Արմինֆո. Team Telecom Armenia հեռահաղորդակցային ընկերությունը Հայաստանում էլեկտրամոբիլների օգտագործումը խթանելու նպատակով հայտարարել է Team Energy նախագծի մեկնարկի մասին, որի շրջանակներում մշակված հավելվածը թույլ է տալիս գտնել Էլեկտրամոբիլների լիցքավորման մոտակա կետերը: Ընդ որում, վճարումը հնարավոր է բանկային քարտի միջոցով, իսկ եթե վարորդը Team Telecom Armenia-ի բաժանորդ է, միջոցները կարելի է դուրս գրել հեռախոսային քարտի հաշվեկշռից:
Ընկերության մամուլի ծառայությունը հաղորդում է, որ էլեկտրոմոբիլների համար Team Energy լիցքավորման կայաններն արդեն հասանելի են հանրապետության ողջ տարածքում ՝ Երևանում, մարզերում, ինչպես նաև մայրուղային և միջպետական ճանապարհներին: Արագ և գերարագ լիցքավորմամբ AC և DC լիցքավորիչները էլեկտրամոբիլի սիրահարներին կօգնեն այսուհետեւ ճանապարհորդել առանց խոչընդոտների: Ընդ որում, DC-ն ապահովում է 160 կվ/ժ հզորություն: Հաղորդվում է, որ կայանները նախատեսված են բոլոր տեսակի էլեկտրամոբիլների լիցքավորման համար
<Team Energy-ն Team էկոհամակարգի նախագիծ է, որտեղ հատվում են հեռահաղորդակցությունը, տեխնոլոգիաները և էկոլոգիան: Մեր բոլոր նախագծերում մենք առաջարկում ենք լուծումներ, որոնք առաջին հերթին օգտակար կլինեն սպառողին, իսկ երկարաժամկետ հեռանկարում կհանգեցնեն մտածողության փոփոխության։ Team Energy-ի զարգացումը կնպաստի շրջակա միջավայրի համար էկոլոգիապես մաքուր մեքենաների թվի աճին ՝ էապես նվազեցնելով օդի աղտոտվածության մակարդակը և տրանսպորտային ծախսերը", - նշել է Team Telecom Armenia-ի գլխավոր տնօրեն Հայկ Եսայանը։ Team Energy հավելվածը հասանելի է App store-ում և Play market-ում:
RUB | 4.29 | 0.03 |
USD | 387.97 | 0.37 |
EUR | 421.76 | 1.64 |
GBP | 492.84 | 2.53 |
CAD | 284.92 | 0.76 |
JPY | 24.91 | 0.04 |
CNY | 53.64 | 0.01 |
CHF | 426.90 | 0.68 |