Ուրբաթ, 6 Նոյեմբերի 2015 17:10

Արմինֆո. ՀՀ դրամի արժեզրկումը ԱՄՆ դոլարի նկատմամբ 2015 թվականի հունվար-հոկտեմբերին կազմել է 1,9%, միայն հոկտեմբերին արժևորումը կազմել է 1,8%, իսկ տարեկան արժեզրկումը` 15.2%: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, 2015 թվականի հոկտեմբերին ՀՀ դրամի միջին հաշվարկային փոխարժեքը կազմել է 472.5 դրամ / $ 1 2014-ի հոկտեմբերի 409.98 դրամ / $ 1-ի փոխարեն և 2013-ի հոկտեմբերի 406.61 դրամ / $ 1 – ի փոխարեն: Դրանից մեկ տարի առաջ, 2014 թվականի հունվար-հոկտեմբերին դրամի արժեզրկումը դոլարի նկատմամբ կազմել էր 1,2%ը, հոկտեմբերին`0,3%, իսկ տարեկան արժեզրկումը`0.9%: 2013 թվականի հունվար-հոկտեմբերին դրամի արժեզրկումը դոլարի նկատմամբ կազմել էր 0.1%, միայն հոկտեմբերի արժևորումը կազմել է 0.5%, իսկ տարեկան արժևորումը` 0,1%:

Ըստ աղբյուրի, Հայաստանի սպառողական շուկայում 2015 թվականի հոկտեմբերին գնանկումը կազմել է 0,4%, հունվար-հոկտեմբերին` 2,4%, տարեկան գնաճը`4.4%: Մեկ տարի առաջ, 2014-ի հոկտեմբերին արձանագրվել է 1% գնաճ, 2014-ի հունվար-հոկտեմբերին գնաճը կազմել է 0.2%, իսկ տարեկան գնաճը`2.9%: 2013 թվականի հոկտեմբերին գնաճը կազմել է 0.3%, հունվար-հոկտեմբերին` 3.5%: 2012 թվականի հունվար-հոկտեմբերին արձանագրվել է 0.3% գնանկում, իսկ դրամի արժեզրկումը դոլարի նկատմամբ կազմել է 6,1%, միայն 2012-ի հոկտեմբերին սպառողական գների աճը կազմել է 1.2%, երբ դրամի արժևորումը դոլարի նկատմամբ կազմել էր 0.5%, 2011-ի հունվար-հոկտեմբերի 0.9% գնաճի և դոլարի նկատմամբ դրամի 4.5% արժեզրկման պայմաներում (միայն 2011-ի հոկտեմբերին գնաճը կազմել է 0.3%, իսկ դրամի արժեզրկումը դոլարի նկատմամբ` 1.1%):

Ըստ ՀՀ Ազգային վիճակագրական ծառայության տվյալների, դրամի արժեզրկումը ԱՄՆ դոլարի նկատմամբ 2014 թվականին կազմել է 14.1%, միայն դեկտեմբերի արժեզրկումը` 10%, իսկ գնաճը`4.6% (միայն դեկտեմբերի գնաճը` 3%): 2013 թվականին դրամի արժևորումը դոլարի նկատմամբ կազմել է 0.1%, գնաճը` 5.6% (միայն դեկտեմբեր գնաճը կազմել է 1.1%): 2012 թվականին դրամի արժեզրկումը դոլարի նկատմամբ կազմել է 5.9%, իսկ միայն դեկտեմբերի արժևորումը կազմել է 0,3%, իսկ գնաճը 2012-ին կազմել է 3.2% (դեկտեմբեր գնաճը` 2.1%):

Հիշեցնենք, որ 2014 թվականի հոկտեմբեր-դեկտեմբերին դրամը դոլարի նկատմամբ արժեզրկվեց 45%, ընդ որում, ամենաբարձր ցուցանիշն արձանագրվեց դեկտեմբերի 17-ին` 570 դրամ / $ 1: Ընդհանուր առմամբ, 2014 թվականին դրամի արժեզրկումը կազմեց 40% (նվազագույնը ցուցանիշը` հունիսին, իսկ առավելագույնը` դեկտեմբերին): ՀՀ դրամի նախորդ կտրուկ արժեզրկումը տեղի էր ունեցել 2009 թվականին (մարտի 3-22%-ը): Եվ եթե այդ ժամանակ պատճառը ՀՀ Կենտրոնական բանկի կողմից լողացող փոխարժեքի քաղաքականությանը վերադառնալն էր, ապա 2014-ին դա տեղի ունեցավ արտաքին գործոնների, մասնավորապես, ռուսական ռուբլու փլուզման և մասնավոր տրանսֆերտների ծավալների կրճատման ազդեցության ներքո, ինչի հետևանքով անկում տեղի ունեցավ արտահանման և ներմուծման ծավալներում, էապես դանդաղեցնելով երկրի տնտեսական աճը: