Ուրբաթ, 22 Դեկտեմբերի 2017 19:24

Արմինֆո. Արդշինբանկը հայտարարում է Visa Instant Issue ակնթարթային տրամադրման չիպային քարտերի թողարկման մասին: Այսուհետ Արդշինբանկի հաճախորդներն ունեն բացառիկ հնարավորություն ձեռք բերել վճարային քարտ անմիջապես Բանկ դիմելու պահին` հաշված րոպեների ընթացքում:

Instant Issue քարտը տրամադրվում է առավելագույնը 10 րոպեի ընթացքում, ունի անվտանգության առավելագույն մակարդակ: Քարտից գործարքները հնարավոր է իրականացնել միայն PIN կոդի կիրառմամբ, իսկ առցանց վճարումների համար նախատեսված է 3D Secure համակարգ, ինչն առավել ապահով է դարձնում առցանց գնումները:

Visa Instant Issue քարտերի սակագների, ինչպես նաև տրամադրման պայմանների մասին առավել մանրամասն տեղեկատվություն կարող եք ստանալ այցելելով www.ardshinbank.am կամ զանգահարելով (012)222222 շուրջօրյա հեռախոսահամարին:

***

Global Finance ամերիկյան հեղինակավոր ամսագիրն Արդշինբանկին ճանաչել է 2017թ. «Տարվա ամենահուսալի բանկ» և «Արտարժութային գործառնություններ իրականացնող լավագույն բանկը»: Հայաստանում: Բանկը Հայաստանի միակ մասնավոր կառույցն է, որն ունի միջազգային հեղինակավոր վարկանշային երկու գործակալություններից (Moody’s և Fitch) ստացված վարկանիշ՝ հավասար Հայաստանի Հանրապետության վարկանշային մակարդակին և միակ մասնավոր կառույցն է ՀՀ-ում, որը միջազգային կապիտալի շուկաներում թողարկել է Եվրոպարտատոմսեր: