Արմինֆո. Հայաստանի միջբանկային շուկայում փետրվարի 27-ից մարտի 3-ը ծավալներն ավելացել են 31%, նախորդ շաբաթ տեղի ունեցած` կրկնակի աճից հետո: Դրան զուգահեռ, ներբանկային շուկայում ակտիվացան դոլարով և ռուբլիով գործարքները, իսկ եվրոյով գործարքների նկատմամբ նվազեց հետաքրքրությունը:
Այդ ֆոնին բորսայական հարթակ դատարկ էր, նախորդ երկու շաբաթների ոչ մեծ ծավալներից հետո: Արդյունքում, դրամը դոլարի նկատմամբ աննշան արժեզրկվեց`486.5-ից մինչև 487 դրամ/դոլար, պահպանելով դիրքերը ռուբլու նկատմամբ 8.4 դրամ/ռուբլի, իսկ եվրոյի նկատմամբ`513 դրամ/եվրո մակարդակներում: Մինչ այդ, 2016 թվականի հունվարին, դրամը նշված արժույթների նկատմամբ արժեզրկվում էր, ընդ որում, ավելի կտրուկ արժեզրկվելով եվրոյի, քան դոլարի և ռուբլու նկատմամբ: Համեմատության համար նշենք, որ 2016 թվականի սկզբին դրամը դոլարի նկատմամբ ձևավորվեց 482 դրամ/դոլար, եվրոյի նկատմամբ`529 դրամ/եվրո, իսկ ռուբլու նկատմամբ` 6.9 դրամ/ռուբլի մակարդակներում: Արտարժույթի բորսայական հարթակը 2016 թվականի հունվար-դեկտեմբերին հազվադեպ էր գործել, մեկական գործարք մարտ-մայիս ամիսներին, մասնավորապես, մարտին`100 հազ.դոլար, ապրիլին`2 950 դոլար և մայիսին`800 հազ. դոլար, որից հետո կրկին հաջորդեց լռությունը: Իսկ Կենտրոնական բանկը 2016 թվականի հունվար-նոյեմբերին արտարժույթի շուկայում դոլար է գնել ապրիլ ամսին ($ 2,4 մլն, 478,5 դրամ / $ 1 փոխարժեքով), հունիսին ($ 50.2 մլն, 476.72 դրամ / $ 1), օգոստոսին ($ 19.8 մլն, 474.25 դրամ / $ 1), սեպտեմբերին ($ 28,8 մլն, 474.11 դրամ / $ 1) և հոկտեմբերին ($ 50.8 մլն, 475.47 դրամ / $ 1), իսկ վաճառել է հունվարին ($ 53.1 մլն, 484, 69 դրամ / $ 1) և փետրվարին ($ 41.5 մլն, 492,59 դրամ / $ 1 փոխարժեքներով), ինչպես նաև նոյեմբերին`($ 13.1 մլն, 478.56 դրամ / $ 1) և դեկտեմբերին ($ 15 մլն, 483.06 դրամ / $ 1):
Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, արտարժույթի միջբանկային շուկան փետրվարի 27-ից մարտի 3-ն ընկած ժամանակահատվածքում ծավալները կազմել են 8.050 մլն.դոլար (շաբաթվա անկումը` 31%), միջին փոխարժեքը` 487.09 դրամ/դոլար (նախորդ շաբաթ`489.96 դրամ/դոլար): Դրան զուգահեռ, ներբանկային շուկայում բանկերի կողմից դոլարով գործարքների դինամիկան արձանագրեց աճ, անկումից հետո, ռուբլիով գործարքներում տարբեր ուղղություններով աճ արձանագրվեց, իսկ եվրոյով գործարքներում ակտիվությունը կտրուկ ընկավ: Այսպես,
հաշվետու շաբաթ դոլարի առք/վաճառքի ծավալներում 10-12% անկումը փոխարինվեց 39.5-53% աճով, ռուբլու առքն արագացրեց աճը`2%-ից մինչև 10.4%, իսկ վաճառքի գհծով` 38% անկումը փոխարինվեց 14.5% աճով, իսկ եվրոյով գործարքներում առքը 97%-ից դանդաղեց մինչև 5.8%, իսկ վաճառքի գծով 27% անկումը փոխարինվեց 2.4% անկումով: Արդյունաում, գնվել է 87.3 մլն.դոլար, 486.04 դրամ / դոլար միջին փոխարժեքով, 14.6 մլն. եվրո, 511.54 դրամ/եվրո միջին փոխարժեքով և 895.6 մլն.ռուբլի, 8,33 դրամ /ռուբլի միջին փոխարժեքով, և վաճառվել 113.8 մլն.դոլար, 487.21 դրամ / դոլար միջին փոխարժեքով, 12.1 մլն. եվրո, 515.83 դրամ / եվրո միջին փոխարժեքով և 343.8 մլն.ռուբլի, 8.42 դրամ /ռուբլի միջին փոխարժեքով:
Աղբյուրի համաձայն, նախորդ շաբաթ (փետրվարի 20-25-ը) Հայաստանի բանկերի կողմից տրամադրվել է 53.3 մլրդ դրամի դրամային և 38.6 մլն դոլարի դոլարային վարկեր: Դրան նախորդող ժամանակահատվածի համեմատ դինամիկան բարելավվել է` դրամային վարկերի գծով`7.6% անկումից մինչև 28.4% աճ, իսկ դոլարային վարկերի գծով վատթարացել է`7.8% աճից մինչև 12.9% անկում:
Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին կեսերից Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում:
2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել մինչև 484 դրամ.դոլար, ռուբլու նկատմամբ մինչև 8 դրամ/ռուբլի մակարդակներ, իսկ եվրոյի նկատմամբ ամրապնդվեց 505 դրամ/եվրո մակարդակում, ինչը տեղի ունեցավ տնտեսական ակտիվության 0.5% գրեթե ստագնացիոն ակտիվության պայմաններում, իսկ տրանսֆերտների զուտ ներհոսքը դեռ շարունակվում է նվազել, բայց ավելի դանդաղ տեմպերով (հունվար-նոյեմբերին` 24%): Դրան զուգահեռ 2016 թվականին դիտվեց արտաքին առևտրի շրջանառության 7.4% աճ (անկումից հետո), շնորհիվ նրան, որ արտահանումն արձանագրեց 20%, իսկ ներմուծումը` 1.6% աճ, իսկ գնանկումը սպառողական շուկայում կազմեց 1.4%: