Արմինֆո. «Գնումների մասին» նոր օրենքը կբացահայտի բիզնեսի իրական սեփականատերերին, նույնիսկ օֆշորայիններին: Այս մասին լրագրողներին հայտարարել է ՀՀ ֆինանսների նախարար Վարդան Արամյանը Ծաղկաձորում կայացած`«Օրենսդրական փոփոխությունները գնումների համակարգում» խորագրով սեմինարի շրջանակներում, որն անց է կացվում Միջազգային համագործակցության գերմանական հիմնադրամի (GIZ) աջակցությամբ:
Նրա խոսքով, նոր օրենքն ուղղված է պետական միջոցների արդյունավետ օգտագործմանը և կոռուպցիոն ռիսկերի հավասարակշռմանը`գնումների ողջ շղթայում ստեղծվող թափանցիկության ստեղծման հիման վրա, մասնակիցների կողմից, որոնք գործում են armeps.am հարթակում:
Ըստ նախարարի, օրենքը կբացահայտի մասնակից ընկերությունների փոխկապակցվածությունը պաշտոնյաների հետ, ինչը նախորդ օրենքով չէր նախատեսվում, համարելով դա հեղափոխական նորամուծություն:
Նախարարը նշել է, որ փոխկապակվածությունը թաքցնելու դեպքում, եթե այն բացահայտվի, այդ ընկերությունները կահայտնվեն «սև ցուցակում» և 2 տարի իրավունք չեն ունենա մասնակցել գնումների գծով պետական մրցույթներին: Միևնույն ժամանակ, դա չի նշանակում, փոխկապակցվածության բացահայտումը կբերի մրցույթից այդ ընկերության դուրսբերմանը: Դա ընդամենը մի օղակ է, որը թույլ է տալիս ապահովել համակարգի թափանցիկությունը, բացահայտել շահերի բախումը, ինչպես նաև վերացնել հնարավոր կոռուպցիոն ռիսկերը: «Խոսքը չի գնում մրցույթին մասնակցելուց արգելման, այլ ընդամենը պաշտոնյաների հետ այդ ընկերությունների փոխկապակցվածության մասին: Եթե, օրինակ, իմ եղբոր ընկերությունն առաջարկում է լավագույն պայմանները, ուրեմն ինչու պետք է նրան զրկենք մասնակցությունից»,-նշել է նախարարը:
Ըստ նախարարի, փողկապակցված անձինք չեն կարող ընդգրկվել մրցութային հանձնաժողովի կազմում, իսկ պոտենցիալ մասնակիցների անունները մինչև վերջ գաղտնի կլինեն հանձնաժողովի անդամներից: Ինչպես հայտարարել է պետական գնումների պետական ներքին ֆինանսական վերահսկողության վարչության ղեկավար Սերգեյ Շահնազարյանը, դա բոլոր մասնակիցներին կապահովի հավասար պայմաններ, իսկ հակամրցութային համաձայնությունյերից խուսափելու համար նախարարությունն առաջարկել է ներկայացվող հայտի գնային առաջարկի մինչև 5%-ի ապահովում:
Նոր օրենքը նախատեսում է նաև արբիտրաժային համակարգն, որը հաստատվում է նախագահի կողմից, վարչապետի առաջարկով: Վեջերի քննարկումը հայցատույի վրա կնստի 30 հազար դրամ, իսկ դրական որոշման դեպքում այդ գումարը կվերադարձվի: Այդ մարմինը կլինի անկախ: Եթե հայցատուն չբավարարվի ընդունված որոշումից, ապա նա հնարավորությոն ունի դիմել դատարան: Ըստ նախարարության տվյալների, 2016 թվականին անցկացվել է 3 հազար մրցույթ, 91 մլրդ.դրամ ընդհանուր գումարով, չհաշված գաղտնի գնումները, որից բողոքարկվել է 100-ը:
Ներկայումս Հայստանում իրականացվում են 7 տեսակի պետական գնումներ, իսկ նոր օրենքով դրանց թիվը կհասցվի 4-ի`էլեկտրոնային մրցույթ, մրցույթ, գնանշում և գնում մեկ անձից: Օրինակ, էլեկտրոնային գնումները կտարածվեն մինչև 70 մլն.դրամ արժեքով ապրանքների վրա:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ