինչև 6,2% (մեկ տարի առաջ 7,4% գնաճից), ինչին մեծապես նպաստել է պարենային ապրանքների գների աճի շոշափելի դանդաղումը՝ 12,2% - ից մինչև 6,5%, ինչպես նաև ոչ պարենային ապրանքների գների աճի պակաս նկատելի նվազումը՝ 5,6% - ից մինչև 4,7%, ինչին զուգընթաց դիտվել է ծառայությունների սակագների աճի արագացում՝ 2,8% - ից մինչեւ 6,5%:

 

Միայն ապրիլին սպառողական շուկայում արձանագրվել է 0.1% գնաճ (նախորդ տարվա 2.3% - ի դիմաց)' կապված պարենային և ոչ պարենային ապրանքների, համապատասխանաբար, 0.2% և 0.1% թանկացումների հետ, ծառայությունների սակագների 0.1% նվազման դեպքում, այն դեպքում, երբ նախորդ տարվա ապրիլյան գնաճն ավելի ցայտուն էր. պարենային ապրանքներինը' 3.7%, ոչ պարենային ապրանքներինը' 2%, ծառայությունների սակագների 0.7% բարձրացման դեպքում: Երևանում սպառողական գները 2023 թվականի ապրիլին աճել են ընդամենը 0,1% - ով ՝ 2022 թվականի ապրիլի 2,4% աճի դիմաց։

 

Սպառողական շուկայում ապրիլյան գնաճը (0,1%) ուղեկցվել է դոլարի նկատմամբ դրամի 0,2% արժևորմամբ, մինչդեռ, մեկ տարի առաջ 2,3% գնաճի դեպքում դիտվել է դոլարի նկատմամբ դրամի 5,2% արժևորում: 2023թ. հունվար-ապրիլին սպառողական շուկայում գնաճը (0,9%) ուղեկցվել է դոլարի նկատմամբ դրամի 1,7% արժևորմամբ, մինչդեռ, մեկ տարի առաջ 5,8% գնաճի դեպքում դիտվել է դոլարի նկատմամբ դրամի 2,9% արժևորում։ 2023թ. ապրիլին 2022թ. ապրիլի համեմատ դրամը դոլարի նկատմամբ արժևորվել է 17,7% - ով՝ կազմելով 387,7 դրամ/$1՝ 3,2% գնաճի դեպքում՝  2022թ. ապրիլի 471 դրամ/$1-ի դիմաց (տարեկան 10,4% արժևորմամբ)՝ 8,4% տարեկան գնաճի դեպքում: