Արմինֆո. Տարեկան հաշվետվություններ և զարգացման ծրագրեր կազմելիս գործարրա հատվածը պետք է հաշվի առնի աշխատանքի արտադրողականության բաղադրիչը։
Այդ մասին մարտի 11-ին կառավարության նիստի ժամանակ հայտարարել է վարչապետ Նիկոլ Փաշինյանը, նշելով, որ Հայաստանում աշխատանքի արտադրողականությունը զիջում է ոչ միայն զարգացած, այլեւ զարգացող շատ երկրների ցուցանիշին։ Նա ընդգծել է, որ անհրաժեշտություն կա բարձրացնել տնտեսվարողների իրազեկումը աշխատանքի արտադրողականության և այդ ցուցանիշի բարելավման մեթոդների մասին։
Կառավարության մամուլի ծառայության հաղորդման համաձայն, Էկոնոմիկայի նախարար Վահան Քերոբյանն էլ նշել է, որ եթե Հայաստանում 1 մարդու 1 ժամվա միջին արտադրողականությունը մոտ 6 դոլար է, ապա ԵԱՏՄ երկրներում միջինը դրանից կրկնակի ավելի է: «Էկոնոմիկայի նախարարությունը մի շարք ծրագրեր է մշակում, որենք առաջիկում կներկայացվեն: Դրանք վերաբերում են մեծ և միջին ընկերություններին արտադրողականության աճի գործում օգնելու հարցին, նախատեսվում է խորհրդատվական, տեխնոլոգիական աջակցություն»,-նշել է էկոնոմիկայի նախարարը:
Արձագանքելով՝ վարչապետը նշել է, որ միջինացված Հայաստանում 1 մարդու 1 ժամվա արտադրողականությունը 6 դոլար է, ԵԱՏՄ երկրներում՝ 11 դոլար է, աշխարհի զարգացած երկրների պարագայում 43 դոլար է. «Իհարկե, երկրներ կան, որտեղ աշխատանքի արտադրողականությունը 100 դոլարն անցնում է: Եվ այստեղ կարծում եմ՝ թվային, մաթեմատիկական ձևով մեր խնդիրները, պրոբլեմներն ի հայտ են գալիս: Եվ շատ կարևոր է, պարոն Քերոբյան, որ այդ ծրագիրը հաջող իրականացվի: Դրանով մենք էականորեն կօգնենք և՛ տնտեսությանը, և՛ պետությանը, և՛ գործարարներին»:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |