Հինգշաբթի, 13 Հոկտեմբերի 2016 20:09

Արմինֆո. ՀՀ տնտեսական զարգացման և ներդրումների փոխնախարար Էմիլ Տարասյանը չի բացառում վերջերս ընդունված Հարկաւյին օրենսգրքի վերանայումը, ելնելով նոր կառավարության ծրագրի առաջնահերթություններից: Այս մասին նա այսօր հայտարարել է լրագրողներին, կառավարության նիստից հետո:

Նրա խոսքով, նախարարությունն ստացել է բազմաթիվ գնահատականներ և կարծիքներ, որոնցում մտահոգություն է հայտնվում ընդունված Հարկային օրենսգրքի առնչությամբ: Այդ ուղղությամբ, ըստ փոխնախարարի, ընթանում են ինտենսիվ աշխատանքներ: «Տնտեսական զարգացման և ներդրումների նախարարությունը ներկայումս ուսումնասիրում է ՀՕ-ն, որպեսզի բացահայտի այն դրույթները, որոնք կարող են խոչընդոտել տնտեսության զարգացմանը»,-հայտարարել է Տարասյանը, հավելելով, որ կառավարությունը մտադիր է ամբողջովին վերանայել այդ փաստաթուղթը մինչև 2018 ուժի մեջ մտնելը: Նա նաշել է, որ ելնելով նոր կառավարության առջնահերթոթյուններից, ՀՕ-ում կարող են կատարվել փոփոխություններ: «Եթե Հարկային օրենսգիրքը համահունչ լինի նոր կառավարության ծրագրի հետ, ապա կմնա ներկայիս տեսքով, իսկ եթե ոչ, ապա կառավարությունը հանդես կգա համապատասխան փոփոխությունների կատարման նախաձեռնությամբ»,-նշել է փոխնախարարը:

Նշենք, որ նոր Հարկային օրենսգրքի շուտափույթ ընդունումը կապված էր ոչ միայն նախկին կառավարության կողմից երկրի առջև ծառացած նպատակները չհասկանալու, այլ նաև ԱՄՀ պահանջի հետ, որը կառավարությանը շտապեցնում էր այդ հարցում, քանի որ պատրաստվում էր երկրին հատկացնել 130 մլն.դոլար: Բայց նոր կառավարությունը հայտարարեց, որ Հարկային օրենսգիրքը պետք է վերանայվի և ճշգրտվի: