Հինգշաբթի, 29 Հունիսի 2017 13:47
Կարինա Մելիքյան

«Գլոբալ Կրեդիտ» և «Ռենեսա» ընկերությունները հանդես կգան որպես Global Start-up ինովացիոն մրցույթի վենչուրային ներդրողներ

«Գլոբալ Կրեդիտ» և «Ռենեսա» ընկերությունները հանդես կգան որպես Global Start-up ինովացիոն մրցույթի վենչուրային ներդրողներ

Արմինֆո. Ինովացիոն ստարտափների ֆինանսավորման մրցույթի ավարտն արդեն իսկ հայտարարված է և հայտնի են մրցույթը հաղթահարած “AR magic” և “Web Pro by Game” երկու նախագծերը: Վերոնշյալ թիմերի հետ «ԳԼՈԲԱԼ ԿՐԵԴԻՏ» ՈՒՎԿ ՓԲԸ-ն և «ՌԵՆԵՍԱ» ՍՊԸ-ն ստորագրեցին համագործակցության հուշագիր: Այս մասին ԱրմԻնֆո գործակալությանը տեղեկացվել է «Ռենեսա» ընկերության մամուլի ծառայությունից:

 

«Մրցույթը հաղթահարած 2 թիմերից յուրաքանչյուրը 10 մլն ՀՀ դրամի չափով ֆինանսական ներդրում կստանա ներկայացրած գաղափարները կյանքի կոչելու համար»,- նշեց «ԳԼՈԲԱԼ ԿՐԵԴԻՏ» ՈՒՎԿ ՓԲԸ գործադիր տնօրեն Լուիզա Իգրանյանը,- «Հուսով ենք և աշխատելու ենք այն ուղղությամբ, որ ծրագիրը հասնի իր նպատակակետին և կրի շարունակական բնույթ»:

 

«Շնորհակալություն ենք հայտնում Գլոբալ Կրեդիտին՝ ընձեռած հնարավորության համար: Դա օրինակ կարող է հանդիսանալ և ըստ իս՝ պետք է հանդիսանա մյուս կազմակերպությունների համար, որպեսզի խթանեն ստարտափներին կյանքի կոչել իրենց գաղափարները: Մեր նախագիծն է՝ հայկական հեքիաթների մոտիվներով ստեղծված ներկելու գրքեր, որոնք համեմված են լրացված իրականության տեխնոլոգիայով: Նորագույն տեխնոլոգիաներով փորձում ենք ավելի ինտերակտիվ դարձնել սովորական դարձած ուսուցողական ժամանցային գործընթացը»,- նշեց AR Magic նախագծի ղեկավար Հայկ Վարոսյանը:

 

Web Pro by Game նախագծի ղեկավար Հայկ Առաքելյանը ծրագրի վերաբերյալ նշեց,-«Արդեն երկար տարիներ է , ինչ զբաղվում ենք վեբ ծրագրավորմամբ, ինչպես նաև ուսուցանում ենք: Այս ծրագրով մենք կկարողանանք ոչ միայն հայկական շուկայում,այլև այլ երկրներում տարածել մեր ծառայությունը և խաղերի միոցով իրականացնել ուսուցում, որն արդեն ավելի գրավիչ կդարձնի սովորելու ընթացքը: Այդ ուղղությամբ որոշ քայլեր արդեն կատարել ենք, սակայն առանց օգնության չէինք կարող շարունակել: Ուրախ ենք, որ դարձել ենք մրցույթի հաղթող և այժմ, ստանալով աջակցությունը, կփորձենք ստեղծել պրոեկտ, որը տարածում կգտնի ամբողջ աշխարհում»:

 

«Շատ ուրախ ենք, որ այսօր ունեցանք համագործակցության հուշագրերի ստորագրում մեր գործընկեր թիմերի հետ: Երբ խոսքը գնում է Գլոբալ Կրեդիտի մասին ենթադրվում է, որ պետք է խոսենք վարկերի մասին, սակայն այս անգամ այդպես չէ, այս անգամ խոսքը գնում է առանց որևէ տոկոսի ֆինանսական ներդրման մասին, որի միջոցով հաղթած թիմերը կկարողանան կյանքի կոչել իրենց գաղափարները: Մենք հետևողական կլինենք, որպեսզի միջոցներն օգտագործվեն նպատակային և արդյունքում կունենանք արտադրանք, որը կծառայի ժողովրդին և ստեղծագործ թիմերին»,- իր խոսքում նշեց «ԳԼՈԲԱԼ ԿՐԵԴԻՏ» ՈՒՎԿ ՓԲԸ Գործադիր տնօրենի տեղակալ Արամ Ղուկասյանը:

 

Հիշեցնենք, որ ծրագրի մեկնարկը տրվել էր մարտի 23-ին և նպատակն էր տեխնոլոգիական և այլ ոլորտներում նորարարական գաղափարներ ունեցող թիմերին և ընկերություններին աջակցել՝ ներդրումների իրականացման միջոցով: Հայտարարված մրցույթին հայտ էր ներկայացրել շուրջ 30 թիմ և մրցույթի արդյունքում ընտրվել են լավագույն 2 առաջարկները:

 

Հիշեցնենք, որ «Ռենեսա»  փակ բաժնետիրական ընկերությունն ստեղծվել է 26.03.2001թ.-ին: 27.06.2008թ.-ին Ընկերությունը վերագրանցվել և վերալիցենզավորվել է ՀՀ Կենտրոնական Բանկի կողմից, որպես ներդրումային ընկերություն:  Ընկերությունը ֆոնդային բորսայի անդամ է դեռևս 24.01.2002թ-ից, իսկ 11.12.2008-ից այն նաև Արժեթղթերի հաշվարկային hամակարգի անդամ է: Ընկերության բաժնետերերն են Էդուարդ Մարությանը և Արայիկ Կարապետյանը, հավասար մասնաբաժիններով: 2014 թվականին «Ռենեսան» ճանաչվել է Հայաստանի լավագույն ներդրումային ընկերությունը:

 

Նշենք, որ «ԳԼՈԲԱԼ ԿՐԵԴԻՏ» ՈՒՎԿ-ն (համաձայն ՀՀ կենտրոնական բանկի խորհրդի 26.10.2010թ թիվ 267Ա որոշման) գրանցված ունիվերսալ վարկային կազմակերպություն է, որը ձևավորվել է «Վաշինգթոն Քափիթալ» ունիվերսալ վարկային կազմակերպություն ՓԲԸ և «Կրեդիտ Յունիոն» ունիվերսալ վարկային կազմակերպություն ՓԲԸ  միաձուլման արդյունքում, ինչպես նաև ընդլայնվել է «ԳԼՈԲԱԼ ԿՐԵԴԻՏ» ՈՒՎԿ ՓԲԸ-ի և «ՋԻ ԷՖ ՍԻ ՋԵՆԵՐԱԼ ԸՆԴ ՔՐԵԴԻԹ ՔՈՄՓԱՆԻ» ՈՒՎԿ ՍՊԸ-ի միացման ձևով վերակազմակերպման արդյունքում: Ներկայումս Ընկերությունը հանդիսանում է «ԿՐԵԴԻՏ ՅՈՒՆԻՈՆ», «ՎԱՇԻՆԳԹՈՆ ՔԱՓԻԹԱԼ» ՈՒՎԿ փակ բաժնետիրական ընկերությունների և «ՋԻ ԷՖ ՍԻ ՋԵՆԵՐԱԼ ՖԱՅՆԵՆՇՆ ԸՆԴ ՔՐԵԴԻԹ ՔՈՄՓԱՆԻ» ՈՒՎԿ ՍՊԸ-ի իրավահաջորդը:-

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.05.2020
RUB6.810.05
USD483.820.82
EUR530.413.84
GBP595.637.09
CAD348.422.70
JPY44.940.10
CNY67.870.03
CHF499.712.54



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000