Արմինֆո.Ես չեմ տեսնում որևէ հիմնավոր և օբյեկտիվ պատճառ, որպեսզի հնարավոր լինի փակել Վերին Լարսը հայկական ապրանքների համար։ Լրագրողների հետ ճեպազրույցում նման կարծիք է հայտնել ՀՀ էկոնոմիկայի նախարար Գևորգ Պապոյանը, ընդգծելով, որ դրա համար ոչ քաղաքական, ոչ տնտեսական, ոչ աշխատանքային պատճառ չի տեսնում:
Նախարարի նման հայտարարությանն ի պատասխան՝ ԶԼՄ-ների ներկայացուցիչները մատնանշել են երկու երկրների միջև լարված հարաբերությունները, "Զվարթնոց" օդանավակայանից ռուս սահմանապահների հնարավոր դուրս բերումը, սակայն Պապոյանը միայն հակընդդեմ հարց է ուղղել. «Դուք կարծում եք, թե դա կարո՞ղ է հիմնավորում լինել»
Վկայակոչելով առաջիկա հանդիպմանը՝ նախարարը շտապել է ավարտել լրագրողների հետ զրույցը, ընդգծելով, որ ռուսական կողմից այդ կապակցությամբ որևէ պաշտոնական հայտարարություն չի եղել:
Նշենք, որ լրատվամիջոցներում տեղեկություններ են շրջանառվում այն մասին, թե, իբր, Ռուսաստանի մաքսավորները հայ վարորդներին նախազգուշացրել են Վերին Լարսի անցակետը փակելու մասին, որ սահմանափակումները կվերաբերեն գյուղմթերքին և այլ պարենամթերքին: Բեռնափոխադրողների խոսքով ՝ ռուսական կողմը նշել է, որ նման որոշման պատճառները պարզաբանելու համար պետք է դիմել անմիջապես Հայաստանի իշխանություններին:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |