Երեթշաբթի, 24 Մարտի 2020 12:49
Ալեքսանդր Ավանեսով

ԱՄՀ. Համաշխարհային տնտեսության ռեցեսիան 2020 թվականին ավելի վատ կլինի, քան 2008 թվի ճգնաժամը

ԱՄՀ. Համաշխարհային տնտեսության ռեցեսիան 2020 թվականին ավելի վատ կլինի, քան 2008 թվի ճգնաժամը

Արմինֆո. 2020 թվականին համաշխարհային տնտեսությանը սպասում է ռեցեսիա, որը 2008-։ 2009թթ. համաշխարհային ֆինանսական ճգնաժամից վատն է լինելու: Այդ մասին հայտարարել է Արժույթի միջազգային հիմնադրամի (ԱՄՀ) ղեկավար Կրիստալինա Գեորգիեւան՝ ամփոփելով G20 երկրների Կենտրոնական բանկերի եւ ֆինանսների նախարարությունների ղեկավարների մասնակցությամբ արտակարգ հեռուստակոնֆերանսի արդյունքները:

 

Ըստ ՙՌԻԱ Նովոստիի՚, նա նշել է, որ COVID-19 կորոնավիրուսի պատճառով ճգնաժամի սկզբից ի վեր ներդրողները 83 մլրդ դոլար են դուրս բերել զարգացող շուկաներից, ինչը կապիտալի երբևէ գրանցված խոշորագույն արտահոսքն է: Տիկին Գեորգիեւան, միևնույն ժամանակ, 2021 թվականին առողջացման հույս է հայտնել։ Ճգնաժամի դեմ պայքարելու համար ԱՄՀ-ի կողմից ձեռնարկվող միջոցների թվում նա հայտարարել է 1 տրլն դոլար հատկացնելու պատրաստակամության մասին: Տիկին Գեորգիեւայի ասելով,  մոտ 80 երկրներ ֆինանսական օգնության համար դիմել են ԱՄՀ-ին:

 

Հիշեցնենք, որ կորոնավիրուսի համաճարակի պատճառով բազմաթիվ խոշոր ձեռնարկություններ ստիպված են եղել դադարեցնել աշխատանքը։ Կորուստներ է կրում վարակից տուժած երկրների փոքր եւ միջին բիզնեսը: Համաշխարհային ավիաինդուստրիան 200 մլրդ դոլար է գնահատել թռիչքների կտրուկ կրճատումից կրած կորուստները:

 

ԱՄՀ կանխատեսումների հետ համաձայն են նաև Ամերիկայի Միացյալ Նահանգների առաջատար ֆինանսական ինստիտուտները։ Bank of America-ում կարծում են, որ ԱՄՆ-ի տնտեսությունն ավարտել է աճի բազմամյա շրջանը եւ ռեցեսիայի մեջ է մտել: Լայնամասշտաբ ճգնաժամի անխուսափելիության մասին խոսում են նաեւ երկրի մյուս երկու առաջատար ֆինանսական ինստիտուտներում՝ Goldman Sachs-ում եւ Morgan Stanley-ում: Ինչպես ակնկալում են Bank of America (BofA)-ում, այս ճգնաժամը կլինի ամենաուժեղը պատմության մեջ: Արդեն երկրորդ եռամսյակում ՀՆԱ-ն կընկնի 12 տոկոսով, ինչը ռեկորդ է Երկրորդ համաշխարհային պատերազմից ի վեր։ Հիմնական պատճառները ' գործարար ակտիվության անկում եւ կորոնավիրուսի պատճառով սպառողական ծախսերի նվազում: "Մենք պաշտոնապես հայտարարում ենք, որ ԱՄՆ-ի տնտեսությունը ռեցեսիայի մեջ է ընկել՝ միանալով մնացած աշխարհին", - ասվում Է Bank of America-ի առաջատար տնտեսագետ Միշել Մեյերի ղեկավարությամբ վերլուծաբանների պատրաստած հաշվետվությունում: Նրա կարծիքով ՝ "խոր անկումն արդեն սկսվել է", քանի որ կորոնավիրուսը հարվածել է գրեթե բոլոր հատվածներին: Դա անխուսափելիորեն կհանգեցնի գործազրկության աճի և բնակչության եկամուտների կրճատման։ Ամբողջ երկրորդ եռամսյակի ընթացքում աշխատատեղերից կզրկվեն ամսական մեկ միլիոն ամերիկացիներ։ Արդյունքում՝ գործազրկությունը կհասնի 3,5 մլն մարդու։ Ամենից շատ դա կանդրադառնա ժամանցի արդյունաբերության, տրանսպորտի, հյուրանոցային բիզնեսի եւ մանրածախ առեւտրի վրա: Գործազրկության նպաստների համար դիմումների թիվն արդեն կտրուկ աճել է այն բանից հետո, երբ ընկերությունները մարդկանց տուն են ուղարկել որպես COVID-19-ի տարածման դեմ նախազգուշական միջոց:

 

Մյուս երկու առաջատար ամերիկյան բանկերը, Goldman Sachs-ը եւ Morgan Stanley – ը, նույնպես, հայտարարել են ռեցեսիայի մեկնարկի մասին: Morgan Stanley-ում "բազային սցենար" են համարում այս տարի գլոբալ ՀՆԱ-ի աճի դանդաղումը 0,9 տոկոսով: Goldman Sachs-ում  կանխատեսումն ավելի հոռետեսական է՝ 1,25%:

 

Այդ մասին նախազգուշացրել է նաև Վաշինգտոնում տեղակայված Միջազգային ֆինանսների ինստիտուտը (IIF)։ Թարմացված տվյալների համաձայն ՝ 2020 թվին համաշխարհային տնտեսությունը կաճի ոչ թե 1,6, այլ, ընդամենը, 0,4 տոկոսով։ IIF-ն ամսվա ընթացքում արդեն երկրորդ անգամ զգալիորեն վատացնում է կանխատեսումը։ Դեռ մարտի սկզբին փորձագետները խոսում էին 2,6%-ի մասին։ Այժմ ինստիտուտի վերլուծաբանները վստահ են, որ համաշխարհային տնտեսության մեկ երրորդը ճգնաժամի մեջ է։

Այսպես, ռեցեսիա է դիտվում է ԱՄՆ-ում, Եվրամիությունում եւ Ճապոնիայում, որոնց բաժին է ընկնում համաշխարհային ՀՆԱ-ի 15,1 տոկոսը, 11 տոկոսը եւ 4 տոկոսը: IIF-ի կարծիքով ՝ անկումը կշարունակվի, առնվազն, մինչեւ տարվա կեսերը: Այն մասին, որ ԱՄՆ տնտեսությունը դադարեցրել է աճը, հաղորդել է ամերիկյան խոշորագույն բիզնես դպրոցներից մեկը՝ UCLA Anderson-ը: Այնտեղ կարծում են, որ դեպի լավը փոփոխություններ կարելի է սպասել միայն սեպտեմբերի վերջին։ Երկրի տնտեսությունը երկրորդ եռամսյակում կկրճատվի 6,5 տոկոսով, իսկ երրորդ եռամսյակում՝ 1,9 տոկոսով։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
08.04.2020
RUB6.56-0.06
USD496.58-2.79
EUR539.43-3.63
GBP612.23-2.69
CAD354.35-1.91
JPY45.62-0.17
CNY70.450.06
CHF511.31-1.92



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000