Արմինֆո.Հայաստանի խոշորագույն հարկատուների ցանկում, հեռահաղորդակցության օպերատորներից, երկրորդ տարին անընդմեջ առաջատարն է «ՄՏՍ Հայաստան» (ՎիվաՍել-ՄՏՍ ապրանքանիշ) ընկերությունը, I կիսամյակում պետական գանձարանին վճարելով 5,6 մլրդ դրամ, որից 1.5 մլրդ դրամի մաքսային տուրքեր, ավելի քան 2,7 մլրդ դրամի ուղղակի հարկեր (շահութահարկ, եկամտահարկ), 2,8 մլրդ դրամի անուղղակի հարկեր (ԱԱՀ, ակցիզային հարկ): Ընդհանուր առմամբ, 1000 խոշորագույն հարկատուների ցանկում «ՄՏՍ Հայաստան» ընկերություրնն զբաղեցնում 11-րդ տեղը, ինչպես և մեկ տարի առաջ:
Ըստ ՀՀ պետական եկամուտների կոմիտեի տվյալների, կապի չորս օպերատորները 2018 թվականի առաջին կիսամյակում վճարել են 13.9 մլրդ դրամի հարկեր (տարեկան աճը`13%), որից 5.9 մլրդ.դրամի ուղղակի հարկեր և 7.9 մլրդի անուղղակի հարկեր:
Վեոն ընկերությունը (Beeline ապրանքանիշ) վճարել է 3,9 մլրդ դրամ, որից 1,7 մլրդ.դրամի ուղղակի հարկեր և 2.1 մլրդ-ի անուղղակի հարկեր, իսկ մաքսային տուրքերիվճարները կազմել են 25.7 մլն դրամ, 1000 խոշորագույն հարկատուների ցանկում ընդգրկվելով 17-րդ տեղում:
Յուքոմը վճարել է 3,8 մլրդ դրամ, որից 63.9 մլն դրամի մաքսային տուրքեր, 1.1 մլրդ դրամի ուղղակի հարկեր և 2.6 մլրդ դրամի անուղղակի հարկեր, զբաղեցնելով 1000 խոշորագույն հարկատուների ցանկում 18-րդ տեղը:
ՋիԷնՍի Ալֆա ընկերությունը (Ռոստելեկոմ ապրանքանիշ) վճարել է 645.6 միլիոն դրամ, որից 4,5 մլն դրամի մաքսային տուրքեր, 270 մլն - ի կողմից ուղղակի հարկեր և 375,6 մլն.դրամի անուղղակի հարկեր, 1000 խոշորագույն հարկատուների ցանկում զբաղեցնելով 122 տեղը:
Հիշեցնենք, որ 2017 թվականի I կիսամյակում հեռահաղորդակցության 4 օպերատորների կողմից ընդհանուր առմամբ վճարվել էր մոտ 12.3 մլրդ դրամ, այդ թվում, 4.6 մլրդ դրամը կազմել է ՄՏՍ Հայաստանի մասնաբաժինը: (ՀՀ դրամի հաշվարկային փոխարժեքը 30.06.2018 թ-ի դրությամբ կազմել է 482.24 դր / $ 1):
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |